موسوعة (فرسان قبيلة الدواسر)المشاركه للجميع

[معلومات العضو فيصل بن جزاء]

المشاركة الأصلية كتبت بواسطة العنا

معلومة تاريخية جدا مهمة تحسب للقبيلة .
وسؤالي من من الأسر التي ينتمي لها موجودة في الافلاج او الاقرب لة اذا صح التعبير ؟
الف شكر لك

من تقصد ؟

 

 

 

 

[معلومات العضو أبونواف الدوسري]

الأخ العزيز فيصل بن جزاء

بيض الله وجهك يا ابو جزاء

على هذه الفكره الطيبه .. والله يوفقك لما يحب ويرضي

أخوك أبو نواف الدوسري

 

 

 

 

[معلومات العضو فيصل بن جزاء]

المشاركة الأصلية كتبت بواسطة أبونواف الدوسري

الأخ العزيز فيصل بن جزاء

بيض الله وجهك يا ابو جزاء

على هذه الفكره الطيبه .. والله يوفقك لما يحب ويرضي

أخوك أبو نواف الدوسري

ابونواف الدوسري لاعدمناك ولاعدمنا مرورك الكريم

تقبل التقدير والاحترام

 

 

 

 

[معلومات العضو فيصل بن جزاء]

الامير والفارس / ناصر المبيعيج الودعاني

هو الامير والفارس والشاعر/ ناصر بن ودعان بن سالم بن زايد الدوسري الملقب بالمبيعيج
ومن المناسبات القديمه معركه مشهوره اعدها امير الدواسر/ عامر بن بدران رحمه الله علي قبيلة سبيع فعمل خطه للمعركه فوضع خط ان لايتحرك الجيش الابامره فبعج الخط ناصر فسمي المبيعيج فجرت المعركه فلم انتهت المعركه بنتصار الدواسر رحل الضمين إلى سدير بسبب مخالفة الجيش لامره ,

وقد قالت وسيم العامريه من قبيلة سبيع في هذه المعركه بعد ان قتل اخوتها التسعه وبنوها السبعه
قصيده من ضمنها

بشر غداعند المبيعيج ناصر= غدا بينهم يوم اختلاف الوعايد

قصيدة قالها المبيعيج ناصر عندما رحل الضمين الامير عامر بن بدران رحمه الله من وادي العقيق (وادي الدواســــــــر )

ياسدرة المغنى اللي على مشرع الصفا=في جـال مخضـر جنـاب( قـرون)
بنشدك ماشفتي هل الجـود والصخـا=اللـي لهـم كـود الأمـور تـهـون
شـدوا وخلونـي أجـاذب هضايمـي=تحملت مـن كثـر الغبـون أغبـون
ونيـت ونـات تحطـم لهـا الحشـا=وهلـت غزيـرات الدمـوع عيـون
أقفو وأنا عينـي تخايـل أضعونهـم=ضعايـن قفّـت تـلاهـا أضـعـون
اقفوا هل الشيمـات يـادار وانتحـوا=الى ويـن يـا وادي قـرون يبـون
اقفـو كمـا نـوٍ حقـوقٍ مخايـلـه=وبلـه وبـرقـه للـعـدات مـنـون
مـع البيـدا تـبـارى اضعونـهـم=يقـودون طوعـات الرقـاب بهـون
لاكـن أرقـاب الزايديـات بالـحـن=رقـاب المهـا لولادهـن أصـفـون
يتلون نزال الخطـر مرهـب العـدى=عامـر لصعبـات الأمـور زبــون
خالـي ولا غيـره عزيـز رجيـتـه=أرجيـه رجـو الممحليـن قــرون
ان صـاح صيـاح نذيـر لقيتـهـم=على سروج طوعات المهـار يجـون
ترعى بهم جـرد الرقـاب و تنثنـى=ولهـا صهيـل المرهفـات الـحـون
لاكن خرير الدم من ضـرب شلفهـم=كما ناضح الما مـن عيـون شنـون
ياليتنـي معهـم علـى كـور وجنـا=ويبـرى لهـا وقـم الـربـاع ودون
من عقبهـم يـادار لا علـك الحيـا=ولا أخضرت بك بالسنيـن اغصـون

