سلام يال بريك في ملتقى العيد . مشاركتي في ملتقى ال بريك

[معلومات العضو شافي بن راشد النتيفات]

مشاركتي في ملتقى ال بريك بضيافة الشيخ / الزقروط بن ناصر ال بريك



بضيافة اللي مامشى بالمناقيد
شيخ ن علومة كلبوها جلية
شيخ ماجاته شيخته بالتلاجيد
ولاجاتله منحه ولاجت عطيه
شيخ ولد شيخ يحل التعاقيد
بوقفته من عاد بقعا صبية
الشيخ ابوناصر ولا عنه باحيد
ماغيره الزقروط زبن الونية
اللي مع طول المدى طيبه يزيد
في كل ماقف يكسب الاولية
لك بطوي الاميال لو اني بعيد
من شان شوف اللي لهم مقدرية
ربعك حزام اللي حدوه المقاريد
العيد والله شوف ربعي هنية
سلام يال بريك في ملتقى العيد
جينا نعايدكم بعيد الضحية
في ملتقى حطوه روس الاواليد
اللي لهم في خافقي قابلية
اهل الفخر رمز الوفا والصناديد
دايم لهم سطوة وقوم عصية
ماهيب تعطي للملاقا مواعيد
تقدم بجمع مايهاب المنية
لاجالهم طماع يلقى التناكيد
يلعن من اللي ذاق ميته وحيه
لاد البريكي كاسبين التماجيد
في كل وقت وكل صبح وعشية
لاد البريكي ماضرت بالتهاويد
عزاز روس ماضرت بالردية
لاد البريكي يحتمون المواريد
محدن طمعها دونها الصيرمية
من دون حد الدار لا صار تهديد
يحمونها اهل الباس والعنجهية
هل وادي سمي بهم دون تقييد
برك المسمى ماوصلهم هدية
دونه هل الردات قوم بواريد
يامخبل اللي يبتغي فيه طية
ياربعنا ال بريك من دون تحديد
والله كفو ياهل اليدين الندية
شايبكم يقود الرجاجيل ويفيد
وصبيكم ينطح لحاله سرية
ان صاح صياح من الضيم ويريد
فانتو هل الوقفات واهل الحمية
المدح فيكم مايبي كون تجديد
والا مدايحكم من الجاهلية
ياهل الكرم يوم الليالي تشاريد
من جالكم يلقى الوجيه الوفيه
وياهل الظفر لا اقبل جموع معانيد
عاداتكم كفو ن لها كل هية
هذا كلام اللي يقوله تراديد
من عزوة وقت الملاقا جرية
نتيفي وافخر ولي مجد مابيد
ترثة جميلة ما كسبنا الدنية
وانتم وحنا قلتها العام واعيد
دواسر بالطيب نمشي سوية
من غير قاصر في عيال الاجاويد
ما ارضى على عيال الحمايل خطية
بديت قافي بالثنا والتماجيد
واختامها بالمعذرة والتحية


شافي بن راشد النتيفات

 

 

 

 

[معلومات العضو ابومبخوت الدوسري]

صح السانك ملايين يابوشالح وترفع لك البيضاء ي السنافي تحيه وتقدير
وعز الله يستاهلون المدح والطيب لاد البريكي ووافين وانت وافي ..

 

 

 

 

[معلومات العضو ابو زياد البريكي]

صح لسانك وبيض الله وجهك يابو راشد على القصيدة الجزله ولا عليكم زود وافين يالنتيفات ولا فيكم قصور

 

 

 

 

[معلومات العضو نآصر البدراني]

انت كُفوو وقصيدكـ كُفوو في ربعن كُفوو

صح لسانك ليــــــن ترضى