الشــكــــــــره

[معلومات العضو ابن محمد الودعاني]

لاهنت ياذيب الشكرة

ومليون نعم ماتوفي حق بني عمنا الشكرة

وصح السانك والسان القايل

وتسلم يمناك على نقلها اللي ينومس

 

 

 

 

[معلومات العضو الشكري]

المشاركة الأصلية كتبت بواسطة أبو سعود الودعاني

لاهنت وكفو وبيض الله وجهك

على نقل هذه الرااائعه

ومن وجهت نظري ياليت بدون قولك

( ولاعلى قبايل الدواسر نقص وكل قبيله لها فعولها الي كسبتها )

لان فعل اي دوسري اللي ترفع الرااس عز وفخر للدواسر كلهم وفعل الشكره سناام ال زايد ينومس جميع قبايل الدواااسر وفعول الشكره تطلق الوجه من قديم وحاااظر

تقبل جل التحاااياااااا

اخوكــ // مطلق بن سعود

الاخ العزيز / ابو سعود الودعاني

الله يعطيك العافيه

واشكرك على شهادتك الطيبه

اما بالنسبه للجمله اللي انت ذكرت هو يقصد

ان باقي الدواسر ايضا لهم فعل يعني وكانه يشهد لهم

وعلى العموم اشكرك على الحميا اللي فيك

وكلامك الطيب


اخوك

ابو عبد الله الشكره

 

 

 

 

[معلومات العضو فيصل الشكري]

	أشكرك أخوي وماقصرت علئ تلك القصيدة الي أظهرت الشي القليل من فعل الشكرة وأشكرك أخوي على الشرح في اسفل القصيدة وبارك الله فيك وتقبل تحيات محبكــــــ : الشكري001

 

 

 

 

[معلومات العضو ابوعبدالرحمن الودعاني]

مدح الشكره مدح لنا يا الدواسر جميعاً

هم منا وحنا منهم ودمنا واحد وتجمعنا قبيلة الدواسر

وأحسنت على النقل وأشهد أنها قصيدة جزله وطيبه بالحيل.

.

 

 

 

 

[معلومات العضو محمد الغريري]

المشاركة الأصلية كتبت بواسطة ذيب الشكره

السلام عليكم ورحمة الله وبركاته

وصلتني هذه القصيده من الشا عر الكبير الله يطيل في عمره وهو احد المخضرمين و

القصيده لها بقيه وان شاء الله تجيكم لاحقنآ

يالله ياوامر هبايب نوده = يالي خلقت الناس يامعبودها
انك توفق خطوتي ودلني = واسلم من الزله ومن منقودها
بذكر مجال ابطال ربعي وافتخر = وتزودني وقفاتهم ومازودها
من لاد شكر الي يعد فعلهم = لا خالط الهيجا لهب بارودها
حنا هل الست الركايب حنا = وقفاتنا تعرف بليا شهودها
ماهمنا الجمع الغفير ولا احقره = من لاد روق الي اعتزت بجدودها
منهم ثلاثين وحنا سته = نعم بوقفتهم وحنا قدودها
الخمسه الي نفلوا عند العرب = هل ردتآ في السيح دون حدودها
اميرهم فرحان ماخاب ضنه = شيخآ حمى مع لابته مضهودها
جانا الامام محصنآبجيوشه = جيوش نجد يقودها بجنودها
صالو وصلنا ونكشف مقصودهم = وجر الهزيمه ونكشف مقصودها
وبن رشيد اخطى ومشا عامله = يبغى الزكاه ومدرى بمردودها
عند ام قعصوم توهق عبده = جته المنايا من كفوف فهودها
قمنا عليه وسربته ماعودة = خله يتوب العبد لا مايعودها
من الاد شكرآمطوعة عدوانهم = لا سجل التاريخ ضرب زنودها
فرسانا وقفاتهم بين العرب = ما ينحصي عدادها ومعدودها
فرحان راعي الرمح والسيف والقنا = وبداح لامن حك عودآ عودها
وسند ابن فرج الي تعد فعوله = لا كملت خيل العدو مجهودها
ومحمدابن حفيظ ياكبر صيته = وسند المسمى قادها ويقودها
سندابن محمد ضربته معروفه = عقر ثلاث مكرمات بجودها
رجع سخاف الشول في شعب طلحى(3)= وحرم على العجمان تكسب فودها
راعي الدهماعبدالله راعي العزوه (1) = شلفاه تارد في العدو مارودها
عجب صليب الراس ولد محمد = يقود فرسان الوغى ويسودها
ومناحي مناحي رفيع الهامه = ولد سند يرقى طويل سنودها
العولقي يثني عليه ويمدحه (2)= عقل عليه ابله وفك قيودها
يثني على ال حفيظ ونعم بربعهم = ويمنى بلا يسرى تقل جهودها

