"صرخة طفل" للشاعر الكبير : ابراهيم بن محمد آل عامر البدارين

[معلومات العضو نآصر البدراني]

بسم الله الرحمن الرحيم



قصيدة للشاعر الجزل / ابراهيم بن محمد آل عامر البدارين



(( صـرخـة طفــل ))

صرخة طفل وصل صداها من الشام=ودمعة عجوزٍ مـــات عنها ولــــــــدها
تستنجد اخوانٍ على دين الاســـلام=ذا عامها الثاني وهـــي في نكــدها
تبكي وترفع صوتها عبر الاعـــــــــلام=ماكنها بين العــرب في بلــــــــــدها
تبكي شرف بنتٍ عـــاثو فيه الاقـزام=ياويلها من غـــاب عنها سنــــــــدها
تبكي شبـــابٍ قيدوهم للاعـــــــدام=ارواحهم وسط الشــــوارع حصـــدها
تبكي على شيخٍ من الحزن مانـــام=حوله حياض المــــوت كلن وردهـــــا
تبكي وطن تبكي جزع قد لها عـــام=تبكي على ماحـــولها من نكـــــدها
وبكت من ابكاها المساجد من العام=مضى لها حولين مااحدٍ شهـــــدها
بقت بلاد الشــــام مأوى للايتـــــــام=ايتامها ماعـــاد يحصى عـــــــــددها
عاث بها بشـــار وازلام خـــــــــــــدام=لاسكـات صوتٍ نابعٍ من جســــدها
هو يحسبٍ الشعب قطعـــان الاغنام=يسوقهـا في اي شعبٍ وجــــــدها
بكره يذلــــونه محطمة الاصنــــــــــام=هو وإرمــوز ايران الي عبـــــــــــدها
الي توطــــاهم هكا الحين صـــــــدام=اليوم احرار الشام تقطع مــــــددها
منها وعنهـــــا واقفٍ كل مــــــــــقدام=اهل الرباط الي تُوفـي عــــــــهدها
الشـــام لاهل الشــام مـــاهو للازلام=لابد تشفى عينها من رمــــــــدها
بكــره تعرف انك قـــزم ياابن الاقـــزام =وراس الزرافه طايحٍ عنــــــــد يدها

صح لسانه مدد بلا عدد



الله يعجّل بالفرج والنصر لإخواننا في سوريا وفي كل مكان ..

 

 

 

 

[معلومات العضو بنت الذيب]

الله يعجّل بالفرج والنصر لإخواننا في سوريا وفي كل مكان .. آمــين


صح لسان شاعرها

واختيار موفق يااخوي ناصر الله يعطيك العافيه

ونترقب الزود من صوبك

 

 

 

 

[معلومات العضو راشد المسعري]

الشام لاهل الشام ماهـو لـلازلام...لابد تشفـى عينهـا مـن رمدهـا
بكره تعرف انك قزم ياابن الاقـزام...وراس الزرافه طايـحٍ عنـد يدهـا

الله الله عليك يابو سعد

صح لسانك وسلمت يالجزل

إبداع وحضور غير مستغرب من شاعر وقبل ذلك شخص يهتم لأمور أمته

اسأل الله أن يحرر بلاد الشام من الطاغية بشار وزبانيته وأن يرينا فيهم يوماً أسوداً

شكرا ابو حمـــد على النقل المميز يامميز

تقبل ودي وتقديري ،،،،