دك ياهاجوس شعري وجهز واستعد
القريحه تو ما هجرست من جدها
بالبيوت اللي كما اللؤل في نظمه يعد
في نحر غيدأ طوال الشعور تكده
ابتدي بسم الله الواحد الفرد الصمد
جاعل شم الرواسي للأرض تشدها
ياهجوس الشعر مالك عن الواجب صدد
زان لي بدع القوافي وذعذع ندها
يامبارك يابن مشعي عسى ايامك مدد
مد يمنا العز ياطير شلوا مدها
تستحق المجد والمدح يا وجه السعد
كلها تزهاك يالقرم وانته قدها
اشهد ان امك يا عوق الدا جابت ولد
ابلج لا من وقف للوازم سده
عاش من حقق مرامه بعد صبر وجلد
بيض بوجهه وروس الحقوق ارتدها
قال انا يالاد مشعي لكم مني عهد
العلوم تزين لا بدها لا بدها
واستقال من العمل ما خذا الري من أحد
مقصده يطرد حقوق يحاول ردها
وانتضر ماهوب يبغى من اخصامه عدد
نظرته في غير شيخ العدا ما لدها
لين جود ريس القوم واوفا بالعهد
الغريم اللي فعوله تلقى ضدها
واجهه من قرب لين ضربه ضرب الركد
قال ضربات القضا يالعميل اعتدها
وامطره باللي ليا حولت مثل البرد
من كلاش انكوف في صدر خصمه عدها
يضرب بكف جريه وقلب ما رتعد
فايح راسه بزود الشجاعه والدها
قال طاب الكيف واخذيت ثاري وش بعد
مير يامندوب هاك العاوم او ودها
لال مشعي ربعي اللي يحلون العقد
تقصر يدين عليهم تعدا حدها
من وداعين لها المجد يبقى للأبد
عزوة كسب الثنى ورثة من جدها
لابة بأمجادهم كل رجال شهد
ستر عذرأ كن لمع الفلاش بخدها
تفتخر بافعال اهلها قديمات وجدد
لابة تاسم كبود العدا وتضدها
والدواسر مقحمين العدا ذخر وسند
قوة لو تصطدم فالجبال تهدها
محمد بن باني
المخاريم
10-01-2017, 02:36 AM
قصيدة ابن باني المخاريم في ابن مشعي الودعاني
العرض العادي
