،،،،،،،بستان الشعر،،،،،

[معلومات العضو مطلق الحصان آل عمار]

النفس جردا والنوايـا مطاليـب=والوقت قاسي والخطايـا شرايـا
والعين تبغا من نظرها مكاسيـب=لاشك وافت من نظرهـا خطايـا
والقلب يبني مير بنيه مع الغيـب=واليا اقبلت دورات وقته عرايـا
والفكر يحسب مير جته المحاسيب=عكس افتكاره يوم جاتـه دهايـا

 

 

 

 

[معلومات العضو شافي القويسي المخاريم]

رد الثنا واجب على كل وافي=واجب على من يعرف اسلوم الاجواد

 

 

 

 

[معلومات العضو الشـيخه]

يسعد صباحكم بالخيرات

ليه يا دنيا تعزين الرخوم ؟ ,,, والشجاع يعيش عمره في نكد

تطرحينه كل ما حاول يقوم ,,, كل ما يبني يفاجأ با الهدد

والخبل حظه ورى ذيك النجوم ,,, عالي مرتاح دايم في سعد

والشجاع تحاصره سود الهموم ,,, وان تخلص من نمر طاح بأسد


دمتم بود

 

 

 

 

[معلومات العضو فيصل بن جزاء]

يستانس الشاعر على جال ضوه=في روضةٍ ماداجها كل عساس
ارضٍ ربيع وغاشي الجو نوه=ريح الخزامى تنتعش منه الانفاس
قرب معاميلك وكيفك وسوه=سوه وبهر لك من البن بقياس
زله وصبه صافيٍ في علوه=واشرب من الفنجال مايقعد الراس
هذي طراة العمر مادام توه=هي مطلبي مادمت حيٍ مع الناس
والدوسري ياناس لازان جوه=قصايده تجلا عنا الوقت والباس

 

 

 

 

[معلومات العضو درة الاماكن]

انالك ليـــه ياوقتى خصـم
تجنـبـتــك ولا منــك خـــراج
تقول الناس هقوى لاجـزم
وانا فى حال نفسى فى سهاج
رمانى بس ماصاب العظم
سليـم العظم مافينـى انعراج
بنيت وصادف المبنى هدم
وعذب الماء القراح اصبح خمـاج
كذب واشى ونمام يذم
ولابــه من سبـب غيـــر المـزاج
اناعندى على الدنياعزم
ولالى عنــد ذولاك احتيـــــــاج
انالك ليه ياوقتى خصم

درة الاماكن

 

 

 

 

[معلومات العضو مطلق الحصان آل عمار]

علي الحرام انك شنب يابو زياد=وانك على العليا قدحت زنادها
كفو كفو يامن ذخرته فالعناد=فعله وفا بالمرجله وشدادها
سمح النبا فالنايبه مثل القناد=اليا وقف كفا بها او زادها
بصمه يمينك مثل ختم الاعتماد=منهو لقاها بشره بسعادها
جامع امور المرجله عنده عتاد=مثل الذخاير فالحزام ارتادها

 

 

 

 

[معلومات العضو مطلق الحصان آل عمار]

رقيت في رجمٍ طويلٍ رقابه=كم اشقرٍ يعجب اليا اقفا مطيره
وكم ذيبٍ اشهب فوق راسه عوابه=مما صدف بالوقت حاله خطيره
وجريت صوتٍ للحزن فج بابه=وهيّض عليّ صوتي امورٍ كثيره
هيضّ عليّ همٍ بجوفي صوابه=ابطا وهو فالجوف ناره سعيره
ومن رقيتي همّي تكسر جرابه=وقام يعثا بضلوع به مستديره
وازريت اكنه يوم يزمي سرابه=كنه مثل قيضٍ بوقت الظهيره
وحولت من رجمٍ شكا من رقابه=ضيم الدهر يمشي دروبه عسيره
حولت منّه مالقيت الآجابه=لا لاقيٍ حلٍ ولا من ستيره
دنيا لها في كل شخصٍ طلابه=تلقا لها في كل شيٍ مسيره

 

 

 

 

[معلومات العضو مطلق الحصان آل عمار]

