ما عاد به فالسوق بيعه و شريه *** ومن اول حطم جميع المقاييس - الصفحة 2

**معلومات** **العضو** · 29-09-2005, 03:13 PM

اشهد انا تورطنا مع مدرس انقليزي

استلم نفدا خشمك

خلوووووووووووووها:

يا (Welcome)(Freind) عندنا شاذليه **** قدام ما ناقف عاى (line) ال (race)
ابشر بشعار تحل القضيه *** لكن لا بد ان تعاون عاى ال (base)

**معلومات** **العضو** · 29-09-2005, 06:36 PM

أرحب يافتى الجود:
ههههههه ( مدرس انقليزي) ماخبرتلي وظيفة لكان في البندق واحب خشمك ، المهم لانطلع من الموضوع قل ماشاء الله تراه ماعاد طرالي ولاكلمة (قلينزي) شكلك بواردي يابن العم، استلم:-

بازوركم بال(car ) ولا المطية ........ وانصا النشاما متعبيــن ا لمحاميــــس
وانا معك سعد الخوي لخويــه.......... نســـوقها لأيــة محل وأيـــة (place )

إن بغيت نغير من الإنقليزي ونقلبها فرنسي ترى مهيب شينة. ( تشاااااااو)
ياجمهورنا ويالصفوف إن معجبكم الوضع ترى نغير ونقلبها عربي ×عربي لحد يشره علينا يابني عمنا.

**معلومات** **العضو** · 29-09-2005, 08:17 PM

يابن عمي ماعندي الا خمس كلمات اذكرها من ايام الثانويه و سبقتني عاى بعضها

استلم نفداك:

ان زرتني عيدت عيد الضحيه *** الطير يفرح بالطيور القرانيس
ابشر خويك يرد حوض المنيه *** يفدي خويه يوم قبس المقابيس

**معلومات** **العضو** · 29-09-2005, 08:33 PM

ابو عبدالمحسن وفتى الجود واصلوا على (يه)و (يس)الله لايهينكم[b]

**معلومات** **العضو** · 29-09-2005, 08:41 PM

ارحب يا عراب مليوووووووووووووووون و مرورك شرف

**معلومات** **العضو** · 29-09-2005, 09:29 PM

ارحب يافتى الجود:- كفو يابن العم ، ارحب ياعراب وابشر عودنا على (يه+يس)

كنسلت هرج اهل الفعول الردية............ أمثال مستر بن مع جـــورج ولويــس
وجيتك وانا شاعر عزومــي قويـة...............مأسسن قولي على الفعل تأسيس

غيّر المعنى يامال الشحم هنا ولا هناك ، اللييييييييييييل

**معلومات** **العضو** · 29-09-2005, 10:00 PM

ارحب واللي تبيه يصير :

كنسل عليهم يازبون الونيه *** وارفع عيونك لنجوم المراويس
وفزع بسيف وخنجرن حضرميه *** ليلى عليها يبكي صحيبها قيس

**معلومات** **العضو** · 29-09-2005, 10:27 PM

تسلم يافتى الجود وعز الله إنك تحط على الجرح ويبرى، ولا يهونون بني عمنا الباقين، واستلم طال عمرك على طاعة:-

أبشر بعزك عقب هاذيك ذيـــة.......... وعدن عليّه لاترك الهيس للهيس
أنا بسيف وخنجر وبندقيـــــــة.......... وانته معي بالدرب لو به تغــاريس

**معلومات** **العضو** · 29-09-2005, 10:36 PM

وين انتو يابني عمي وين الصفوف ، هذا واليوم اجازة ، لوه دوام وش بتسووون ، الهمام يارجاااااال

الليييييييييييييييييييييييييييييل

**معلومات** **العضو** · 29-09-2005, 11:11 PM

الشاعرين فتى الجود و ابو عبدالمحسن المسعري

اشهد انكم شعار من العيار الثقيل في هذا القسم ماشا الله عليكم سجلوني من بين صفينكم لاعدمتكم يالذيابه

**معلومات** **العضو** · 29-09-2005, 11:27 PM

أرحي يالمسعري يابن العم :

ماعليك زود ، وترانا فاقدينك لك مدة ، كلنا متابعين لقصائدة واشعارك في النظم والمحاورة ، وتسلم على التشجيع وشرف لنا مرورك وتشجيعك...

**معلومات** **العضو** · 30-09-2005, 02:34 AM

فتى الجود وابو عبدالمحسن

بيض الله وجيهكم ولاهنتو على الرديه الجزله

والمنتدى مايحيى ويتطور الا بالرجال اللي مثلكم وشرواكم

وانا بصفتي دوسري اشكركم على جهودكم في منتدى القبيله

وبصفتي شاعر امسك طرف الصف ونحتريكم ياشعارنا المبدعين

بالانقلش(we are waiting)

**معلومات** **العضو** · 30-09-2005, 08:29 AM

( الحر ) :

يامرحبا تراحيب المطر يابن العم ، الله يحييك ولنا مدة فاقدينك ، لكن من طول الغيبات جاب الغنايم

والمنتدى وقسم المحاورة ماعليه إن شاء الله خوف بوجود أمثالك. تقبل الود والتقدير ،،،

**معلومات** **العضو** · 01-10-2005, 06:34 AM

ابو عبد المحسن المسعري وفتى الجود

كسب للمنتدى واهل المنتدى ازهلوا الصفوف وخلوها عربي كبوا العنجليزي ترا بعض الرطن مانفهمه الييييييييييييييييييل ياصفوف

**معلومات** **العضو** · 01-10-2005, 07:44 AM

اخوي المسعري:

ارحب ثم ارحب وين ذا الغيبه ياقاطع!!!!!!!!!!!!!!!!!!!!!!!!!!!

مرورك اعتز فيه ياولد عمي وابشر باللي يرضيك ان شاء الله

اخوك فتى الجود

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية