رد الشيخ : محسن بن فالح الشكرة (قصيدة) في زبن الدخيل

[معلومات العضو ساقان الدواسر]

قصة الدواسر ما يزبنون الدخيل من الشيخ " الشكرة "




هذه القصة حصلت مع الشيخ ( محسن بن فالح الشكره )

وهي انه كان فياحد المجالس وتكلم واحد وقال ان الدواسر ما يزبنون الدخيل

وهو والله ما صدق لان الدواسر اشتهرت بمزبنت المجرم ولا تقصر على التزبينه الا بعد توسم عصاه ويهمل في ديار الدواسر
وتكون كل القبيله له زبين

لان باقي القبايل الزبين لازم يكون مقابله ويشوف ضوه وتقصر فقط على ربع اللي زبنه .

اما قبيلةالدواسر الدخيل في حما القبيله كلها تلتزم في الدخيل


الوكاد كان ردالشيخ محسن بن فالح حاضر عليه

وهذا رده

السؤال اللي عرض لي وأنا عابر سبيل
اسمحوا لي لين أكمل جوابـي للسـؤال
السؤال يدور حول الدواسـر والدخيـل
واليقين المعتبر يقطـع سلـوك الجـدال
أحمد الله وأشكره كـل فعـلٍ لـه دليـل
والدواسر فالجزيرة مثـل صـم الجبـال
بالشجاعة والشراسـه وبالـدم الأصيـل
والعروبيه لها في العـرب سلـكً جـلال
والدخيل يمد لـه سلمنـا حبـل طويـل
لا وسمنا له عصاه انجـلا همـه وزال
يهتني بين الدواسر هل الـروز الثقيـل
أن توجه للجنـوب أو توجـه للشمـال
مآخـذٍ حريتـه فالنـزول وفالرحـيـل
وسملنا يحمى جنابـه وهيبتنـا ضـلال
ما نحطه في ذرى البيت مهمـوم ذليـل
ولا نحسب مدته كـل مـا هـل الهـلال
ما نشيله مـن كفيـل ونرميـه لكفيـل
نعتبرهـا جيرتـن لا حـرام ولا حـلال
من زبنـا يهتنـي بالمبـات وبالمقيـل
نمنه ونقول له عـان قسمـك فالحـلال
والثلاث اللي تهرب فصيل مـن فصيـل
مالهـا فسلومنـا لا نهـار ولا لـيـال
سلمنا عـن ذا الثـلاث يحدنـا للبديـل
الرديني والجنابـي ومصقـول السـلال
وأنت لو تنشد شريفٍ على قبـره نثيـل
علمك وشلون قلنا وهـو وشلـون قـال
أعترضنا له بجمـعً معـا جمعـه قليـل
من شروق الشمس لين أدبحت يم الزوال
لين خلينا الجنايز مثـل جظـع النخيـل
والشريف معركزٍ بين جال وبيـن جـال
هل عرفت الأن منهم مزبنـت الدخيـل
الـدواسـر كاملـيـن ولله الـكـمـال