الــــعـــيــــــيـنـــه

[معلومات العضو ابـو مــحــمــد]

عامر الجراحين ماعليك زود اما عن عبدالله بن جلوي يقولون انه مات حرقه على ولده

 

 

 

 

[معلومات العضو ابوعبدالعزيز]

تسلم يابو محمد على العلوم الطيبه.

وكفو بالعجمان يحرونبها..

 

 

 

 

[معلومات العضو ابـو مــحــمــد]

ابوعبدالعزيز

الله يسلمك وماعليك زود يالقرم

ابو محمــد

 

 

 

 

[معلومات العضو راكان العجمي]

ارحـــــــــب يابو محمد ,,,


بيض الله وجهك ولاهنت على ذكر الوقعه الشهيره ,,,


ما اقول غير الله يرحم شيبانا اللي فعولهم ترفع الراس ,,,


تقبل تحياتي وتقديري اخيك / راكان المحفوظي العجمي ,,,

 

 

 

 

[معلومات العضو ابوعبدالرحمن الودعاني]

رحم الله الأمير ضيدان بن حثلين

فقد غدر به لكن الله أنتقم للغادر وأنتصر أهل الحق!!

العجمان كانوا هم النجوم يوم العيينه وأثبتوا أنهم هم الرجال

الذي لا يرضون بالذل والمسكنه..

والله ونعم وألف ألف نعم بعوال مرزوق!!!


.

 

 

 

 

[معلومات العضو صبي المخاسير]

الله لايهينك يابومحمد على هذه الوقعه التاريخيه
واوكد على كلام اخي فهد العجمي بقصيدة الحايف اللي مطلعها

بندق في العيينه حج راعيها..................... ثورت من راس فهد في كبد عبدالله

وازيد بابيات للشاعر الفارس ربيح بن فراج ال وطيب احد ابطال تلك المعركه

تكفون يالعجمان يسقم الحريب=انخو العيينه تنتخي برجالها
من كان عليها من مرزوق لايغيب=عيب على اللي لادرى ماجلها
ليل عليها شيب اللي مايشيب=يامحلا ظرب الفشق همالها
الخادي والهاجري راحو هريب=.........................................
والسبيعي قال هيا هيا يالحبيب=ياويش جابني في مناخ اجمالها

كما عرض لكم تلك القصه برواية الشيخ عبدالله الدامر (رحمه الله) من غير قصور في ابومحمد


وقعة العيينة

ضيدان لم يأتي من الصرار الا بعد ما اعطاه فهد بن جلوي الآمان ، ارسل ضيدان ابن عمه / حزام بن راكان بن فاران إلى الأمير / فهد بن جلوي وهو على العيينه وابا الكلاب وجماعته وبدوه عنده وطلب منه الأمان لان الناس خوفوه وكتب له فهد بن جلوي كتاب امان الله وامان الله والخائن بخونه الله، تجي سالم وتروح سالم ولا خبرنا شئ يخوفك ما فعل شئ وارسله بداح بن لصقه ، نايف أبا الكلاب بينه وبين ضيدان منافس ونازل هو واللي معه من بدو العجمان على العيينه وجاهم فهد بن جلوي وخيم عندهم واكرموه فلما جاء ضيدان ومن معه من رجاله وتقهووا جاءهم ناصر بن جلوي وقلطهم في المختصر هو واللي معه وامسكوهم وانفلت منهم اثنين وهم بريكان بن حسين وبن فردوس وبن فردوس طاح في بيت من ييوت العجمان وانخش اما بريكان سرى ليله حتى وصل العجمان في الصرار وصاح فيهم وجاءوا تحتهم ثمانين ذلول مردوفات وثلاثين خيال وفهد معه ناس كثير من القبائل ومعه جندا مسجلهم واكثرهم الدوسر وال تاعبه يجي الف رجال ومعه اخوياه الخدام على ما قالوا يجون اربعمائة وقال للناس اللي حوله كلن يقضب مكانه ويوم اونسوا بان العجمان جاوءا روح له سبور وقالوا جاوكم العجمان قال ذولا ناسا قليلين كلن يقضب مكانه وقال لبا الكلاب خلوكم هنا غرب انت وعجمانك بنكفيكم الملاقا كنه ماهوب وامن منهم. العجمان جاءا وعقلوا الركاب وحطوا الثياب وقالوا حنا بنخالط الرجال ولازم نتجرد من الثياب حتى كلن يعرف رفيقه وخلوا عليهم السراويل وبيتوا وثارت البندق وتبينت بعض الكسيرة وقالوا بعض اللى عند فهد اركب وروح يا رجال الرجال بيكفونك الطراد ، وركب ونطحهم إياها
انفلت اربعة من العجمان وهم عبد الله بن مخيال وقويفل الهتلاني وسيف بن منيف الحبيشي ومعيوف بن وران ال ناجعه انفلتوا وصاروا بين الجمعين ومقدمهم قويفل وسلاحه سيف ونطحهم فهد وقال بيّتونا يالشردان ما حولكم احد يحسبهم من قومه قاله قويفل انت فهد قال نعم قال انت علي قال نعم انا علي ونطحه ويوم قلط يده يبي يقضب رسن فرسه لابن مخيال خلافه فرفع البندق وثورها فيه لينه طايح الفرس انفلتت وراحت لمربطها وقضبها عبد الله بن سويد ال صالح ويوم اصبح عبد الله بن مخيال لذي الفرس عند بن سويد قال هاذي فرس فهد وانا اللي طارحه قال الفرس جاتني مارج ان عينت لك شاهد انك اللي مخلي ثقلها من نقلها كلمة عند البدو ويعني انك اللي طارح راعيها قال نعم عندي قويفل وسيف بن منيف ومعيوف بن وران قال بس عطني قويفل وقال نعم ولو احدا بيعاشيه فيها الا انا لو اني من اللي يحبون العشاوي وكان قلت اني قاضب رسنها قبلك ولكن الفرس للي يطرح راعيها من ظهرها خذاها بن مخيال وعقرت تحته يوم رضا، اما العجمان يومه يقول انهم قتلوه هذا اللي خلاني اصرح واجيب الصدق يوم المؤلف ذا يقول العجمان جروه وجابوه ويوم ثارت البندق هم اللي قتلوه فهذا غلط فاحش ولا نرضابه والحق يقال والصدق يقال وانا ماني اللي ببري العجمان من الغلطات ولا ياما من الزين وياما من الشين لكن هذه سالفة انا حاضرها وخابرها اما العجمان اللي على الماء ما احدا منهم طب الهوش قالهم ابا الكلاب خلوكم هناك ولكن العجمان عقب ما مات ضيدان قالوا يا نايف الشيخ ولد عمك وراح وانت قدك الامير ولا تخلينا وامرنا كبر وذلحين قد حنا بنقفي وشالوه معهم وصار هو الامير والله زين الامور والله يرحم عبد العزيز، وبعض الناس يقولون ان بن مخيال خوي لابن جلوي ويوم صار اللي صار فخانبه وقتله وهذا غير صحيح لان والده عيد قد راح لابن جلوي وقاله ولدي خرج من طاعتي وراح لابن حثلين وانظم اليه ومن رجاله.

تقبلو تحياتي