وصف الصورة شعرا" - الصفحة 2

**معلومات** **العضو** · 22-06-2010, 10:33 AM

ارتكي لهموم خلق الله وأشيل
...............وأنا حملي مالقيت اللي يشيله
الجميل ماعاد يجزا بالجميـل
...............والخليل اليوم مايذكر خليلـه
الوفا بالوقت هـذا مستحيـل
...............والليالي في هداياهـا بخيلـه

**معلومات** **العضو** · 22-06-2010, 10:45 AM

الغربة أعيتنـي وسـوت تفاريـق وامسيت فكـر طـاب ليـه سمرهـا
ماعاد في الدنيـا مفـادة وتشويـق ماعـاد فيهـا مايسـاوي تعبـهـا
الدهر قاسي حط سمي علـى الريـق واعطانـي القيـر بـزودة شبعهـا
لابل ذه لايام كم جابت لـي الضيـق وخلتنـي اتسـأل متـى بافترقهـا
خو صالـح الليلـة دققـت تدقيـق وامسيت متسـأل وراجـي خبرهـا
فكرت واتفكـرت فـي ذا المخاليـق وزيدت فكري فـي مخـوه حسبهـا
وهانت بي الدنيا وزادت بي الضيـق وسالت دموعي بللـت لـي سبلهـا
عابت في الرفقه بوقـت المواثيـق وغابـت مخوتنـا بساعـة طلبهـا
انا اللي بكاسي ذقت سمي على الريق وغيري تهنا يصطفي مـن عسلهـا
انا اللي بقلبي من همومي تحاريـق وعيش الليالي السود والف زمنهـا
وذي انا احسبهم ساعة الجد والضيق كناني متى مارخـت عليـه قنفهـا
قيستهم ذا الليـل سويـت تدقيـق وحسبه بحسبه زادت بقلبي جهلهـا
ذا الوقت فهمني بحكمـة وتعليـق ورواني اشياء كان قلبـي جهلهـا
والفقر درس لـي علـوم المخاليـق وبين لي اصحابـي وبيـن عداهـا
ويارب عفوك حد عبدك من الضيـق وسالك بجنة عقـب قسـوة زمنهـا
وعم المودة عقـب هـذه التفاريـق وبلغ لنـا الحاجـة ساعـة طلبهـا
والختم بالمختـار سيـد المخاليـق ما ارخى وممسى بارقه فـي قنفهـا

**معلومات** **العضو** · 22-06-2010, 03:58 PM

كنت ادوور الموضوع بالمجهر

يعطيييك العافية ع الموضوع واخيرا اريح قسم التصميم مني لاني كنت احط صورة واعلق عليها وهالحين وضعو شروط

جزاك الله خيير انا من محبي المواضيع اللي مثل هذي اتمنى التفاعل من الاعضاء

تحيياتي

**معلومات** **العضو** · 22-06-2010, 04:01 PM

قم قهوني قبل آصلكـ وأتقهوآك
وأنثرك هيل ويرتبك زعفرآنك

فآحت معآميلي على جمرة شفآك
قدآم لاأركد صبني لكـ عشآنك

مآأهز فنجآلك ولآأرديمنآآك
أشربك كلك وأحتفيك بمكآنك

**معلومات** **العضو** · 22-06-2010, 04:08 PM

ماكل من حط الشنب صار رجال ..

. . . . . . . . وماكل من عرض كتوفه سنافي..!

غتره وطاقيه ومرزام وعقال ..

. . . . . . . . . والله وأعلم بالعلوم الخوافي ..!

؛

**معلومات** **العضو** · 22-06-2010, 04:20 PM

يا طير قل لي وش حصل في زمنـا ........
كيف الذي يظلم يعيش متهني !!

كيف الذي نغليه يرخص ثمنـا ........
عن واجبه معنا يِصد و يِكنــي

حنـا الخطأ يا طير نرفاه حنـا ........
و حنـا على أحسن ظن دايم نظني

لكن بعد ما زل زاد وغبنــا ........
يوم ادعى إن الجور يا طير مني

يا طير يا طير السعد لا تعنــا ........
و أنا معك يا طير أعينك و أعنـي

خذني معك يا طير لحظة تونـا ........
دامي معك يذهب غثا البال عني

و إن ردد القمري لحونه و ثـنـى ........
أردد الألحان بعده و أثـني !!

