،،،،،،،بستان الشعر،،،،، - الصفحة 11

**معلومات** **العضو** · 21-02-2009, 11:07 AM

اثبت على ساحه الميدان في وجهي=ترّس تروسك وسّل السيف للثاره
ابرز ولا تتقي واظهر لنا راسك =اكشف عن قناع وجهك وانقل اضراره
بيني وبينك نهارٍ يرتكز عجّه =من صبح شمسه الين اتبيّن احراره
حتى تعرف العرب والشك مايبقا=يظهر صهيل الحصان وينهق حماره
ولو تحرق النك والا تحرق ايميلي =ماتحرق اسمٍ تعلا كنّه القاره

**معلومات** **العضو** · 21-02-2009, 11:19 AM

آثرك مع الوقت تلعبها بمظمارك=الين بانت وبيّن كل مافيها
لكنّ آبعلمك وان طال مشوارك=تراك مثل الثعل تتبع مواطيها
حفرك ودفنك عليك يثّور غبارك=واحذر يمينك توقع في مكاويها
مياسم الوقت عندي شاعمٍ نارك=وان قالها الله لزوم انك تصاليها
دلوك تقطّع وسدك بيّح اسرارك=ودارت عليك الليالي في نواحيها
حفرت حفرك وبيّن كل معيارك=وعريّت نفسك على العالم توريّها
عزمك تبيّن وعزمك عند مقدارك=بين القدم والمواطي في دوانيها
رح لم سالم معاها واعزف اوتارك=والحن لها كان تفهم في غوانيها

**معلومات** **العضو** · 21-02-2009, 05:12 PM

من مشى درب الرذيله راح فيها=راح فيها والندامه ما تفيده

**معلومات** **العضو** · 23-02-2009, 01:21 AM

المشكله تدرون والله وشنهي

ما عاد اصدق في حياتي ولا انسان

**معلومات** **العضو** · 23-02-2009, 01:33 AM

لا يازمن مافيه داعي للاوجاع
لاتزود اوجاعي وانا منك موجوع

خليتني من سود الايام ملتاع
لانمت ساعه تسهر عيوني اسبوع

تارد علي اهموم من كل الانواع
وعلى حسابي للشقاء شيك مدفوع

حتى غدى قلبي للاحزان مرباع
وماعاد باقي للفرح نزل وجموع

زاد الشقاء في دنيتي والرجاء ضاع
وحبل الامل في عالم الياس مقطوع

مليت اطيع الوقت والوقت ما طاع
ومن دنيتي طعم المسرات منزوع

رف يازمن يكفي من العمر ما ضاع
وخل السعاده تضوي في دنيتي شموع

**معلومات** **العضو** · 23-02-2009, 02:13 AM

يابوحمد وضـع الليالـي يعافـي=من يوم لحقت شجرت الخبث بالزاد
تناقلوهـا وارديــن الضعـافـي=اللي مواردهم من الخبـث تـزداد
قـومٍ لهـا درب هزيـلٍ منافـي=درب المراجل ماوفت به لها كـاد
اهفو منازلهـم معـا كـل هافـي=لو كان مجد ابوانهم شامـخٍ سـاد

**معلومات** **العضو** · 23-02-2009, 02:15 AM

سبحان منهو يستر العبد والحال=والعبد يكشف ستر نفسه بحالـه
ربي ستر وانته على الفعل تختال=خسران ياللي ماوعا في مقالـه
هذي فعولك لك مع الناس تندال=من فعل كفّك في دروب الجهاله
بغيتها واخطيتها عكس الآمـال=لفت يمينك وارثت لـك سفالـه
كفك ثنيته مـن يمينـي ولازال=وضعك مقيد تحت كفـي منالـه

**معلومات** **العضو** · 23-02-2009, 02:33 AM

جابتك الآقدار والدنيا وميعادك=واصبحت حلمك بليلك اول وتالي
اناشبح صار زوله يرعب رقادك=عزي لحالك وطيت النار متعالي
وطيت ماسميت يوم الفكر ماقادك=ليلتك ليله وحظك جابك قبالي
ياسارق الشعر جبتك يوم ميلادك=بفتح سجلات وضعك واكشف الحالي
خل الخلايق تعرفك يوم مافادك=سرقك بيوت القصايد وانت دجالي

**معلومات** **العضو** · 23-02-2009, 02:35 AM

ياللي مع الوقت جت به كل غاياته=وحده زمانه وحول صوب غاياتي
ارحب هلابك يردد لـك تحياتـه=بيت القصيده يرحب لك والآوقاتي
بيت القصيده نخانا يطلب اثباتـه=يقول دق الحرامـي بالكلبشاتـي
حطه بسجنه ومنهو يفعل سواتـه=ينقاد للمشنقه والوضع له عاتـي
حرامي الشعر جابه شيـن نياتـه=في مذبحه ساحه الشعار بالذاتـي

