،،،،،،،بستان الشعر،،،،، - الصفحة 14

**معلومات** **العضو** · 11-03-2009, 01:22 AM

ياصاحبي واستلم مظمون ماقلتـه=مهله لك اليوم كانك تدرك اقصاها
اجملتها في كلامي يوم انا اجملتـه=تاقف على باب بيتك وانت مغزاها
جو المشاعر علامك يومك اشعلته=في ماضي الوقت جاني منك مبداها
رحلت عنّه بنفسك عقبـه اهملتـه=وعودت تبغا تعيده فـي زواياهـا
حدد مسارك ترى من عقب ماطلته=يمكن يغير مساره قبـل ممساهـا

**معلومات** **العضو** · 11-03-2009, 01:23 AM

اسابق الوقت واثر الوقت راسمني=واعاند الوقت واثر الوقت متعالـي
مرات احسه بفعله جـاك خادمنـي=واثره يحبل الحبايل بـاول آمالـي
امسيت وامن وشفته جا يداهمنـي=وازريت به كيف وضعه اول وتالي
وشفت الحقيقه دقيقه جت تنادمنـي=تقول وضع الحقايق صابه هزالـي
وطويت نفسي بنفسي جيت عادمني=دام الليالي لها ميـلات واحوالـي

**معلومات** **العضو** · 11-03-2009, 02:04 AM

بعض المواقع تعز الشخـص وتفيـده=وبعض المواقع حسافه مالهـا داعـي
ومن لايسوق القـدم للعـز ويصيـده=يبقا طريح الرذالـه باسفـل القاعـي
ياقاري القـاف حـاول مـره تعيـده=وتفهم معانيه كانـك بالفكـر واعـي
ارفـع مقامـك وحـاول دوم تشييـده=لاتنجرف من ورى التطبيل سماعـي
راقب مسارك وخلـك ماشـيٍ سيـده=في موقع الطيب واترك شين الاطباعي
عقلك دليلـك وتفهـم ويـش تحديـده=وتقدر تميّز بعقلك كـل الآوضاعـي

**معلومات** **العضو** · 11-03-2009, 02:06 AM

ياصاحبـي توقيـت الايـام ميعـاد=لاتخلف الميعـاد والكـذب منقـود
على حراوي جيتك صـرت نشـاد=حتى القمر صرت انشده وانشد النود
مدري نويت الصد في درب الابعاد=والا بدى لك عذر فالبعـد محـدود

**معلومات** **العضو** · 11-03-2009, 02:07 AM

اتعبتني جروحي ماأستطيع الوقوف ,, لاتخلي عشيرك تحت نزف الجراح

غاير الجرح ينزف والعواذل صفوف ,, وش يسوي شجاع كسر سيفه وطاح

**معلومات** **العضو** · 11-03-2009, 02:08 AM

الليل ليل النوايـا والسهـر دامـي=والهـم دم الحنايـا فـي تحاليـلـي
والحرف نزف المشاعر بين الاقلامي=والوقت دوره يقنـد لـي معاميلـي
واحلام الايام تقضي بين الاوهامـي=يقضي عليها صباحٍ شمسـه تميلـي
واحداث الايام عبره والدهر حامـي=واشواق الاوهام مابلّـت مواصيلـي
يانجمه الصبح منهو مابعـد نامـي=خاوى الهواجيس كسبه بالمداخيلـي
خذيت معها معارك باخر اعوامـي=يرسل سراياه لين اسرجتنـا خيلـي
وبديت ويـاه حـربٍ كلهـا الآمـي=تبدا مع الليل دايم وانهكـت حيلـي

**معلومات** **العضو** · 11-03-2009, 02:11 AM

شيّعت جثمان حلمي قبل ميـلاده=وكتبت في صفحته طولت بالغيبه
ودفنت شيٍ حلمته قبـل ميـراده=بوادره في حياتي شكلها صعيبـه
وراجعت نفسي لو ان النفس عمّاده=تطرد صعيب المناوي في مناديبه
تهوم دايم على العسـرات نشـاده=لو كان جني الثمر عسرت مطاليبه
ماتدري العمر يمضي والدهر عاده=يطرد وراها ويشهر في مخاليبـه
حلم المناوي شقا للعيـن وسهـاده=يرث على الكبد همٍ في مشاهيبـه

**معلومات** **العضو** · 11-03-2009, 02:58 AM

اشب ضو القصيـد ويلتهـب قافـه=واقّرب دلال صدري فـي دواوينـي
واصب قافي واسوقه بـاول اصنافـه=من مصدر الجوف توّه بالمظامينـي
واطالع نجـوم ليلـي واول اطيافـه=واجاذب الصوت واذكر ماضي سنيني
واسنّد افكار قلبٍ شـاف مـا عافـه=وادلهـه عـلّ يسـلا بينـه وبينـي

