..::.. سجــل دخـولـك ببيــت مـن الشــعــر ( في منتدى قبيلـه الـدواسـر ) ..::..

[معلومات العضو المهلب]

ياشوق انا عنك ظروفي حدتني = مالي على المسيار يمك وسيله

 

 

 

 

[معلومات العضو نجــــــــــديه]

أنا ربتني الدنيا على جزل العطا والجود =ونفسي للوفا والطيب وفعل الخير جزامه
وأعارض منهج الهابط وأوافق للصعود صعود =وأسيّر نفسي بعقلي مدام النفس هدامه
ولا تثّر بي البسمة ولا كحل العيون السود =ولا يقوى على قلبي صغير الحسد وأجسامه
أردّ الجود بأمثاله وأقابل بالجحود جحود =وترى لا خير في رجلٍ يوطّي للردى هامه
وعندي مع أهل العِليا مواثيق وثلاث عهود =أوفي له مطاليبه وأودّه وأرفع أعلامه
أعايش مركب الدنيا على متن القدر مولود =أبعرف هو صحيح إنّ القدر بالناس دوّامه ؟
ومن وين الزمن مقبل وإلى وين الليال تقود =ومن في هالزمن يقدر يوجّه خطوة أقدامه
ومن له بالزمن غاية ومن عنده هدف منشود =ومن منّا قدر يعرف خفايا مقبل أيامه ؟
عرفت إنّ الشقا باقي ، عرفت إنّ الحسد موجود =عرفت إنّ القدر يفرض علينا بأسوأ أحكامه
لقينا بالعرب حاسد وشفنا بالعرب محسود =وبه ناسٍ لنا ضامت ، وبه بالناس منظامه
وينقص بعضنا خوّه وينقصنا وفاء وعود =مدام الحسد باقي وبعض الناس نمامه
ولا ترجى بها الدنيا من ربوعك يجيك اسنود=ولا تشره على رجلٍ عيونه خانت أقدامه
وقابل خطوة بخطوة وجازي بالصدود صدود=تناسى غلطة الصاحب عليك بلحظةاخصامه
ولا تخطي ترى لصبر الحليم اليا سلاك حدود=تروّى واعرف بضرب الحديد تفكك لحامه
تجنب كسرة الخاطر ولو حبل الزعل مشدود= وتراك بكسرة الخاطر حكمت القلب بعدامه
ولا تزعل على رجلٍ بذل لك ولرضاك جهود =ولا تامن من الحاسد رضاه ورفعة ابهامه
نبي نصبر على الدنيا قلوبٍ بالحياة زهود =مدام إنّ البخت عيّت توّفق رمعة سهامه وأنا
ما قلتها راجي ولا أطلب بعدها مردود=ولكن الفتى ودّه يحقق جملة أحلامه
وبمشي لآخر الدنيا ولو كلّ الأنام اقعود=وعن وجه الزمن بكشف حقيقه وأرفع الثامه
صحيح إني صغير السن ولكن قدها وقدود=وأنا عندي مع الدنيا مواقف ترفع الهامه
طموحي يملي العالم ولابه للطموح قيود=مدام إن الأمل طبعي ( عرين وصرت ضرغامه )
خلقنا الله من ترابه ولأحضان التراب نعود=تحت رمل الثرى نبقى تغطي جسمنا خامه
سلفنا ما لحقناهم تحت قاع التراب رقود=ولا يبقي من الميت سوى ذكراه وعظامه
ولو طال العمر فاني وترى عمر الفتى محدود =وكلٍ يطلب المولى يبيحه يحسن ختامه
وأنا بلّغت بلساني وربي والأنام شهود =وصحف البيّنة جفّت وعنها رفعت أقلامه

 

 

 

 

[معلومات العضو فيصل بن جزاء]

قال الوداع وقلت هذا مكاني=والله لوطال الزمن ماتعداه
اما الا منه رجع له لقاني=ولا يكفيني مكانه وذكراه

 

 

 

 

[معلومات العضو غلا نجد]

من مدتن صاحبي مبعد وماجالي
لا والله ان ما لفاني حالتي حاله

عز الله ان غاب عني ينتهي حالي
بل ينتهي العمر اذا ماجيت في باله

المربك اللي رماني من على عالي
ياحسرتي مارتميت الا على جاله ...

