التغطية المصوّرة لــ حفل آل دهناء الحناتيش المساعره

[معلومات العضو الإداره]

الحمد لله رب العالمين والصلاة والسلام على سيد الانبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته الى يوم الدين إخواننا أعضاء وزوّار الموقع الرسمي لقبيلة الدواسر أعدّ التقرير عضو مجلس إدارة الموقع الأستاذ فهد بن هادي الغريري يتناوب الرجال على فعل الكرم والطيب ويتسابقون في ذلك من باب التنافس الشريف ومن باب لم الشمل وتجديد الولاء والطاعة والمحبة ،ومن باب الإخاء بين القبيله .في ليلة فريدة وفي تجمع عـز وطاعة وفي لقاء أنس ومحبة ومن على جنبات محافظة الاحساء ، في جو أخوي زاد من جماله ذلك التجمع الرائع بين أبناء قبيلة الدواســـر. وكما عودناكم مسبقاً بمواكبة الأحداث المتعلقة بقبيلة الدواسر في كل مكان ، فإننا ليسرنا ويشرفنا أن نعرض التغطية المصوّرة لحفل آل دهناء الحناتيش المساعرة برعاية كلاً من : فهد بن ثلاب المسعري و محمد بن شبيب المسعري و عبدالعزيز بن علوش المسعري من اليمين محمد بن شبيب المسعري وبجانبة فهد بن ثلاب المسعري عبدالعزيز بن علوش المسعري من اليمين عبدالله بن ثلاب آل دهنا ويليه مجول بن مسعود ال عمار من اليمن الشيخ راجس بن نبجان الشرافي ويليه الشيخ ناصر بن نبجان الشرافي من اليمين عبدالله بن سعد الفصام ويليه سعد بن ناصر الفصام من اليمين فهيد بن مبارك العمور وبجانبة عضو المجلس البلدي بالمنطقة الشرقيو فالح بن راجس بن نبجان من اليسار سالم بن عجب الحقباني من اليسار فهيد بن صلال المخاريم المهندس : عيد بن سالم الغريري من اليمين الاعلامي فهد بن هادي الغريري وبجانبة الشاعر عبدالله بن صالح الصليبي الحقباني من اليمين سعد بن مجول آل هناء من اليمين محمد بن سعد الفصام ويليه سالم بن حسين الغييثات من اليمين معيكل بن محمد من اليمين الشاعر ظفر بن مسلم آل عمار من اليمين الشاعر نايف الفصام ويليى الشاعر عقيل الخييلي ويليه الشاعر سعد آل بريك فـقـرات الحـفـل الأعلامي راشد بن حماد الغريري إنطلقت فعاليات الحفل المنبري عند وصول جميع الضيوف التي قدمها الأعلامي راشد بن حماد الغريري وقد بدأ الحفل بآي من الذكر الحكيم محمد بن شبيب آل دهناء المسعري وبعد ذلك كان محمد بن شبيب آل دهناء المسعري كلمة ترحيبية بالضيوف الكرام . لأن مثل هذه المناسبات لابد لـ الشعر أن يكون له حضوراً ، ولأن مثل هذه المواقف العظمى لابد أن تسجل وتدوّن بأبيات القصيدة . إستهل الشاعر شبيب بن محمد المسعري الشاعر شبيب بن محمد المسعري بسم الله ابدى قولي عدد مايذكرون =واثني عليه الحمد والتحايا والسلام وارتب ابيـات المشاعـر غـلا يوصفـون=لان الغـلا يفـرق بالتسـاوي والتمــام استهلي ياعذب المشاعر مع ذيك المزون =وامطري فخر ومعزه وتقديًر و احترام يامرحبا ترحيب مقبلاتً ماهم ينتهون =بسـم ربعـي آل دهنـا سعُـد الحـزام الجمع عز مايجي فيه اختلاف الضنون =وربعً تعاونوا جعلهم يبقون فوق السنام وشلون الليالي تبعد منا النشاما وشلون =ووجيه الوفا والمطاليـق لهـم مني سـلام ارحبوا يامرحبا وارحبوا عد وبل المزون =ترحيبةً صادق احساس ماهي بالكـلام سلمنـا اول من بــداه فـي ذا الكـون =سلمنا وسم العصـا مزبنـة الضيـام دواسر الطيب سنام العز له يحتمون =وراسً مايشوش جعله مايذوق المنام اقولها وانا ابن مسعر وربعي يقدرون =في صخاف الشول عزوةً مافيها ملام يامرحبا في اللي حضر والغايب يمـون =ترحيبـة تعتلـي نجم الثريـا فــوق الانـام والنهاية صلاة ربي وحمده عد مايذكرون =على النبي محمـد اشرف صـلاة و سـلام الشاعر عبدالله بن صالح الصليبي الحقباني ثم ألقى الشاعر عبدالله بن صالح الصليبي الحقباني قصيدةً بهذا الحفل ، حيث يقول في قصيدته : للحسا يا هاجسي شد الرحايل=صوب حفلٍ كل مطنوخٍ يدله الجزايل تنصفط لأهل الجزايل=تعجب اللي سمعها من دون شلّه لا دعاني القرم ما فيها بدايل=سقت رجلي للسنافي في محله فهد ابن ثلاب يا وافي الخصايل=كل فعل للمراجل في سجله عادةٍ لإبن دهنا كسب الجمايل=يرتكي للحمل بمتونه يشله و ابو شبيب محمدّ للطيب نايل=ريف اهل هجن شكت جوع و خله من حناتيش تنومس بالنفايل=من قديم الوقت هل رمحٍ و سلّه و عند ابن علوش يقصر كل طايل=ما انعقد عبدالعزيز الشهم حله ما رضى بالضيم تشهد له دلايل=مجلسه من جاه يسلى ما يمله يا سلامي عد ما تنشي المخايل=من حقوق الوسم همالٍ تهله مرحبا في حفل ماضين الفعايل=لاد مسعر سعد منهم عزوةٍ له يا هل الطالات مرويين السلايل=كل مجد لاد زايد تستحله درعنا و حزامنا وقت الوهايل=من نشا بالعزّ ما يرضى المذله و الا انا ربعي توطّي كل عايل=من قديم الوقت من ربي جبلّه ربعي الحقبان و ان جت للصمايل=من حربنا يشتكي من كل عله من بني تغلب و تغلب صلب وايل = و انشد التاريخ يعطيك الادله و اذكر جميله عريبين السلايل=في الشدايد تاسم كبودٍ مغله كاسبين للمراجل و الجمايل=و في نهار الضيق تسهج كل حله الدواسر سادة المجد الاوايل=قبّة نجومٍ على العالم مطله لا عدينا فوق عجلات الاصايل=كم خليلٍ نحرمه من شوف خله سلمنا وسم العصا بدّ القبايل=و الخوي و الضيف ما نلحقه زله من وزانا يشتكي حرّ الملايل=يدله بدنياه و حجاجه نفلّه في ذرى حكمٍ جمع كل الفصايل=كلنا في حزة الواجب افداً له رايةٍ لاخوان نوره ما تمايل=و ان دعا سلمان جاه الشعب كله و الصلاة ختامها و الشك زايل=للنبي اللي شرع الاسلام مله الشاعر سعد آل بريك ثم ألقى الشاعر سعد آل بريك قصيدةً بهذا الحفل ، حيث يقول في قصيدته : صلوا على محمد وآله نباء هام=عطوني من الوقت فتره قليله الوقت يحاول كسرنا مثل الاقلام=لكننا نصمد ولا ننحنيله تدرون ليه؟ اخذو حقيقة ماهي اوهام=حقيقة من شاعراً له دليله حنا الدواسر ساسنا ساس وكرام=وحنا الدواسر قوم عز وفضيله تقدر تقول انا محطمة الارقام=وتقدر تلقبنا باعرق قبيله كُنا ولا نزال ساده وحكام=كذا خلقنا الله سلاله نبيله زدنا عن العالم قبل عصر الاعلام=واليوم جدنا بـ الفعول الجزيله اتسوقنا قهواتنا جزم وقدام=ونصلفق الكايد على المستحيله لا صاح فينا المجد قدام قدام=نجي طنخ ونحضر وننثنيله صغيرنا يثر على الطابع العام=وكبيرنا يفرق بطيبه في جيله الجمع منا ينهي الضد لا هام=والفرد منا صعب مافيه حيله هواماتنا للعايل الطامع كعام=وصدورنا للصاحب الحاف ليله ويدينا تندا لو تزود الاسوام=مدات ايدينا راس مال وحصيله ووجيهنا مالامها كل لوام=نحميا الوجيه المسفرات الطويله ننطح سهوم الضعف في الازم شمام=ونكسر شبا صعب الظروف المهيله من حافنا بيعود ايعض الابهام=ويجرجر اذيال الندم والفشيله هذا كلام الصدق والمبغض خمام=حقيقةً تشفي الكبود الغليله سمعتناها قبل ماهو من العام=قبل ادرك ان الكل منا فصيله الدوسري يفرق عن الناس مادام=تلقاه يجمع كل خصله نبيله والدوسري ماتغيره غبر الايام=يوفي اليا خان العميل بـ عميله والدوسري عن كل ما ينقصه شام=ايكشر بوجه الامور الهزيله والدوسري اكرم من الغيم لاحام=يكيل عن غيره اليا كال كيله والدوسري يضرم على الطاله ضرام=ويخرم على كسب العلوم الجميله والدوسري لاقام لاقام لاقام=يبشر بعزه من نوى يحتميله والدوسري يموت لكن ما ينضام=عزيز نفس وشره والله وكيله حقيقةً توضع على صدورنا وسام=نفخربها ونعدها اكبر نفيله الشاعر عقيل الخييلات ثم ألقى الشاعر عقيل الخييلات قصيدةً بهذا الحفل ، حيث يقول في قصيدته : يقعد خوا الراس فنجالً من الدله=الدله اللي من المعنى مبهرّها لا مال وجه الزمان وبانت الخله=عزت ديار الدواسر من دواسرها وانا ما امثّل سليمانً نبي الله=لاكن امثل بني عمي واقدّرها في حلة اللي يعقد الحبل ويحله=بن دهناء اللي بيوت المجد عامرها في لازمه سقت قاف الشعر طربً له=باسم الدواسر من اولها ليا اخرها صوارمً ما تضريها على الذله=يوم الرمك فالصفا دقة حوافرها دواسرً والسيوف الحدب منسله=نحذف بـ روس الدواهي في مقابرها غلطان منهو يحسب إنّا سبيلً له=لاكن من ورّد العلّه يصدّرها ما يدري إنّا شقا الحراب والعله=دقلاتنا تطرب القوم وتجّسرها نبطش جموع الخصوم ونسهج الحله=نضرب عليها صليب ولا نعبّرها عدوّنا الله عليه مسلط الذله=يحيمر العين والا ما يحيمرها فينا الوفا والمكارم طبع واجبله=قومً على المرجله تصدح منابرها كل ابلجً موقفه بالطيب شرعً له=قومً نخوض المراجل وانتصدّرها ما نقتنع لين ناخذ حقنا كله=بالمرجله والمبادي ما نغيّرها وخلاصة القاف في نظمه وفي شله=هلت وتمت وصح لسان شاعرها الشاعر بتال بن شلون العمور ثم ألقى الشاعر بتال بن شلون العمور قصيدةً بهذا الحفل ، حيث يقول في قصيدته : بيض الله وجهكم يال دهنا=لابتن دون القبيله تحتمي لابتن افعالكم مثل اسنا=في نباكم حيرً خط قلمي ______________________ شرد الافكار عسفن وجهزنا=وحضرت في شوطها لمشاركتها من بنات الفكر هجني درهمنا=جعلها ترقا المسامع لا اسمعتها شاعرٍ من دون ربعي ما تونا=حقهم الابداع مني لذايقتها في الدواسر لو بيوتي شيدنا=حارت الافكار فيها ما وفتها تغلب وزايد من عصورٍ مضنا=وليالي سودها ما فرقتها كل سلمٍ طيبن تلقاه منا=بسم خطلان الايادي حاصرتها الشبوك مفتحه بيبانهنا=دونهم بيبانها ما سكرتها كل ذودٍ لارعى فيها تهنى=ماخذٍ قيضه وذوده راتعتها ومن يبيع الما فلا ينعد منا=سلمنا مانا سبيل الواردتها ومن تمثنى الدار يمشي مرجهنا=دام وسمٍ في عصاته واسمتها ومن زبنا والله انه لا زبنا=تهتني بالنوم عينٍ فاختتها والبل البل انا اهلها لرزمنا=حن جنبها لا بغتها طامعتها من قديم الوقت من ماضي زمنا =والدواسر سلمها ما غيرتها ونحمد اللي عم امانه في وطنا=في رغد حكامنا اللي حاكمتها يسروا كل العسيرات بزمنا=وحكمها حكم الشريعه ناهجتها قالها العمري بقوله يوم غنى=والسلام اختام تالي خاتمتها الشاعر ظفر بن مسلم آل عمار ثم ألقى الشاعر ظفر