أيضاً كان أحد أبناء ناصر المبيعيج الودعاني يلعب مع ولد جاره يوم عيد الاضحى وكان طفلا وقد شاهد ابوه وهويذبح ضحايا العيد فاحب ان يقلدة وقال لولد جاره وهو يلعب معه تريد اوريك ويش ابوي يسوي بالضحايا
قال نعم فقال نم على الارض واخذ السكين وذبحه به فخرجت ام الطفل المصاب وشاهدت ابنها وحاولت انقاذه ولكن النزيف ارهقه وتوفي على اثر ذلك ولم يكن هناك اطباء ولا حالات اسعاف وسمع ناصر المبيعيج الصوت والصياح فخرج وشاهد ابن جاره ينزف دما فسال عن الامر فقيل له ان ابنك هو الذي فعل هذا الفعل وذهب يبحث عن ابنه فوجده عند امه وحاولت منعه من اخذه فنهرهافذهب به وذبحه على جثة ابن جاره وقال لزوجته اخرجي ابكي مع جارتك.

فقال الغوينمي في قصيدته (مصلحة)المشهوره بذكر فعل ناصر المبيعيج:

قل لهم جرا منكم ثمان سوالف=كل(ن) يصدق قايل(ن) لاقالها
الأوله منها المبيعيـج ناصـر=زلّت غرير سببـت لاجالهـا
جره عليه ولاط حلقـه فوقـه=وقال الثيار حلاتهـا عجالهـا

 

 

 

 

[معلومات العضو راعى الكوت]

المشاركة الأصلية كتبت بواسطة العنا

معلومة تاريخية جدا مهمة تحسب للقبيلة .
وسؤالي من من الأسر التي ينتمي لها موجودة في الافلاج او الاقرب لة اذا صح التعبير ؟
الف شكر لك

ال نغيمش اسره كبيره من الصخابره والاقرب لها السعود والصويان والعفيص والوعلان ال مفرج ال مشخص

 

 

 

 

[معلومات العضو مبارك الخييلي]

الله لا يهينك علي الموضوع ونشهد ذا فرسانا
دوااسر والجزيره وطنا دوااسر خلقنا للبشر عقوبه
والله أنه اللي قايلها صاادق
تقبلوا التقدير والتحيه معها

 

 

 

 

[معلومات العضو فيصل بن جزاء]

راعي الكوت لاهنت على المرور والمعلومات

 

 

 

 

[معلومات العضو فيصل بن جزاء]

مبارك الخييلي لاهنت على مرورك الكريم

 

 

 

 

[معلومات العضو فيصل بن جزاء]

الفارس / مقيت بن تميم بن جزاء الغييثات من ال نابت الغييثات

يلقب بــ(الاصقه) لثقل في السمع لديه بسبب اصابه في اذنه في احدى المعارك

وهو راعي (المنجور) المعروف شرق الافلاج

ولد في الخرفه احدى بلدان الغييثات في الافلاج وبها نشأ قاد الكثيرمن

المعارك مع قبيلته عرف بالشجاعه والفروسيه والاقدام وهو فارس لايشق له

غبار وهو احد اجداد (ال جزاء الغييثات) بالافلاج

دافع عن ديرته الخرفه من اطماع الاعداء.