**معلومات** **العضو** · 22-06-2010, 04:40 PM

لولا المواقف ما عرفت الرجاجيل....والرجل يعرف بالشدايد والافعـال
أنا اشهد به ناس وقـت البهاذيـل.....لاجد وقت الجد تطرى على البـال
من يعجبونك في جميع المداخيـل.....ناس ٍ تعز الطيب من كل مدخـال
وما كل رجـال ٍ يمـد الفناجيـل.....يتبع دروب الطيب في كل الاحوال
وترى العمر ماهوب فرق المشاكيل.....والهرج مايرفع من الناس دجـال

**معلومات** **العضو** · 22-06-2010, 04:58 PM

يا مرحبا بسهيل جتنا لياليه === عسى علينا كل عام يعود...
وقت نحبه والصقاقير ترجيه === ونعد له في كل يوم عدودي...
................................................
بكره ليا ذعذع براد الصفاري === القيض راح وقربت هدة الطير
قرب هداد مصخرات الحباري === اللي لهن عند اهل الصنف توقير
بأتلى شهر عشره وذيك المحاري === يا كثرهم دوار برق الدواغير..........

**معلومات** **العضو** · 22-06-2010, 11:31 PM

هلابكم اخواني واخواتي وبيض الله وجيهكم على التفاعل لكن نسيت شرط من ضمن الشروط:

1-الابتعاد عن الغزل الفاضح وتوصيف المرأه

2

**معلومات** **العضو** · 23-06-2010, 09:35 AM

v.p

ملح المحبه يا حبيبي زعلنا=و احلى الحبايب اللى دايم يغارون
الله على الفرحه بعد ما رجعنا=ما شفتوا وشلون الوله كان مجنون
لا تنطفى ارجوك جمرة ولعنا=ولا الحنين اللى سرى وهيض شجون
وش عاد فيها لو نزين دلعنا=لا قلت لك اسف تجاوزنى تمون
قريبين لبعض مهما بعدنا=-جايز تصالحنا ولو نظرة عيون
ومهما تاخرنا ولهنا سبقنا=محنا من اللى فى الخواطر يشيلون

**معلومات** **العضو** · 23-06-2010, 07:09 PM

أنآ وَأنت
مثل لعبة ۆ طفل صغير,
( رفض)؛
يسمح لـغيـره يستعملهآ,,
مع إنه دوووم
يهملهآ.

**معلومات** **العضو** · 24-06-2010, 02:58 AM

يالربـع يالـلـي مـثـل مــا قـيـل غالـيـن=يالـلـي لـكـم بالـقـلـب قـــدر و مـكـانـه
يصحابـنـا يالـلـي عـلـى الـعـز وافـيـن=مـقـداركــم مــحــدن يــقـــدّر كـيــانــه
لــو الـغـلا ينـبـاع بـســوق المـلايـيـن=أشــريــه لــــو أتـسـلّـفــه بـالإعــانــه
وأهــديــه لــلــي حـبـهــم فـالـشـرايـن=لهـم ربعتـن فـي جـوف قلـبـي وأمـانـه
لــو يكـتـب الشـاعـر مـجـلـد دواويـــن=ماينحصـيـهـم فـــي جــزالــة لـسـانــه
ياجـاهـلـن بـالـقـول بــعــد الـعـنـاويـن=يـــا قــــاري الـعـنــوان هــــذا بـيـانــه
الله يوفـقـهـم عـلــى الـعـسـر والـلـيـن=ويجـعـل لـهـم بالـعـز مـنــزل وخـانــه
خــوة نشـامـا مــا هــي رفـقـة رديـيـن=والــلاش تكـسـيـه الـعــرب بـالإهـانـه
وختـامـهـا طلـبـتـكـم قــولــوا آمــيــن=الله يــرفـــع قـــــدر ذيـــــك الـمـكـانــه

وجــــدي عــلــى خـــــوة رجـــــال(ن) طـحـاطـيــح=وعــــــــــــــزاه يـــــــافـــــــرق الـــــوجـــــيـــــه الـــقـــبـــيـــحـــه
إلـــلــــي تـــقــــدم فـــــــي الــصـــحـــون الـمـفــاطــيــح=أهــــــــــــل الــــرحــــابــــه والــــنــــفــــوس الـــمـــريـــحــــه

**معلومات** **العضو** · 24-06-2010, 09:36 AM

النفوسَ آلوآفيهْ : رغمْ آلمصآعِب مآتميل
والشمس، كِثر آلسحبْ مآيغطي نورهآ . !

**معلومات** **العضو** · 26-06-2010, 06:03 AM

أشهد إن به عود فالمجلس تراكا=بس جاه الدور واقفت به سنينه
كم عيون ٍ من بعد فقده تباكا=خادم ٍ بيوت مكة والمدينة

بيتين للشاعر/نايف بن مسرع

**معلومات** **العضو** · 26-06-2010, 12:12 PM

مَا كُل مَا يَتَمَنَّى الْمَرْء يُدْرِكُه .. تَجْرِي الْرَّيَاح بِمَا لَاتَشْتَهِي الْسُّفُن

الذين يشاهدون محتوى الموضوع الآن : 3 ( الأعضاء 0 والزوار 3)

		منتديات صحيفة وادي الدواسر الالكترونية