**معلومات** **العضو** · 11-03-2009, 03:03 AM

ياوجودي وجد منهو جنا واخطت يديه=واحتمل دم القرايب جنا ذنـبٍ وخيـم
انتزح من دار ربعه بعد صارت عليه=وانتحا من دون يمّه على الدنيا غريـم
تصطفق به سود الآيام شـره مقتفيـه=وطال شره بين ربعه على اخوانه مديم
انتزح واخبار ربعه بعـد مـده تجيـه=القضا حل الوفا بـه تقاضـاه الغريـم
القضا في راس عودٍ على الدنيا نزيـه=اقتضوبه يوم طّول غيـاب المستهيـم
اردفت له سود الايام قامـت تشتويـه=بين ذنبٍ من يمينه وذنـبٍ لـه نديـم
اتوجد من زمانن عجاجـه بـان فيـه=مقبلن يقدح شراره وشره لـه وشيـم
وكل عامٍ عقب عامٍ يجي كنـه يحديـه=كل عامٍ يقتفي عام لـه لونـن ظليـم
يتعب الشايب من الوضع عافه مايبيـه=ويتعب الراجح من الناس لو عقله حكيم

**معلومات** **العضو** · 11-03-2009, 03:08 AM

شعشع صباح النهار وطلّـت انـواره=وقعدت الملـم بقايـا ليلـه البـارح
هاجس ظلام الليالي طـال مشـواره=يقبل مع غروب شمسي والزمن جارح
اقضي معه طول ليلي واتبع افكـاره=من غيب الآشفاق لين الصبح به سارح
معه على الوضع هذى داخل اسـواره=اشرح له الوضع دايم واجلس آصارح

**معلومات** **العضو** · 11-03-2009, 03:14 AM

اجر لك سآوند فـي طـول الآيـام=ولا اقبل عليّ نايت رقيت المراقيـب
آآي سيت اطالع مون في كل الآحوال=وأحس كنّ تشيست جابـه لواهيـب
اسمك درونك بداخل القلـب مخفيـه=آآروز مخفيّـه بوسـط المحاديـب
كم هير مآي فرنـد حييـت حييـت=يوو آآر ولكم مرحبا الـف ترحيـب
كم هير خل الجـرح تبـرا خوافيـه=واللي بعد في هارت من وند بيطيب

**معلومات** **العضو** · 11-03-2009, 03:15 AM

لجل عين اللي رماني فالحشا صاب الظمير=بكتب ابيات القصايد لجـل عينـه بـادره
انسلس قاف القصايد فوق سلكن من حرير=انسلس نادر قصيـدي لان عينـه نـادره
والله اني من سبايب نظره الفاتـن خطيـر=اسدرت قلب المعنّى نظرتن بـي سـادره
عين ياللي بالمحاجر صرتنا فيهـا اسيـر=من يداوي مستصيـبٍ بالعيـون الخـادره
لاتقولون الهواوي لابغـا ينسـى العشيـر=ماقدرت انسى هواهـا لان عينـه قـادره

**معلومات** **العضو** · 11-03-2009, 03:19 AM

جيش حبك ياغناتي فالحشـا لـه ثـوره=زعزعه وارباك منها اضطـراب وخوفـي
بين صد وخوف قلبـي ضايـعٍ فـي دوره=حرب جيش الحب خبره دون حرب سيوفي
ياغناه القلـب وانتـي تفهميـن شعـوره=لاتزيدي فـي عذابـي بالمشاعـر روفـي
ان كتمت الحب بانت في عيونـي جـوره=بين حزن وبين هم وبيـن حلـم طيوفـي
يارفيعـه بالمشاعـر الهـوا اسـطـوره=يجبر الملتاع دايـم مـن غلاتـك يوفـي
ياعظيمه بالسجايـا عبرتـي مكسـوره=بين حلم الخوف تبحث والسراب يلوفـي
الظمـا فالقلـب منـي بالـغٍ مقـدوره=مارويت الحب عذب ولا روا بـه جوفـي
لو لقيت الورد كلـه والشـذا وزهـوره=اقدر اعرف وين صرتي لو يصف صفوفـي

**معلومات** **العضو** · 11-03-2009, 03:20 AM

بستان شعري كتبتك وانـت ميعـادي=واسقيت روظك بنزف الحرف وارويته
اروح عنّك ولكـن جيـت متحـادي=احمل لك النزف واكتب داخلك بيتـه
اسطـر الحـرف بالمعنـى وينقـادي=بيت القصيده علـى ماكـان سويتـه

**معلومات** **العضو** · 11-03-2009, 03:49 AM

سامح الله من طعني واردف بطعناته=في خفوقي من يمينه واستباح وباعي
اتسائل كيف نزفي صار لي بسواته=وكنت ابيه يعالج جروحي وزاد اوجاعي
وانطويت من الزمن والوقت في صفحاته=واستوت عندي دهور العمر والمرباعي
واعتزلت الناس وحدي والزمن كيّاته=في ظميري من يميني كيف شرح اوضاعي
واكتسى جويّ ضبابٍ تلتحم دوراته=واحتبسني لين صرت اليوم له منصاعي

الذين يشاهدون محتوى الموضوع الآن : 4 ( الأعضاء 0 والزوار 4)

		منتديات صحيفة وادي الدواسر الالكترونية