الشاعر سعد بن سريع السريع الدوسري

[معلومات العضو يحيى الودعاني]

	الشاعر أمير المعشبة سعد بن أسريع السريع من الرقبان الدواسر الله يرحمه هذا الشيخ الشاعر أمير المعشبة سابقاً الله يرحمه سعد بن أسريع السريع من الرقبان الدواسر , رجل يمتاز بالأخلاق الكريمة , له هذه القصة الأكثر من رائعه وهي تدل على عزت نفسه وكرمه وتدينه, يقول أبنه كان أبوي هو المسئول عن جماعته , وكان يغلب على الناس في نجد في ذلك الوقت قل مافي اليد والفقر , يقول في يوم من اليام طلع أبوي وراح يم ديره حولنا, وجاب منها ثلاث أصواع شايلها على راسه , ويوم أقبل على البيت ولآ هذولآ الضيوف ينوخون الرحايل عند الباب , يقول دخل مع الباب الثاني وقال لم أعياله خوذي هذا وخليه يكفي الضيوف لين يمشون أنا وأعيال مانبي شيء , يقول تعشوا ومرحوا وفطروا من باكر ومشوا , يقو والله قعدنا ثلاث أيام من بعدهم ماكلنا شيء , فقال أبوي هاذي القصيدة ألي أنتشرة بين الناس لأنها تحكي مايعانون : البارحه ساهرٍ والقلب يجتالـــي = ماهملجت حيث صالي القلب صاليها يا الله ياخالقي من مدك أسالــي = تجيبلــي دعــوه ياالله داعيهــا تيسر أمري بفضل منك ياوالــي = وتكون عوني على حاجاتـي أقضيها درة الفكاير وقسة الناس فلحالــي = كلاً على ماجـرا له راغب فيهــا دنيا تشيب الوليد بهول وهـوالـي = قامت تخبط ولا أدري وش تاليهــا ترثع على الناس تاطى خبط وجفالي =سبحان ربٍ على هل أمر مجريهـا من يوم ربي خلقها أقفاي وقبـالـي = دوايل بيـن أهلها ليـن تفنيهــا أحد مشت في هواه براحت البالـي = مطيعتلــه ورب البيت هاديــها مانيب طرب على زينات الأمثالـي = لاشك من عبره بالعين كامـــيها شيبة قبل المشيب ونشفة الحالــي = كن أبو صيخان بالقـــدوم باريها متهيض يوم أشوف الدوب بعيالـي = مثل القرافيش مع شاوي أمــخليها جوعا وعريا ولالي حيل أبحتالـي = ألا على الله أنفوس مــــايخليها الله على العوص عوص تقطع الآلي = ضباط لشيل ماشـــد الصعب فيها نرحل عليها لعــل الهم ينجالـي = ونفارق الصاع والكيسه وطــاريها ماعادلي في قرايا نجد منزالـــي = لعل وبل الحياء والصيف يسقيــها دار على دين رب واحـد عالــي = ومـن مات منا لعله ميت فيهــا أن جاكم أحد قولوا هل القصر خالي = غايب وأنا ملبد بقصـا موازيهــا هذا العذر منك خليني على فالــي = عن مقعد الذل نفسي فيه قاصيــها يامرسل الماء على أسماعيل بالحالي = ومـه تردد ونزع المــوت حاديها عجل فرجنا بنو يشعل أشعالـــي = مزنت خريف ورب البيت منشيهـا تنثر مطرها وفيء الظهر مازالــي = لين البطاحي تضيقها مــجاريها يطيب نومي الشفت النخـل سالــي = وجم الركيه تعلق في مــطاويها وصلاة ربي عدد ماهـل همـالـي =علــى نبيه عــدد ناشي نواشيها اللهم صلي وسلم على نبينا محمد وهذا خلاصة ماحكوه النشاما المرجع شريط أقدار بصوة أبنه

 

 

 

 

[معلومات العضو الهيلاني]

السلام عليكم ورحمة الله وبركاته



الأخ العزيز ( يحيى الودعاني ) بيض الله وجهك والله لا يهينك على هالمقال الطيب ، ولكن في جعبتي أسئلة بودي أنك تجاوبها أن أستطعت أو أحد الأعضاء ألا وهي :-


1- الشاعر ( رحمة الله عليه ) من - الرقبان - الدواسر ؟؟ من هم الرقبان والا من يرجعون ؟؟؟
2- الشاعر ( رحمة الله عليه ) هو أمير المعشبة ؟؟ هل هي هجرة أم ماذا وأين تقع ومن هم أهلها وسكانها ؟؟



تقبل تحياتي ،،،




أخوك :- الهيلاني .

