اهداء الى الاخ العزيز ( العماني ) والى اعضاء منتدى قبيلة الدواسر

[معلومات العضو ابوحمد الشامري]

اهدي هذه القصيده الى أبناء قبيلة ( الدواسر ) العزيزه على نفوس الجميع بصفة عامه والى الاخ العزيز ( العماني ) بصفه خاصه وارجوا انهم يسامحونا على القصور فشهادتي فيهم مجروحه والكلام فيهم ما يوفيهم حقهم.


قال شلعان بن ظافر بن فهيد الودعاني الدوسري:

طار الكرى من مقلة العين وأمطرت= سحابة يسبق مطرها رعودها
في صافي القرطاس يمشي بها القلم= مثايل خيط البريسم يقودها
ناخذ نواديها ونترك هزيلها= فعل الردا ما خش بين بنودها
ذا شرعنا وطبوعنا وسلومنا= نسبق على العليا ونرقى سنودها
وان جت سوالفنا ينومس دليلها= صحايف التاريخ تثبت وجودها
سوالف ما هيب لاحد غيرنا= جيراننا وجدارنا من شهودها
حنا الدواسر ممنة كل خايف= دايم العليا تواثب جهودها
الطيب ما يخفى على كل طيب= الاجواد كسب الطايله ما يكودها
الزايدي والتغلبي من دوسر= أفعالهم عود بعين حسودها
بالسيف نملك كل خضرا مدينة= لين أصبحت جنة نهزع فنودها
حنا اهل الوادي عمى كل عادي=لا جت شيوخ القبايل تسحب جرورها
نحدهم ونردهم عن هواهم= والموت للي جا بقومه يذودها
هاذي ديرتنا والآذاني تسمع = واللي يسد اذنيه منها جودها
حنا بني زايد بزود فعولنا = والزايدية كل يوم بزودها
نفعل بفعل ونزيدها = حيث الضرايب تتبع مهدودها
حنا اهل البل من قديم وحاضر= فنس الخشوم اللي زيان خدودها
تفرح بنا لا صاح صياح ريبة= لا حنت الفاطر تبي مفرودها
نلحق على قب سكنا ظهورها= كن السهوم المطلقات جسودها
ولا من رمت بقناعها الزايديه= وعلى جثيل المال ساقت قعودها
نورد الاسياف بيض لوامع= ونصدر الاسياف حمر حدودها
خيالة الحرشا ونعتزي بها= عزوة حرار مرثتها جدودها
وخيالة الجدعاء وهي عزوتنا= لا نفخت بعض الرجال لغودها
وراعي صخاف الشول سيف قاطع= لامن انتخى صاب الخيول جمودها
نرعى بها غصب على كل حاسد= يبرى لها خيالها نمرودها
وفرسانها من دونها تنطح العدا= باللي تقص الراس من جلمودها
حنا اهل القيمة رجال الشيمة= دواسر كسب الثنا مقصودها
الزايدي والتغلبي من دوسر= تاج الفخر ملبوسها من صمودها
نحب نكسب كل علم طيب= سوالف يا زين قطف ورودها
اهل الحسب واهل النسب والشيمة= نعطي الرجال حقوقها ونزودها
هذا كلام الشاعر الودعاني= مثايل بافعالها وشهودها
ما كل من يرمي الهدف صاب الهدف= ولا كل شجرةٍ ينبت الورد عودها
تمت وصلى الله على سيد البشر= ما غنت الورقا بعالي فنودها

اخوكم ابو حمد الشامري

 

 

 

 

[معلومات العضو الشكري]

الله يرحم الشاعر ظافر بن شلعان


بو حمد الشامري

الله يعز مقدارك

والله لايهينك

وعساك على القوه

ونتشرف فيك

واللي مثلك

ولا حصل منك قصور

ولا عليكم قاصر

ياربعنا

الله يرضا عليك

 

 

 

 

[معلومات العضو صخبور الاكبر]

لااهنت ياعجمي ومرحبامليون

 

 

 

 

[معلومات العضو الجوهره]

	حنا الدواسـر ممنـة كـل خايـف دايـم العليـا تـواثـب جهـودهـا الطيب ما يخفى علـى كـل طيـب الاجواد كسب الطايله مـا يكودهـا الزايـدي والتغلبـي مـن دوســر أفعالهـم عـود بعيـن حسـودهـا

لا هنت يالشامري على القصيد وسلمت يمينك.... وما عليك زود....

 

 

 

 

[معلومات العضو العماني]

لاهنت يابوحمد على الاهداء الطيب وبيض الله وجهك ونردها لك في الأفراح ان شاء الله

 

 

 

 

[معلومات العضو ابوحمد الشامري]

مرحبا الف بكل من الاخوة والاخوات :

( الشكري ، صخبور الاكبر ، النادرة ، العماني )
لا هنتم على التعقيب والكلام الطيب

 

 

 

 

[معلومات العضو ابوعبدالله]

لاهنت يابوحمد على الاهداء الطيب وبيض الله وجهك

 

 

 

 

[معلومات العضو محمد ال بو زمام]

السلام عليكم ورحمة الله وبركاته

الله يرحم الشاعر ظافر بن شلعان .

ولاهنت اخوي ( ابو حمد الشامري )

 

 

 

 

[معلومات العضو ابوحمد الشامري]

اشكر الاخوة والاخوات على التعقيب والكلام الطيب ونعم في قبيلة الدواسر وكانت هذه القصيدة مهداه من مدة الى الاخ العزيز العماني في مكان غير هذا المكان لرد على ضعاف النفوس الذين كانوا يريدون من الانتقاص من قبيلة الدواسر العزيزة علينا فكتبت هذه القصيدة مهداة الى العماني فاردت ان اهديها مرة اخرى ولكن في احسن من تلك الظروف وها انا اهديها مع بداية تاسيس منتدى قبيلة الدواسر.

ودمتم