ولاعلى قبايل الدواسر نقص وكل قبيله لها فعولها الي كسبتها


1- عبدالله راعي الدهما اخو سند ابن محمد ولد عمه وذراعه اليمين وكان عنده مربط

للخيول الاصيله وكان سعود الكبير وعياله يأتون للحصان الادهم حتى يلقح خيلهم وذلك

لأصالته

2- العولقي معروف وهومن الغييثات اخذ ابله ابن جلوي وجاته الجاهيات ولم يردوها

وذهب لمناحي ابن سند وستفزع به وذهب معه لبن جلوي وطلب الامير ابل العولقي

وعطاهم مطلوبهم تقديرآ للامير مناحي وبقيت بندق العولقي عندابن جلوي فأخبر

العولقي الامير مناحي ان بندقه عندهم فرجع مناحي لأبن جلوي وقال عطيتنا السيف

وباقي السله يقصد البندق وعطاهم مطلوبهم ورجع العولقي بحلاله وبندقه
3- العجمان اخذو ابل المساعره وما كان فيه الا الشكره وكانو العجمان بقيادة الدامر وردوها الشكره

ولكم تتحياتي

ذيب الشكره

يعطيك العافيه على المشاركة الطيبة

وصح الله لسان الشاعر على ما قال و كفو كفو كفو يالاد شكر ياهل العلم الغانم



اخوك في الله

محمد الغريري

 

 

 

 

[معلومات العضو لاد شكر]

ونعم ونعم
صح لسانك ياذيب الشكره
وانا بذكر سالفة ذا الابيات صح انك ذكرتها لكن السموحه بذكرها كامله

ومناحـي مناحـي رفـيـع الهـامـه
ولـد سنـد يرقـى طويـل سنـودهـا

العولقـي يثنـي عليـه ويمـدحـه
عقـل عليـه ابلـه وفــك قيـودهـا

يثني علـى ال حفيـظ ونعـم بربعهـم
ويمنـى بـلا يسـرى تقـل جهودهـا

هذي سالفتها ان بن جلوي خذا ابل العولقي وكان فيه خوي له من قبيله بتعذر عن ذكرها
وكان يجي عند مناحي بن سند ويقول يا الدواسر اخذت ابلكم ولا احد يقدر يردها اولها سكت مناحي بن حفيظ وعقبها جات جاهيات من كبار الدواسر لبن جلوي انه يرد ابل
العولقي ويردهم بن جلوي ويقوم الرجال اللي مهب مشبب ويعودها ويكلم مناحي شفت ابن جلوي خذا ابلكم وقده يرد كبار وجاهيات الدواسر قال مناحي يا ال.. لا تهايط ولا عاد تطري بني عمي وذلحين على مشاهيدكم يا رجاجيل واتعوذ منه ان عادها والله اني واصلك وذابحك واترك الدواسر عنك وهو ينسحب وعقب مده ويرد بن جلوي جاهيات من الدواسر ويتعودها المطيور ويكلم مناحي شفت لو انهم من ... كان وجبهم ولا انتو محد درا عنكم وطولها وقال مناحي يا رجاجيل انا شهدتكم وتعوذت منه لكن ذلحين كلمتن قلتها والله لا ابرها وانا ولد سند واني ذابحك وهو يقوم عليه مناحي بن حفيظ ويطر بطنه ويذبحه قال اني متعوذ منك و طلعت منت بكفو للرياجيل ويخليه زناجه في محله هامده ويقومون الرياجيل ويشهدون عند ابن جلوي ان مسلول الحشا يطمر في حلوق الرياجيل وبن حفيظ كم مره يتعوذ منه وانذره لكن الخبل قذاه وبذ خفاه ولا ثناها بن حفيظ قال بن جلوي يستاهل ما جاه وجاه زهله وعقبها قربه بن جلوي ( بن حفيظ )
وجاه الغييثي العولقي قال تكفا يا ولد ذاك الرجال اللي كلن يعد فعله وانت ما قصرت مع اللي يتكلم علينا قال ابن حفيظ اطلب والله عطاك من ثريا لا ثرا قال الابل قال والله ان تجي وجابها بن حفيظ
والسموحه

 

 

 

 

[معلومات العضو الشكري]

صح لسان الشاعر سند بن شجاع حيث اتضح لي ان القصيده له

وتم وضع اسمه في المشاركه الاصليه


وعسا عمره طويل

وجعل شيبان ارثوه الجنه

ولاتحرمنا من قصايدك وعلومك