وقال فيه الشاعر ابن جيعان:-

ديرتي بين القرايا كنها جاره=مالها كود رب (ن) مايخليها
ديرتي سكنها حنشان ونماره=والحنش صلته ماحد(ن)يدانيها

وقال الشيخ الشاعر سيف الغوينمي الوداعين في قصيدته المشهوره (مصلحه)

عن ال نابت الغييثات في عرض قصيدته:-

ثم نصها الافلاج فانها ديره=من منوة اهل الهجن عندانكالها
واختص من يدعى بعزوة نابت=مراجل الدنيا غدوا بانفالها
متحملين الحرب كل قبيله=بين الجنوب وشرقها وشمالها
لاجيت بمدح ذا الا ذا مطوف=مثل الدراهم يعجبك صلصالها

وقال الشاعر عبدالله بن هادي ال عمار مادحآ ال نابت الغييثات:-

وعيال نابت بالخرفه مايلحق جزاهم=اللي فرجوله من عناه بلواه
يوم جتهم الحرمه تصيح وتنتخي=ياعجل فزعتهم لها عجلاه
كرمان في دارهم لامن جيتهم=لادالغييثي سعد منهم فزعته سعداه

وصفه احد امراء قبيله معاديه في مواجهه لهم مع ال نابت الغييثات
مخبرآ ربعه.

ستواجهون ال نابت الغييثات وسيكون في مقدمتهم (مقيت الاصقه)
كأنه (البعير العفر) وعلي الطلاق ملازيم الطلاق انه مايثور بندقه
الا اني ذابحه واراد الله ان يقتل امير تلك القبيله واول ثورة بندق
الا هي بين كلاه وقتل على يد الفارس (مقيت الاصقه)وصوب احدهم
في تلك المعركه وطيرت منه الا انها في صانع معهم وكسرت رجله

وقال فيها الشاعر ابن جيعان الغييثات وواصفآ( مقيت الاصقه) :-

مع مغاره جا مع السوق وادغرهم نمر=نعم يانمـر عـدا وانحمـت دغايلـه
ماكواني كود ذا الصانع اللي منكسـر=طيرت من واحدآ ثـم جاتـه عايلـه
صانعـآ و لا هـوب يـدور للقشـر=خابره يحب روحـه ونفسـه غاليـه

ويروى من قصص الكرم عن الشيخ والفارس( مقيت الاصقه)

روايه منقوله عن الشيخ فهد بن سجوان ال حرمل الخضراني رحمه الله قوله:-

والله اني ملحاق عند(مقيت الاصقه) ووالله انني رأيت في يوم من الايام سبعين

بيت شعر مقيظين عنده في( الخرفه) وهو معطيهم النخل الشمالي سبعين مقياظه

ولا بغو يرحلون عطاهم سبعين صريمه و(مقيت الاصقه) يسوق له على غاربين

معيدين ويعطي من شي قليل وساتر نفسه وكل يثني عليه.

قال عنه الشاعر ابوسويحه الدوسري:-

عد حمل(ن) وقيل وين شداه=وقسمه وقال النخل حايل

 

 

 

 

[معلومات العضو مبارك الخييلي]

بيض الله وجهك يابن جزا
تقبل التحيه من ولد عمك
لاهنت علي الفكره الأكثر من رائعه
مبارك الخييلي

 

 

 

 

[معلومات العضو عبدالعزيز آل بريك]

الغالي فيصل بن جزاء مشكور على طرح الموضوع وبهذه المناسبه أطلب من الله العون كوني صغير سن أن يساعدني على ذكر بعض بطولات فرسان ربعي آل بريك وهي بطولات كثيره لكني لست ملم إلاَ بالقليل منها &
فارسينا بهذه المناسبه الفارس بداح الزقروط آل بريك وكذلك الفارس القضيع آل حمود غزوا على العجمان وخذو أبلهم وعندما تعدوا الخرج وقدهم مقبلين على أهلهم تركوا أحد الرعيان يسوق الكسب وعندما مرالراعي والكسب على الشيخ ابن حفيظ الشكره فيه قصرا لبن حفيظ من آل شامرالعجمان
عرفو آل شامر أبل ربعهم وقاموا وردوها أنتضروا آل بريك البل تجي والراعي لكن جاهم العلم ان
آل شامر حالو عليها ركب بداح الزقروط والقضيع آل حمود و نحروا البل وآل شامر قصرا ابن حفيظ
في شعب اسمه شعب الصيد ويذبحونهم مابقا منهم إلاَ غنام صارمنيع عند بداح الزقروط وبهذه المناسبه
قال الشاعر الفصَام القصيده التايه &