**معلومات** **العضو** · 23-02-2009, 02:52 AM

لو يجف الملح فجأة .. من شرايين البحر =وترجع اسراب الحمام اللي بعيد مهاجره
لو تعاف النار ترقص فوق عيدان الشجر =ويدمح المغدور غدر الغادر اللي غادره
لو سبع المعجزات اللي عرفناها عشر =وشفتهن قدام عينك شوف عين باصره
مانسيتك لو آموت من الغبينه والقهر =ولا سليتك والعيون بطيب خاطر ساهره
لا تقول انسى وانا مالي على بعدك صبر =خلني بس احتريك .. وخل قلبي خابره
يحتري وان غبت عني من دقيقه لا لشهر =يحتري واللي تحرى في سواتي عاذره
لا تروح وتبتر الوصل وعناوينه ...بتر =ثم يحاصرني خيالك فالمساء .... واحاصره
يا بعد من طاف قلبي واعتكف به واعتمر =يا بعد حب كتمته ... والعيون اتجاهره
يا غرام شق صدري من ضلوعي للنحر = ولا قدرت افتك عمري من يده وأناحره
تلني لاهيب تله لا صديق ولا غدر = غصب عني كني المسحور واللي ساحره
ما نفعني باس قلبي والشكاله والظفر =التفت ولا لقيت عزوم قلبي حاظره
اكتشفت انك حظرت وغاب محظور البشر= واكتشفت ان الطبيعه لو تباها سافره
يا كتاب فيه سر الحسن كله مختصر = ما يجيبك حسن غيرك لو يجيب محاظره
لا تقول انسى ...ولا تهتم في وتنتظر = ثم تغيب وتلحق اسراب بعيد مهاجره
وان عزمت تغيب تكفى اجل شوي السفر =لين ينشف في عروقي ملح بحر(ن) خابره

**معلومات** **العضو** · 23-02-2009, 03:33 AM

دار دولاب الظماير ودكّه مايهيض=وانتهض يشهر جناحه وهام النايفات
دكّه الهاجوس والهم والوضع النقيض=واشهب الهاجس من العام جمره حاميات
ان عطينا مابغينا كما اللي يستعيض=وان وقفنا ماشكينا صدوف النايبات

**معلومات** **العضو** · 23-02-2009, 03:34 AM

من محكمه لشعار والوضع تبيان=بيان صادر لجل وضع الحقيقه
يحمل رقم ستين عشره حزيران=تقسيم سبعه والمصادر وثيقه
قد اقدم المدعوعلى سرق قيفان=وايضا قصائد شامخاتن عريقه
وبثبات ماهو قد نسب له بلعيان=وصحه شهود اهل الشهاده طليقه
يوقف ثمان سنين يفضح على شان=يكون رادع من نوى له طريقه

**معلومات** **العضو** · 23-02-2009, 04:02 AM

مستقبل الآيام غامض وقاسي=وحنّا وراها نطرد الهم بالهمّ
نشوف منها بالحقيقه مآسي=ونشوف منها مايفوّر لنا الدمّ
ومع كل هذى ما حصل مايقاسي=نطرد وراها لو عطتنا من الغمّ

**معلومات** **العضو** · 23-02-2009, 04:46 AM

والآياالهبوب اللي تمر الديـار بليـل=معي لـه وداعيـه وخذهـا وقابلهـا
مظامينها دم الجروح وعنـا التنكيـل=مظامينها مكتوبتـن لـه مـن اولهـا
انا عقبهم مدري وش الوضع بالتفصيل=خذينا سنـه مقطـوع عنّـا تواصلهـا

**معلومات** **العضو** · 23-02-2009, 04:48 AM

شطّب على الموضوع واكتب عليه اكس=وخله بقسم ارشيف مافـات قـد مـات
انا فهمت الصـح لـو ينكتـب عكـس=تحليـل مـع تحليـل ظمـن العـبـارات
هذى كلامي ياصلك عبـر دي فكـس=والا بعـد عبـر الوسـائـط رســالات
غسلت كفي بيـن تايـد معـا لوكـس=ومسحت شخصك فـي جميـع المجـالات

الذين يشاهدون محتوى الموضوع الآن : 4 ( الأعضاء 0 والزوار 4)

		منتديات صحيفة وادي الدواسر الالكترونية