 

 

 

 

[معلومات العضو نجــــــــــديه]

سألني من أحب أكثر ومن في صوته أتأثر؟ ومن هو .. فارس احلامي ؟ ولمين اتعذب واسهر؟ بغيت اجاوب عيونه واقول بكل صراحة وحب اني فيه .. "مفتونة" وانه ساكن اهدابي وأول وآخر احبابي صرخ بي قال: لي .. قولي كفاية لعب باعصابي سرحت وقلت له.. تصّور اهو اسمه مثل اسمك ورسمه يشبه لرسمك وله نفس ابتساماتك ونظرة عينه مثلاتك لأني كلما طالعتك اهيم بليل نظراتك وتقريبا مثل طولك! وصوته فيه من صوتك! يداعب مسمعي وارحل في دنيا مالها آخر ويستعمل نفس عطرك! والمسباح والساعة! وسئلته في خجل ظاهر عرفت الحين؟ وصار يتلعثم المسكين وقال لي: للأسف لحظة تخيلت اني المقصود بس اليوم بالصدفة غيرت العطر وحطيت بداله اليوم دهن العود؟!!

 

 

 

 

[معلومات العضو لين]

الناس بالايام طارد ومطرود=ياليتها باهل المروة تحدت
وطير الفلاح اللي عن الصيد مردود=عقبه تبوع علمت واستعدت
اشوف ناس عندها الحقد ماجود=ونفوسهم عن كل عليا تردت
العدل في ساحاتهم صار مفقود=وعن الفضيلة جنبت واستردت
ما يرفعون النفس عن كل منقود=ان ماتعشت عرضها له تعدت
تمطى على العليا محاريف وصدود=ووجيههم ما قيل بالجود ندت

 

 

 

 

[معلومات العضو نجــــــــــديه]

(مجموعة انسان) لخالد الفيصل

 

 

 

 

[معلومات العضو لين]

نصبر وهذه يا محمد مواجيب=صبر الجمال اللي ضرت للمكدة
ونشتاق للبيضا ونبعد عن العيب=ونبي كلام كل حي يعده
يوم الردى جنب عن الطيب تجنيب=واللي هفا به فعل خاله وجده
ما خاض عركات تنابط بها الشيب=وان دبروا ما قال يالربع رده

 

 

 

 

[معلومات العضو نجــــــــــديه]

فـي ضلوعي طفل لامن جاع أغني=وأجـرح الـدنيا بـنظرات الذهول
أنـقسم ثـلثين إنـس وثـلث جني=وأتـرك الـصرخة تقول وما أقول
صـاحبي مـثل الـقصيدة ما فتني=لا تـعرت حـلم لـلقلب الـخجول
فـي مـلامحها الـخفية شـي مني=آيـتي لـلناس والـشاعر رسـول

 

 

 

 

[معلومات العضو ولد الصفرات]

وش شعورك لاخذلك الوقت وأظنتك الجروح.!؟
وأكتشفت إن اللي يحبك /مايحبك يخدعك
.
وأكتشفت إن أغلب أحلامه معك كانت مزوح
وإن حبه كان (كذبه)وهويقول إنه معك
.
أسالك بالله قلي.!وقتها,,ويـــن بـتـروح؟?
ومن خطاك بحق نفسك وين تخفي مدمعك!؟

 

 

 

 

[معلومات العضو نجــــــــــديه]

وش شعورك لاخذلك الوقت وأظنتك الجروح.!؟=وأكتشفت إن اللي يحبك مايحبك يخدعك
وأكتشفت إن أغلب أحلامه معك كانت مزوح=وإن حبه كان (كذبه)وهويقول إنه معك
أسالك بالله قلي.!وقتها,,ويـــن بـتـروح؟?=ومن خطاك بحق نفسك وين تخفي مدمعك!؟

اسفه لاقتباسي هالابيات لاعجابي بها ولروعتها وتعبر عن مابدخلي وسأسجل حضوري بها

 

 

 

 

[معلومات العضو المهلب]

أحفظ لها قيمة غلاها وأنتظرها من شمال = وإذا نستني هذي الدنيا وهذا حالها
أما اني أنساها ,,,نسى الله من نسى ذاك القبال = ياصبّ روحي صبّ دلتها على فنجالها
قولوا لها لأستخسرت فيني ريالين أتصال = تهدي على جمعية الصم والبكم جوالها

 

 

 

 

[معلومات العضو غلا نجد]

تدوم المحبه عند ناس تقدرها

وتموت المحبه عند فاقد احاسيسه

 

 

 

 

[معلومات العضو نجــــــــــديه]

حـدّني وقتي عى شيٍ جديدي***السهر ماهوب من عادة عيوني

 

 

 

 

[معلومات العضو زمان]

انا بليت بحبكم من هبالي ..... وألا انت ظل(ن) مالنا فيه مقيال