،،،،،،،بستان الشعر،،،،،

[معلومات العضو غلا نجد]

يمّه ..وإذا قلت... يمّه فزّت أوجاعي =أحس في نطقها لـّـذة مـع دموعي
يمّه.. ترى مابقى منّي سوى أضلاعي= لا والله ..إلا أنـا الباقي من ضلوعي
تـترتب ..فـ صفحة الأحزان.. أوضاعي= ويتبعـثر إللي قرى آهات موضــوعي
يمّه.. ترى أطفال حظي.. ناموا جياعي= مايشبع الهم.. يمّه ..غير من جــوعـــي
بالأمس كان الزمن لي غصب مطواعي= واليوم حتى أنا...ماني على طـوعــــي !!
لي أصل ثابت ولا قد مال عن قـــاعــي =بس البلا.. كيف يبْسَـتْ ..عــالي فـروعــي
كنت أحسب إنه فخر لاهبّ ..ذعـذاعـــي= وأثري انخدعـت وطفيت بنفسي شموعي!
أرحل من الضيـم مـالاقـيـت فـّـزاعـــي= وأرجـع.. ويـبـكي على خـذلانـي.. رجـوعي
كـل الغـيوم فـ حـياتي مـالها داعــــي= لاصار.. لامن حـكـت.....ماتذكــر ربـوعــــي
وحدة...وشعر...وسهر.. هذي هي أنواعي= غربة وفرقا أهل...هذي هي جـمـوعــي
وإللي بسـبـبها لقيت.. القلب مـلـتـاعــي= راحت.. وصافي سماها ...يرفض طـلــوعـي
ياذيب الأيام...... جرحي كذبة الراعــــي =إنـهـش.. وناي العمر... ماهو بـ مـسموعي
من قبل موتي... لفـتـني ونّـة الـنـــاعـي= ومن قبل لا أحـيـا ...هلكت.. وجفّ يـنـبوعي
يـمّه ترى رضاك ....أول وآخر ..أطماعــي= لا لا يـهـمـك.. عـذابٍ كـسّـر ضـلـــوعـــي
لاصار بـّـرك ..هو أجمل شي فـ أطـبـــاعـي =لابـدّ في يـوم ..يـثـمـر. خـير فـ جـذوعـــي

 

 

 

 

[معلومات العضو مطلق الحصان آل عمار]

انالابغيت ادله عن اللي مضى واسـج=تنحت بي الدنيا علـى غيـر مشهايـا
توارد همومٍ في ظميري تسجـه سـج=ولاعاد اميز بيـن صبحـي ومسرايـا
غدى الجوف منها مثل عدٍ تلجـه لـج=دلـي الروايـا فيـه ويزيـد مشكايـا
انا اشكي واشاكي واشتكي كني المحتج=على دوره الدنيا علـيّ مابـه سوايـا
الىمن نويت بلذه النـوم عنـي هـج=هجيج المها اللي ذيره صـوت رمايـا
فلاتنعرف لـي يمـه واعتمدهـا فـج=ولاتنعرف لي وجهتن تصلـب خطايـا
شبيه الغرير اللي تدرج بمشيـه درج=الى من خذيت شوي غيـرت ممشايـا
الى كن في جوفي لهيب الغضى يهتـج=وهيج الحريق بيابس القشـع بحمايـا
الى من شربت الما اعود وامجه مـج=حداه اللهيب وزاد بالجـوف مظمايـا
صواديف دنيانـا علينـا تركـز عـج=كفانا الولـي وشرهـا يـدوي ادوايـا

 

 

 

 

[معلومات العضو المطنوخه]

أنانية ولي قلباً ملـك فـي داخلـه إحسـاس قوية شامخة ما اضعف رغم ما قـال عذالـي

 

 

 

 

[معلومات العضو مطلق الحصان آل عمار]

مدار الزمان يدور ويحكم الاقوال=ويعطي لنا مع دورته لعبه الكوره
مادام الذهب يرجح معا كفه الاموال=رصيدي ذهب بالقلب مع وافي شعوره
ونا اللي معا سود الليالي على الموال=صديق الصداقه والمواثيق معموره

 

 

 

 

[معلومات العضو شافي القويسي المخاريم]

دامــــك بـــديت .وعن خـــلك تخليت ,,,, ماهمـــني زينـــك. وروعة جمـــــالك

تبي الصراحــــه .من طبايعك ملـيت ,,,,, بهجــــرك. والقــــى صاحب لي بداك

ليتــــك تحـــس وتعترف انك اخطيت ,,,, وليتـــك تشوف من البشر من صفالك

وليتــك تعرف اخطــــاك وانك تجنيت ,,,, وليتـــــك تشوف اللي صبر ماشكالك

 

 

 

 

[معلومات العضو مـــهـــرهـ]

في يدينك لمّنِـي وإستِـر عَليْ لا مِن شهقـتـ ..