ياذيب شعب الصيد عجل المعادي= افزع وناد ربوعك اللي مراقيب
لعيناك ياهزعاالفقار السنادي=غنام رديناه غصبن بلا طيب
حريمنا حطن عليه الشدادي= ومسَن عليه حبال عوج المصاليب
بريكيَة تروي السيوف الحدادي=وترمي اللحم لمعكفات المخاليب
اللي حضرمنهم تعدَى وزادي= المدح يزهى للرماة المعاطيب

وتمنى انَك تزورنا في برك يبوجزاء كونك مشرف تاريخ الدواسر

 

 

 

 

[معلومات العضو فيصل بن جزاء]

مبارك الخييلي لاهنت يالغالي

 

 

 

 

[معلومات العضو فيصل بن جزاء]

الاخ عبدالعزيز ال بريك لاهنت على مرورك الكريم

والفارس بداح الزقروط ال بريك مشهور بكثرة مغازيه

على احدى القبائل ولكن المعلومات لدي عنه شحيحه

نتمنى من احد الاعضاء افادتنا عن هذ الفارس المشهور

 

 

 

 

[معلومات العضو سيف الدواسر]

لا هنت يا ابو فيصل

على جمع التاريخ وتوثيق سيرة فرسانا الابطال وان شاءلله لي مشاركه معكم

 

 

 

 

[معلومات العضو سلطان بن دخيل الله]

بسم الله الرحمن الرحيم

الاخ العزيز فيصل جزاء

مبدع دائما

اخي العزيز

اسمح لي ان اقول لك ان هذه القبيله العظيمه التي تقف انت واللي شرواك خلف ابراز

وتوثيق تاريخها وتبيان ابطالها في كل زمان ومكان واعطائهم حقهم فشجاعتهم وفراستهم كانت هي

الاساس في الوصول الى بنا الى قمة المجد والهيبه وعلو الشان الذي مازالت هذه القبيله العظيمه

برجالها وابنائهم يتفاخرون به ومازال غيرنا من ابناء القبائل الاخرى يتناقلونه ويقرون ويعترفون به

ويتناقلونه من جيل الى جيل .

فالذي يصنع التاريخ هم الرجال

والذي يحفظ التاريخ هم الرجال

والذي يبرز التاريخ هم الرجال

فيشهد الله ان هذه القبيله باجيالها القادمه لن تنسى لك هذه الفكره التي سوف يعطى فيها كل فارس

بسيفه وبشجاعته حقه

وكل فارس بفراسته وذكائه حقه

وكل فارس بحفظ التاريخ لقبيلته حقه

فالفروسيه الحقيقيه:

هي التي تغير مجريات الامور في الاحداث بشكل عام وستضل خالدا بماقدمت من افكار عظيمه ستدوم

وتصبح مصدرا غنيا وثريا لكل مهتم بها على مر الاجيال القادمه يجب على كل رجل غيور ومحب لقبيلته

ان يشكرك .

كلنا نعلم ان لكل زمان رجال فاجدادنا في زمنهم واقصد من برز منهم واصبح مشهور سواءكان ذلك

بشجاعته او بفراسته وغير ذلك .وانت بماتقدم في هذا الزمان الذي نعيشه معا برزت على غيرك فانت

تعتبر بافكارك التي تخلد تاريخ قبيلتك التي تتشرف بك تعتبر علامه مشرفه في هذا الزمان لهذه القبيله

العظيمه

فلك مني جزيل الشكر والامتنان والاحترام والتقدير الذي يليق بشخصك الكريم .

تقبل مروري

محبك في الله :سلطان ابن دخيل الله ابن محمد الشكره