(( العبــره )) ..

[معلومات العضو برقن سرى]

(( العبــره )) ..

ــــــــــــــــــــــــــــــــــ


أنا ماني اكبر منك لكنـي اخبـر منـك
وفرق العمر لاشي مع فـارق الخبـرة
يجي يوم تطلب فزعتي فيه غصبا عنك
وادلك على المخرج واعلمـك بالدبـرة
تعلم تغانم فرصـة الوقـت اذا مكّنـك
وكن في حياتك معتبـر لاتكـن عبـرة
واذا كنت تجهل من تكون اختبر معدنك
كفيل الزمان انه يبيّـن مـدى صبـره
على شان تعرف تحتقر شخص ماثمنك
وتثبت لمن يفخر بك انك علـى خبـره
لو انك تصديت لهوى النفس ماوطنـك
على الاتكال وضيعـة الحـال والثبـرة
فكـم ميـتٍ ودك لـو مكفنـه كفنـك
وكم حي ودك تذبحـه وتحفـر قبـره
والانسان لو كفه بطاقة وجيبـه بنـك
على جرته فـالارض مايلتقـي شبـره
لاترقب سعة غيرك تجد حالتك في ضنك
لو انك بقصر تشوفه اضيق من الابرة
تندم على مـا فـات لكـن لايحزنـك
الانسان ماتغسـل قـذا عينـه العبـرة ,,


منقووول

كلمااات

الشاعر القدير

ابراهيم الشيخي

آرجوا و آن تكون حازت على رضاااكم

تحياااااتي
ــــــــــــــــــــــــــــــــــ

 

 

 

 

[معلومات العضو سالم الخضراني]

ابداااااااااااااااع

لاهنت على النقل


تحياتي

 

 

 

 

[معلومات العضو شافي بن راشد النتيفات]

لاهنت على النقل الرائع

 

 

 

 

[معلومات العضو بطل]

صح الله السان الشيحي شاعر محاوره وشاعر نظم
ومشكور يابرقن سرا علي المقل

 

 

 

 

[معلومات العضو مبارك بن شافي النتيفات]

صح لسانه ولسانك ولاهنت على الجزاله في الاختيار

تحياتي ووافر احترامي

 

 

 

 

[معلومات العضو حبيب بن ناهض]

الاخ القدير

برقن سرى

صح لسان الشاعر ابراهيم الشيخي
وبيض الله وجهك على النقل الرائع ...

لك فائق اتقدير والاحترام

 

 

 

 

[معلومات العضو كاسر من الدواسر]

مشكوووووور والله يعطيك الف عافيه برقن سرى