لو تشوف اِبكايْ وقّف لا تقول اني بكيت


قول دخان الزقارة في عيوني واحترقت

جيت اطفي ما بقى فيها ولكني نسيت !


دور لدمعي معاذيرٍ كثيرة ..قل عرقت

إلا تدري .؟! قول مدري ..! احسبك نمت وغفيت


والله إنك ما كذبت الا معي دايم صدقت

بس عشاني / ليت تكذب بس هالمرة ياليت ..


سو نفسك ما سمعت اني اناديه وشرقت

عدها شرقة مريض ومن سخونتها هذيت


تكفـى لا تسألني عنه من كثر حبه زهقت

كل ما بغـفَـى ـىَ وألمّـك مـــــــــر بالبال ووعيت


تجربـه ولا لها حظ وعلى طول افترقت

اِنتهَـى المشو1ر فيهـا / كان بايع واشتريت


واحدٍ سيّـر على قلـبي وخذ وياه وقت !

أي وقت ؟ إلا خذا وياه قلبي.. وِ وش خذيت ؟؟!

:..

كود جرحٍ / وونّتِـيـن / ودمعة العين .. وحرقت

قلبـ منهو يسمع ابيـات القصيـدة بيت..بيت


هو نساني ! واحسب اني لا عشقته انعشقت

وانت أبيلي عيب واحد فيك ما عمري لقيت !!


هو سرق مني ابتساماتي وانا منك سرقت ؛.

قلبك .. ومذكر عطيت بيوم من قلبي ووفيت


حتى في عز إندمـآاجِـي في غر1مِـك ما نطقت

إلا اسمه ...والمصـيـبـة قلتلي . ســم و رضـيت !!..


لا شرهت ولا زعلت ولا تغيرت وفرقت !

هيه هيه الابتسامة ما تكدرت ومشيت


بس دمعة من عيونك وان سألتك ما صدقت

قلتلي الدخان داخل في وسط عيني وبكيت


عسى ربي يــــ ع ـــــوضكـ يالـــ غ ــــالي بالــ خ ــير بالايام المقبلاتي......



ورب البيت مامثلـــــــــــــكـ أحـــــــــــــــــــد.......


ألف شكر لك أخوي على هالبستانـ............................


انا ومن يحبك <مطلق> ..


ممنونين مواصيلك ومواضيعكـ ..


اتحفتنا زود ياشاعرنا .. بأبياتكـ هاتهاا هنا ومتصفحك راحتك ......... ..


تقبل مسيــــــــــــــــــــاري الأول وليس الأخير بأذن اللهـ ..


<مهرة منتدى الدوآآآســـــــــــــــــــــــر>

 

 

 

 

[معلومات العضو مطلق الحصان آل عمار]

حياااااااك اختي ونتشرف بمروركم ومشاركتكم

آوآآه ياعبره لجت بيـن الآضـلاع=توافقت معها التناهيـت فالجـوف
تآصل لحد الزور من دون مطـلاع=تعسكرت وسط النحر فرد وردوف
ان جيت بخفيها عن الخلق تنـذاع=غصبٍ عليّ تبين بالوجه وتتطـوف

 

 

 

 

[معلومات العضو مطلق الحصان آل عمار]

الخاطر اللي قد له ايام بـه عمـس=تصفق به الآيـام صفـق الهبوبـي
رايٍ يناديني على مسمع الهمـس=ورايٍ يزّود نـار حـري شبوبـي
لي مدتٍ والعين تظهر لها الشمس=تسهر سوات اللي لذنبـه طلوبـي
اصارع الآيام واصفق لهـا الخمـس=وتظرب لي الآصباع كنها الطروبي
وقلبي مع الهوجاس والهّم له غمس=غمس الحديد بنار حتـى يذوبـي

 

 

 

 

[معلومات العضو غلا نجد]