 

 

 

 

[معلومات العضو الفارس]

لاهنت يايحي الودعاني عل العلوم الغانمه

وبيض الله وجهك وما قصرت

اخوك:

.............. . الفارس . ..............

 

 

 

 

[معلومات العضو محمد البدراني]

السلام عليكم ورحمة الله وبركاته :
مشكووور اخوي على هالمووضوع المميز وهالقصيدة وشكراا

 

 

 

 

[معلومات العضو يحيى الودعاني]

ياهلا بالجميع شرفتونا .

أخوي الهيلاني ، بنسبه للرقبان ولمن يرجعون ، علمي علمك ، ( أنهم من الرقبان الدواسر ، هذا كلام الشرهان )

أما المعشبه فهي في سدير ، بس مادري في أي جهات سدير ، ولا من هم أهلها . ( المعلومات الي عندي من اولده في شريط أقدار والشرهان جلسه )

 

 

 

 

[معلومات العضو نايف]

لاهنت يايحيى على المشاركه الجميله

تقبل تحياتي ,,,

 

 

 

 

[معلومات العضو تركي ال فنيس]

يمكن الشرهان يقصد الرجبان < الرقبان>

 

 

 

 

[معلومات العضو الجوهره]

لا هنت والله أخوي يحي الودعاني على المشاركات المتميزه كالعاده...

النادره

 

 

 

 

[معلومات العضو الهيلاني]

السلام عليكم ورحمة الله وبركاته




الأخ العزيز ( يحيى الودعاني ) الله لا يهينك على التوضيح .

الأخ العزيز ( تركي الودعاني ) كلامك هو الأقرب للحقيقة وقد يكون هو الصحيح ، الله لا يهينك على الأضافة الطيبة .



تقبلوا تحياتي ،،،




أخوكم :- الهيلاني .

 

 

 

 

[معلومات العضو يحيى الودعاني]

ياهلا بخوي نايف ، شرفت الصفحه .
حياك الله اخوي تركي، الله العالم أن كلامك هوالصحيح .
تسلمين أختي النادره لاهنتي ينشميه .

 

 

 

 

[معلومات العضو GالرجبانيG]

المشاركة الأصلية كتبت بواسطة الهيلاني

السلام عليكم ورحمة الله وبركاته



الأخ العزيز ( يحيى الودعاني ) بيض الله وجهك والله لا يهينك على هالمقال الطيب ، ولكن في جعبتي أسئلة بودي أنك تجاوبها أن أستطعت أو أحد الأعضاء ألا وهي :-


1- الشاعر ( رحمة الله عليه ) من - الرقبان - الدواسر ؟؟ من هم الرقبان والا من يرجعون ؟؟؟
2- الشاعر ( رحمة الله عليه ) هو أمير المعشبة ؟؟ هل هي هجرة أم ماذا وأين تقع ومن هم أهلها وسكانها ؟؟



تقبل تحياتي ،،،




أخوك :- الهيلاني .

اخي الغالي يحيى الودعاني اشكرك على نقل قصيده العم سعد رحمة الله عليه
وعندي تعقيب على كلامك وهو غلط في نطق اسم الفخذ وهو الرجبان وليس الرقبان
ونحن من منطقة سدير وتحديد المعشبه واما بنسبه لشرهان فهو حظيري مايدري عن القبائل الا الشي البسيط مع العلم انه قام بزيارتنا بالديره ويعرف اعيانها وقبلتهم تسلم يالغالي
وانا من احد فراد هذه العائله
اخوك
خالد بن احمد بن سريع بن سليمان الرجباني الدوسري
معشبة سدير

 

 

 

 

[معلومات العضو يحيى الودعاني]

حياك الله أخوي الرجباني