كثرت هواجيس المعنّى مواريد=وعزي لحال اللي تكاثر وروده
هواجسٍ كنها عليّه مواعيد=معا ظلام الليل باول ركوده
كنّ الحشا يونس لضرب العباريد=لين الحشا ضاقت وسايع بنوده
امشي توال الليل بين الجراهيد=وافرح بما علاّ واحاول صعوده
اشكي همومي والهواجس مناكيد=متخالف التفكير حارت جهوده
اضرب على خطٍ ويرجع لي يعيد=عيّت تحلحل كل منها بزوده

 

 

 

 

[معلومات العضو مطلق الحصان آل عمار]

والله اني كنتنا ادراك وابحث لك عذر=واتصدد منك علّك تفارقني وراك
مير كمل تالي الصبر واحتر الجمر=واحتما في داخل الجوف شيٍ من غثاك
ذي عوايد من جهل ماتعلم واعتبر=يوم عود فالمناحي مثل دبره خطاك
السنين تدور والعمر يقضي والدهر=في قفا الحيين يطرد واذا وافق عطاك
من جهل درب المراجل تدهور وانجبر=ينقل الجمره بكفه ووضعه في هلاك

 

 

 

 

[معلومات العضو مطلق الحصان آل عمار]

اليا جفتك الدار في كل ميراد=عقب الجفا ماعاد فيها قعادي
وشلون تقعد والجفا جاك منقاد=ماخبر قعّاد الدهور استفادي
دارٍ بدار وطيّب البعد يّراد=لاصار طبٍ للقلوب البعادي
ارض الله اوسع من خيالك للاجواد=ماينلحق لحدودها والريادي
يسكن بها منهو على الطيب وراد=ويسكن بها منهو خبيث المبادي
ويظهر بها نبت النفل ماله اعداد=والحرمله تظهر على كل وادي
ويرقا بها القرناس في روس الاشهاد=وينزل بها بوم الخراب الهمادي
ويسري بها السرحان طوّاي الاجراد=ويقعد بها الحصني خبيث المرادي
واعرف تراها ماتجمّع بالآوكاد=ولا قاصر الحصني لذيب الجلادي
دك الركايب واسنح البيد شدّاد=وحذرا تدني للرخوم الشداي
في شامخ البيدا سواميح الامهاد=تجلى هموم اللي شكا للنكادي
ولاتلتفت لمقلب الهرج عمّاد=رخو العضود اللي خبيث الفوادي
اللي على الزله خبيثٍ وغداد=لو كان في هرجه كثير الودادي

 

 

 

 

[معلومات العضو مطلق الحصان آل عمار]

لاباس يابستان ألاشعار لو رحت=معي معي في خافقي دوم تنعاد
تبقا وليفي داخل الروح مازحت=واقبل وداعي لك هنا بين الآجواد

 

 

 

 

[معلومات العضو ابومبخوت الدوسري]

البارحه نومي حرام" على الراس=يحرم على عيني ولا طب راسي
وحل محل النوم تسعين هوجاس=من غالي" أخطى ولا ني بناسي
أشارت" يشر بها مالها ساس= سياست" ما لي نها يا السياسي
أنت تحسب"ني ذاخر"دونك وداس=وأنت خابر اني قد عطيتك لباسي
هذا خطى واثر على جرح الاحساس=ادرى خطى الغالي وأداري احساسي
قالو فلان" قال ثم قلت لاباس = أقول عفوييه ولا فيه باسي

 

 

 

 

[معلومات العضو الشـيخه]

اسعد الله مسائكم بالمسرات


غلطـت بالعنـوان يمـكـن لأنــي ,,, كسرة غضى لو تحترق فيـك ماتحـس

ياجـمـرتن مـوقـودتن وتحرقـنـي ,,, تلهب حشايا يوم حظـي غـدا نحـس

أشكي جـروح مـن الزمـن ينزفنـي ,,, ومن حر مابي اتوجـد مـن الهمـس

دمتم بود

 

 

 

 

[معلومات العضو الحق القاطع]

يعطيكم العافيه على الابيات الممتازه

 

 

 

 

[معلومات العضو الشـيخه]

اسعدتم صباحاً

أحب من الرجال اللي صبور لو زمانه مال ,,, وأحب من يفـزع لربعه نهار الهم والغمي

وأحب من الرجال اللي ابد ما يمشي و يخـتال ,,, واحب من قال للشايـب صباح الخـير يا عمي

دمتم بود