بن مسلم آل عمار قصيدةً بهذا الحفل ، حيث يقول في قصيدته : سلام في حفلن يضم المناعير =اللي لهم في منهج الطيب هامه حركت من الافلاج صوب المسافير = حركت والمطمع غلا والسلامه يا هاجسي ورّد جزيل التعابير=بالموقف اللي ما يحوفه ملامه من جمّع اللابه ترى مسويٍ خير=واللي سعى بالجمع وهذا اهتمامه عند الذي ما يحْسبون المخاسير=نلقى السعد يضوي ونلقى ابتسامه ال دهنا مثل السيوف البواتير=قاماتهم ترقى على كل قامه لنهم من اللي يدحمون المخاطير=الاد مسعر وارثين الشهامه يا لايمي في مدحتن للكواسير=عز الله انك غاوين في ظلامه مدحي لهم يحمل معزه وتقدير=عقب شعورن مارجن من مرامه قلته وانا ربعي تقود الطوابير =بالحرب مثل الموج يدوي التطامه الاد عمارن كعام المعاسير =كم واحدن غاوي ثعينا حزامه دواسرن نارد على جمة البير=تاريخنا بين القبايل علامه زايد وتغلب درعنا يا مشاهير =اللي زبنّا يهتني في منامه والمنغبن لقبل ودمعه مكاسير=يرجع وهو كاسب حبال الكرامه مركاضنا يشبع به الذيب والطير=اما كسبنا العز ولا سنامه أهل الكرم واهل الدلال المباهير=امجادنا منا ليوم القيامه باقي القبايل والنعم دون تقصير =كلن فعوله واضحه في سهامه وصلاة ربي عد ما غرد الطير =نبيّنا اللي عاليّن في مقامه الشاعر صالح بن محمد الصليبي الحقباني ثم ألقى الشاعر صالح بن محمد الصليبي الحقباني قصيدةً بهذا الحفل ، حيث يقول في قصيدته : يامرحبا وعداد ماهل همال=انشا من القبله و هشبل سحابه ترحيبتن بالحفل رجال رجال=وموزعه مابين لابه و لابه ربع ً مناعير ومداغيش وابطال=كل ابلج ً يوم الوغا يندعابه جيتوا علئ من بعيد الاميال=ذيابة ً لبت جواب الذيابه نوادرن مابين شيبان وعيال=كل ً علئ العليا مشن به ركابه الله يجمعنا علا خير واسهال=ويدوم وصل اصحابنا والقرابه ________________________ الــتــكريــــم قام اصحاب الحفل بتكريم الشعراء والاعلاميين المشاركين بالحفل عبدالعزيز بن علوش المسعري يهدي مسدس لـــ فهد بن ثلاب المسعري الشيلات التي قيلت بهذه المناسبة وكان لنا موعد مع الأوبريت الانشادي مع المبدع المنشد شبل الدواسر الهب حماس الحضور بــ الشله الانشادية الجزله من كلمات الشاعر المبدع نايف بن مسرع وكان لنا موعد مع الأوبريت الانشادي مع المبدع المنشد شامخ الدواسر الهب حماس الحضور بــ الشله الانشادية الجزله من كلمات الشاعر المبدع شبيب بن محمد المسعري تفاعل الحضور مع الشلات لقطات عامة من الحفل net/uploads/1429615544478.jpg[/img] ختاماً، تتقدم إدارة الموقع الرسمي لقبيلة الدواسرتتقدم بخالص الشكر والعرفان لــ آل دهناء الحناتيش المساعرة على الإحتفاليّة وإن هذا ليس بمستغرب عليه أبداً والشكر على حسن التنظيم والترتيب المسبق المعدّ لهذه الإحتفاليّة المتميزه (صوت قبيلة الدواسر) موقع قبيلة الدواسر الرسمي www.alduwaser.org/vb

 

 

 

 

[معلومات العضو راشد المسعري]

ونعم بآل دهنا الحناتيش وبيض الله وجيههم على هذا الحفل المميز والترتيب الاكثر من رائع
وبيض الله وجه الشعراء والمنشدين اللي جملوا الحفل والشكر موصول للأخ فهد الغريري على الجهود المميزة في هذاه التغطية.
دامت افراح الجميع وجمعهم الله على العز والطاعة ، وللجميع ودي وتقديري ،،،