قصه وقصيده لمبارك بن فايز البخيت السبيعي

[معلومات العضو سيف تغلب الدوسري]

السلام عليكم ورحمة الله وبركاته
قصة هذه القصيدة كان الشاعر مبارك فايز البخيت السبيعي في منطقة بحرة محافظة جدة عام 1395هـ وكان بيته مفتوح لجماعته وجميع من يقصده ، وفي احد الايام سير عليه مسايير من جيرانه وقاموا ينصحونه عند الكرم وكان يسوي لهم القهوة على النار ودق البهار في النجر وهوجس من كلامهم وبدل ما يحط البهار في الدلة حطه في البراد فانتبه له بعضهم فقال علامك يالبخيت عسى ما شر هل انت هوجست قال نعم .
قال الشاعر / مبارك فايز البخيت :ـ

سجه مع الهاجوس طبيعة لي
طبيعة باموت ماجزت عنها
أشكي على الخلاق وأرفع له إيدي
لا كثرت الأفكار يفك منها
أما الكرم قد فاز به حاتم الطي
حتى الفرس من شان ضيفة طعنها
خلوني أكرم في حياتي و أنا حي
و لا مت مدري جثتي من دفنها
خلفت في الدنيا و انا ما معي شي
و بروح منها ما معي شي منها
مسكي يااللي تحسب الواجد شوي
و العافية لو تنشري وش ثمنها
يا جاهل الدنيا ترا هي كم الفي
يا مخبل اللي في حياته ومنها
إن ناحرتلك قامت تروح و تجي
مثل الذلول اللي طويل رسنها
و أن دبرت خلتك طايح و مرمي
و كم واحد له حاجة ما ضمنها
لا بد ما نرحل عن المزح و الغي
و نسكن بيوت قبلنا من سكنها
النفس مثل الغصن عايش على الري
و لولاه كل الناس عافت وطنها
يا الله عسى الحسنات تقضي على السي
لا قربوا للنفس ذرعة كفنها

 

 

 

 

[معلومات العضو راشد المسعري]

أررحب ياسيف تغلب

دايماً تنقل لنا المميز

وصح لسان البخيّت

وإن كانت القصيدة حصل فيها لبس واختلاف كبير بين الشاعر مفرج المشعبي السبيعي ومبارك البخيّت المحمدي السبيعي

وقد استضافهم الشاعر نايف بن مسرع في برنامجه رواد واحفاد كلا منهم في منزله وفي منطقة مختلفة (موجودة في اليوتيوب) لمعرفة حقيقة البيتين من هذه القصيدة.

وقد قامت قبيلة سبيع بعد هذ البرنامج بتشكيل لجنة من كبار سبيع ومن كبار شعرائها وطلبوا من الشاعرين الحلف على كتاب الله فقام مبارك البخيّت المحمدي برفض الحلف وقال والله ما احلف على بيتين وإن كان مفرج بيحلف فيستاهل البيتين واللي اغلى منها.

وحلف مفرج المشعبي على المصحف بأن الأبيات له وخاصة البيتين مكان الإختلاف .

وسجلت النتيجة لصالح المشعبي وتعتبر انتهت بعد هذا الإجتماع .

ولا زال كثير من الناقدين والمتابعين للشاعرين يقولون أنها للبخيّت

واسمحلي على الإطالة ،،،،

 

 

 

 

[معلومات العضو شافي بن راشد النتيفات]

يعطيك الف عافية على هذا الطرح الرائع والمميز

 

 

 

 

[معلومات العضو سيف تغلب الدوسري]

المشاركة الأصلية كتبت بواسطة راشد المسعري

أررحب ياسيف تغلب

دايماً تنقل لنا المميز

وصح لسان البخيّت

وإن كانت القصيدة حصل فيها لبس واختلاف كبير بين الشاعر مفرج المشعبي السبيعي ومبارك البخيّت المحمدي السبيعي

وقد استضافهم الشاعر نايف بن مسرع في برنامجه رواد واحفاد كلا منهم في منزله وفي منطقة مختلفة (موجودة في اليوتيوب) لمعرفة حقيقة البيتين من هذه القصيدة.

وقد قامت قبيلة سبيع بعد هذ البرنامج بتشكيل لجنة من كبار سبيع ومن كبار شعرائها وطلبوا من الشاعرين الحلف على كتاب الله فقام مبارك البخيّت المحمدي برفض الحلف وقال والله ما احلف على بيتين وإن كان مفرج بيحلف فيستاهل البيتين واللي اغلى منها.

وحلف مفرج المشعبي على المصحف بأن الأبيات له وخاصة البيتين مكان الإختلاف .

وسجلت النتيجة لصالح المشعبي وتعتبر انتهت بعد هذا الإجتماع .

ولا زال كثير من الناقدين والمتابعين للشاعرين يقولون أنها للبخيّت

واسمحلي على الإطالة ،،،،

بيض الله وجهك يابو محسن واثرائك للموضوع اضاف عليه الجمال والمصداقيه لهذا الصرح الكبير منتدى الدواسر
اشكرك طال عمرك وبيض الله جهك

 

 

 

 

[معلومات العضو سيف تغلب الدوسري]

المشاركة الأصلية كتبت بواسطة شافي بن راشد النتيفات

يعطيك الف عافية على هذا الطرح الرائع والمميز

الله يعافيك ونتشرف بالمطاليق الي مثلك وشراوك

 

 

 

 

[معلومات العضو نآصر البدراني]

انا سمعتها من مفرج المشعبي


بيض الله وجهك أخوي سيف تغلب ولاهنت


ولاهان ابو محسن على الإضافه الثمينه ..