مزاين آل عمار

[معلومات العضو ابن مدعث]

🌟🌟مزاين آل عمار🌟🌟


المزاين رسم وخيامه تبنا
شيدت للحفل في راس الرفاعه

مرحبا باللي حضر منا ومنا
عند ربعي مرحبا به كل ساعه

ارحبوا على الشحم ودلال بنا
في محل يجذب الناس بشعاعه

وفي لزوم للقبيله ما تونا
لالفاني داعي لبيت داعه

🌟🌟🌟🌟🌟

على دعوة أهل الطيب كسابة الأفعال
حضرنا وحفل الطيب ملزوم نجب له

اعسف المثايل عسفة الخيل والخيال
ولاكل شاعر لابغاها تودب له

واسوق المثايل والمعاني درر واجزال
على حفل ربعي لاد عمار تجذب له

على حفل سربان المحازم عما العيال
هل الجوخ واهل الحرب لادندنت طبله

سلامي على شليويح مابان مبدأ هلال
وبإعداد ما انشى من مناشيه من قبله

سلامي على اللي للمواقف لها شيال
ودون القبيله عادته طايل شبله

وقف للمزاين وارتكا واحتمل الاثقال
وذي عادة الطيب له الطيب يحسب له

عسا الله يعز البل مع طيبين الفال
رجال يحطون المزاين وتتعب له

وحضر للمزاين راعي الزين والوبال
وكل يسوق من النوادر خيار ابله

الياعرضت كنها من الزين به تختال
على اللعب والجمهور والصوت تطربله

سود غرابيات لون الكحل والشال
اتحير هل الترقيم يا ويش تكتب له

طوال الغوارب والعضا ناهيه واجلال
وتقصر جنيبتها ولو طولو حبله

وساع النحور ابواب شيخ بليا اقفال
وشول الايادي كن ماهيب تقرب له

وكن رووسهاراس الفحل مالهن اشكال
وكن الاذاني حربتين نواصب له

وخد عريض وطول لحي وزين سبال
وتقواس خشم كن الاقواس تنسب له

والارقاب جرد من اللحم عاريه وانحال
وكن لا مشت تسبر مخال نثر وبله

ووضح كما لون البرد من جثيل خيال
على صوت راعيها تهايق وترقب له

وضح مع اهل الصنف ماتنصخا بالمال
ولو الدراهم قدم عينيه تحسب له

وضح وسود ساسها طيبات اسلال
تعب في الفحول النادره لين ضرب له

بكار تنومس لاحصل في الامارى جدال
بيوم التحدي والجماهير تندب له

تشوش مع الجمهور وتشوش العقال
ومن حبها لاشفتهم قلت منهبله

ولامن حصل بين القبايل امارى ابطال
حضر من يمثل لاد عمار عند ابله

الاوايل لنا من قسمنا والرجال جبال
الاوايل لنا وكبود الاخصام مندبله

الاوايل لنا يوم التحدي بدون جدال
وعلى اهل النوادر لعبنا فيهم السبله


الشاعر / ناصر بن مدعث آل عمار

 

 

 

 

[معلومات العضو ساقان الدواسر]

ابن مدعث;🌟🌟مزاين آل عمار🌟🌟


المزاين رسم وخيامه تبنا
شيدت للحفل في راس الرفاعه

مرحبا باللي حضر منا ومنا
عند ربعي مرحبا به كل ساعه

ارحبوا على الشحم ودلال بنا
في محل يجذب الناس بشعاعه

وفي لزوم للقبيله ما تونا
لالفاني داعي لبيت داعه

🌟🌟🌟🌟🌟

على دعوة أهل الطيب كسابة الأفعال
حضرنا وحفل الطيب ملزوم نجب له

اعسف المثايل عسفة الخيل والخيال
ولاكل شاعر لابغاها تودب له

واسوق المثايل والمعاني درر واجزال
على حفل ربعي لاد عمار تجذب له

على حفل سربان المحازم عما العيال
هل الجوخ واهل الحرب لادندنت طبله

سلامي على شليويح مابان مبدأ هلال
وبإعداد ما انشى من مناشيه من قبله

سلامي على اللي للمواقف لها شيال
ودون القبيله عادته طايل شبله

وقف للمزاين وارتكا واحتمل الاثقال
وذي عادة الطيب له الطيب يحسب له

عسا الله يعز البل مع طيبين الفال
رجال يحطون المزاين وتتعب له

وحضر للمزاين راعي الزين والوبال
وكل يسوق من النوادر خيار ابله

الياعرضت كنها من الزين به تختال
على اللعب والجمهور والصوت تطربله

سود غرابيات لون الكحل والشال
اتحير هل الترقيم يا ويش تكتب له

طوال الغوارب والعضا ناهيه واجلال
وتقصر جنيبتها ولو طولو حبله

وساع النحور ابواب شيخ بليا اقفال
وشول الايادي كن ماهيب تقرب له

وكن رووسهاراس الفحل مالهن اشكال
وكن الاذاني حربتين نواصب له

وخد عريض وطول لحي وزين سبال
وتقواس خشم كن الاقواس تنسب له

والارقاب جرد من اللحم عاريه وانحال
وكن لا مشت تسبر مخال نثر وبله

ووضح كما لون البرد من جثيل خيال
على صوت راعيها تهايق وترقب له

وضح مع اهل الصنف ماتنصخا بالمال
ولو الدراهم قدم عينيه تحسب له

وضح وسود ساسها طيبات اسلال
تعب في الفحول النادره لين ضرب له

بكار تنومس لاحصل في الامارى جدال
بيوم التحدي والجماهير تندب له

تشوش مع الجمهور وتشوش العقال
ومن حبها لاشفتهم قلت منهبله

ولامن حصل بين القبايل امارى ابطال
حضر من يمثل لاد عمار عند ابله

الاوايل لنا من قسمنا والرجال جبال
الاوايل لنا وكبود الاخصام مندبله

الاوايل لنا يوم التحدي بدون جدال
وعلى اهل النوادر لعبنا فيهم السبله


الشاعر / ناصر بن مدعث آل عمار

كفوء يا ابن مدعث آل عمار يتيجان جدانا وسيسان السيسان
ويستاهلون المدح أهلنا الله يرحم شيبان جابوك يتاج الراس يالمحزم