،،،،،،،بستان الشعر،،،،،

[معلومات العضو مطلق الحصان آل عمار]

شوف السحايب الى منّه نشـا نـوه=يحيي حزينن هموم الوقت خاونّـه
اليا ارتدم بالسحاب وبارقـه ضـوه=في مقدمه مقبلن كنهـن تعالنّـه
ولجت رعوده ترادف واكتمّل جوه=وارها على البيد خيره يوم وافنّـه
وقامت تزاعج سيوله يلتحـق تـوه=من فوق روضن سنين الوقت لاعنّه

 

 

 

 

[معلومات العضو مطلق الحصان آل عمار]

كانك نويت الجفا والبعد مقصـودك=روّح ترى الوقت يشفي جرح الألآمـي
نبني مع الوقت حلمٍ صادف صدودك=وقف على حد صدّك بيـن الآحلامـي
لكن على ماحصـل بالعلـم وردودك=سقنا الركايب وراحت مشيها حامـي
راحت وحنا رحلنـا يـوم موعـودك=متناقض الراي مالـه حـد ولزامـي

 

 

 

 

[معلومات العضو مطلق الحصان آل عمار]

اليوم بيت القصايـد فـك بيبانـه=يقول خذ ماتبي واختر على كيفـك
ودخلت بيت القصايد وسط ميدانه=يقول خذ واعتبرها فـي مواليفـك
ووقفت محتـار والآفكـار ولهانـه=وبديت اصمم بيوت الشعر في طيفك
ياصاحبي والزمان ان طال حرمانـه=يرث على الكبد جرحٍ ماهو بسيفك

 

 

 

 

[معلومات العضو مطلق الحصان آل عمار]

ياصاحبـي والزمـان المـر عاقبنـي=ابني ويهدم وش الحيلـه مـع ايامـه
حتى حقوقي خذاها جـاك سالبنـي=وين اشتكي له وهو من يصدر احكامه
الله على الوقت دامه لـي يحاسبنـي=داين مدينه ونا اللي عشت باحلامـه

 

 

 

 

[معلومات العضو مطلق الحصان آل عمار]

ابكيك وانته مع الآيـام تبكينـي=طريقنا فـي مسـاره ماتلاقينـا
امشي مع الخط مير الخط حاديني=عجزت احده وهو يقطع مناوينـا
لكن لو الوقت عاند لك يعدينـي=يبقا على طول زولك في هقاوينا

 

 

 

 

[معلومات العضو مطلق الحصان آل عمار]

البيت ركن القصيده وانـت ميزانـه=لاتخلف الوزن ياللي رحت كاوينـي
آزن بيوت القصيده وانـت عنوانـه=وارسم مثل ماتبي لو هي دواوينـي
واليوم ضاع القصيد وضاعت اوزانه=وضاعت تفاكير عقلـي يامعزينـي
طعنتنـي بالقفـا والشـر بيبـانـه=تفتّحت يوم رحـت اليـوم ترمينـي
بداوي الجرح لو هو زادت الوانـه=وبكتم حقيقـه زمانـن مايداوينـي
واقفل ملفـات واجـد مالهـا خانـه=واحاول اهتمّ في وضعي مع سنيني

 

 

 

 

[معلومات العضو مطلق الحصان آل عمار]

يامستعير الصداقه فـي دواوينـك=فتره بسيطه وراميهـا بمـا فيهـا
مدري سواتك توضح وش عناوينك=والا سواتك بوضعك وش نسميهـا
روّحت واقفيت مدري وش مظامينك=الوضع سيء وغامض في تواليهـا

 

 

 

 

[معلومات العضو مطلق الحصان آل عمار]

أسفِي عَلى مَاقد جَنيتُ مِن الهَوى=إذ لَم أكُن أعلـم بِمَـا ينتَابَنِـي
فَلَقَد اُصِبِتُ مِن الهَوى إذ لاَ دَوى=لِمُصابِهِ لمّـا تسامَـا صَابَنِـي

 

 

 

 

[معلومات العضو مطلق الحصان آل عمار]

من يوم راحو حبايبنـا ولا عـادو=صرت اكتب ابيات شعري واتغناها
اكتب ونادي واقول العام من سادو=راحو وخلو قصـورٍ زان مبناهـا
ياما بها قد مشو بالصوت لي نادو=واليوم محدن بها قلّـت مزاياهـا
احيان افكر واقول اليوم لو بـادو=اهون على القلب من نظره زواياها

 

 

 

 

[معلومات العضو مطلق الحصان آل عمار]

ثمّن معاناه قلبـي وانشـد احوالـك=واحذر خوافـي الليالـي لايخوننـك
القلب طيرٍ كفـخ وان راح ماجالـك=وكل المشاعـر تراهـن مايعودنّـك
جرحن جرحته نزف مايرجي وصالك=سود الليالي تظّمد جرح مـن فنّـك
بطوي غرام المحبه واكتبـه هالـك=وادفن بقايا الغـرام وبنتهـي منّـك
دامك سرابٍ وهـذي كلهـا آآمالـك=طرد السراب المقفي خيّـب بظنـك

 

 

 

 

[معلومات العضو مطلق الحصان آل عمار]

عزاي في ذكر السنيـن القديمـه=صدق النوايا يوم راحت على ماش
امشي مع العالم وصارت وخيمـه=خسارتي طيب النوايا على الكاش
كنت احسب ان البعض نفسه سليمه=حتى طعنّي باوسط القلب والجاش
ماكنت اظن الكف تبقـا غريمـه=الا بعـد ماسيفهـا داخلـي نـاش
ولاكنت اظن الجرح يشبه لغيمـه=الا بعد جرحٍ من الدم قـد طـاش

 

 

 

 

[معلومات العضو الشـيخه]

حياتي شعر(ن) وشاعر وجمهوري بقايـا انسان,, ونقادي زمن قاسي و لايفهم كتاباتي

أناظر للبشر حولي أحد يضحك أحد طربان ,, وانا صعبن علي أضحك أسايرهم بضحكاتي

 

 

 

 

[معلومات العضو مطلق الحصان آل عمار]

الحب مثل القزاز ان طاح في كسره=ما اظن يجبر ولو حاولت تجبيـره
ولو تبدي العذر قلبه ماقبل عـذره=لملم بقايـا صوابـه فـي تعابيـره
مجروح جرح الليالي لو بدا صبره=في داخل الجوف جرحه مثل تدويره

 

 

 

 

[معلومات العضو مطلق الحصان آل عمار]

برق السحايب سرا والعين ترقب له=مدري على دارهـم والا تعداهـم
اخيل برقه ونا ساهر عسـى وبلـه=ينهل من فوق خده غيمه اسقاهـم

 

 

 

 

[معلومات العضو مطلق الحصان آل عمار]

الغربه اللي بوسط القلب مدفونـه=اخفيتها عن جميع الخلق ياغالـي
اخفي سجلاتها بالقلـب وركونـه=وتبقا حبيسه معي في كل الاحوالي