ابيها عقد من فضه وابيها عقد من ألماس =وابي غالي الذهب يبرق يحلي كل اساورها
ابيها وسم في صدري وابيها رسم عالكراس=وابي تكتب حروف اسمي بصفحه من دفاترها
ابيها وقت فعل الشر تكون لعقلي الوسواس=وابيها وقت فعل الخير هي اللي بس اشاورها
ابيها صوت يطربني يذكرني بصدى الاجراس =وابيها كل لحظاتي من اولها لآخرها
ابيها اطهر العالم بعمره ماوطا الادناس =وابي تقهر جميع الناس ولابه شي يقهرها
ابيها دوم مبسوطه ابيها ما تشوف الباس=ابيها تكون لي ورده تعطرني واعطرها
ابي تسكن وسط روحي ابيها اقرب من الانفاس=وابي من غير ما تامر انفذ كل اوامرها
ابيها قصر في قلبي ابي ظلوعي تكون الساس =وابي تفرش قصر حبي بلحظة من مشاعرها
ابيها تكون خاطرتي ابيها تكون لي احساس =وابي انا الوحيد اللي تحبه في خواطرها
ابيها تموت في نزفي تحبه حب بدون قياس= وابي لامن قرت شعري تضييع بحب شاعرها

 

 

 

 

[معلومات العضو حفيدالجدين]

يمكـن إني في نظركـم مجرد فقـير
نظرة المــال تحكمكم .. وهذا خطاكـم

وتحسبوني على ماقيـل منكم أغير
يوم عن كامل الصورة .. حرمكم عماكـم

كل منكم على جّـرة خـوّيه يسير
بعتـوا نفوسكـم بالذل لللي شراكــم

صار جمع الذهب والمـال حلمٍ كبير
وليت ما عندكم يستر بعض ما وراكــم

ما ستر مالكم عيبٍ ووضـعٍ خطير
وش نبي نقــول غير الله يجبر عزاكــم

عند كل البشـر يبقى الصّغير صغير
ما لكم شمس .. وابقوا عايشين بمساكــم

من هو اللي اليا جاء العلم فينا الأمير
مجـدنا غير .. وإلا أنتم قريـبٍ مداكـم

إيه نحتاج وكم مـرة .. علينا تصير
لا نصانا الذي يوم اشتكـى مانصاكــم

من وفانا الرفيــق بما يجينا خشير
وش صـدانا .. ووشهوا فالحقيقة صداكـم

تدري الناس والله بالخـوافي خبير
والله اللي رفعنـا .. والله اللي بلاكــم !!

 

 

 

 

[معلومات العضو نجــــــــــديه]

أسعد الله مساكم
كلما دقيت في أرضٍ وتد .. من رداة الحظ وافتني حصاه
كنت أنا ويّاه روحٍ في جسد .. مرقده روحي وهدب عيني غطاه
دمتم بود

 

 

 

 

[معلومات العضو مطلق الحصان آل عمار]

كلن عليه من اليالي محالا=وكلن على ماقيل وضعه يهمّه
احدن شكا فرقا ربوعٍ جزالا=واحدن شكا من عقب خاله لعمّه
واحدن شكا بالوقت قطع الحبالا=واحدن يتيمٍ مالحق شوفه امّه
واحدن شكا حزن السنين الطوالا=ترادفت لقدار قامت تعمّه

 

 

 

 

[معلومات العضو مطلق الحصان آل عمار]

لجلك سهرت الليالي في معاناتي ولجلك كتبت القصيده حبرها دمعي اسهر واخيلك واجاوب كل عبراتي واخفي عن الناس همي لو على ربعي

 

 

 

 

[معلومات العضو مطلق الحصان آل عمار]

دامك على هرج القفا تمشي وتقرع بالطبول فاعرف ترى ماهمنا هرج الردى وقول الرخوم نسما وتسما بالوفا وقفاتنا يوم الذهول يامسرجن خيل الردى مالك على نطح الخصوم مطلق الحصان

 

 

 

 

[معلومات العضو السيف دايـم]

أسمح لي أن أعيد هالابيات لأعجابي الشديد بشعرك وصح لسانك عليها ... كـم واحــدٍ وده ووده ووده لكنّها ماجت على الكيف ياذيب ان جا يبيها جايـر الوقـت رده وحده على عكس اختياره مطاليب ولو ان كلن حصل اللـي يـوده كان استوت ماعاد فيها عذاريب مشكور يالذيب