موج .. القصيده

[معلومات العضو مبارك العمور]

الموج يلطم والسفينه .. على الجال
انا البحر والصدر .. موج القصيده




من لا يحسب .... للمعاني والامثال
يموت ماذاق ... الحياة السعيده




واللي يحط لكلمة الناس مدخال
عقب المجله .. تستلمه الجريده




ومن لا يحط بقمة ..المجد منزال
حتيش لو الراجحي .. في رصيده




الموقف اللي يشغل.. الفكر والبال
موقف عضيدن ماوقف مع عضيده




ياهيه لا تنزل على البير بحبال
الا انت كفو" .. للامور الشديده




لا تحسب ان المرجله لعبة عيال
المرجله ماتاخذ الا الوليده




تكرم عن وجيه السفاهه والانذال
ومال العنيد الى النفوس العنيده




ماكل من يلبس له شماغ وعقال
تنمد له كف اليمين الحميده




شخص" تمده بشقر البن فنجال
وشخص" افراقه نوم عينك وعيده




واللي يحسب ان الشكاله بالاموال
لا مات ماقلنا خسرنا فقيده



مايحتمل للحمل يوم الحمل مال
الا ولد عود" .. فعوله مجيده




في ذا الحياه أجيال واعمار وأجال
بيدين من نفخر .. وحنا عبيده



نعيش فالدنيا على حلم وأمال
والله يجنبنا .. الحياة الزهيده




والشايب اللي ورث اعمال وعيال
وموته على التوحيد واهل العقيده





يالله عسى قبره تحت ظل وظلال
وروضه من رياض الجنان الفريده



وسلامتكم



مبارك العمور


.
.
.
.
.
.
.
.
.
.
.
.
.
.
.
.
..
.
.
.
.
.
.

 

 

 

 

[معلومات العضو شافي بن راشد النتيفات]

ماكل من يلبس له شماغ وعقال تنمد له كف اليمين الحميده شخص" تمده بشقر البن فنجال وشخص" افراقه نوم عينك وعيده واللي يحسب ان الشكاله بالاموال لا مات ماقلنا خسرنا فقيده مايحتمل للحمل يوم الحمل مال الا ولد عود" .. فعوله مجيده قلت واجدت وشهادتي فيك يمبارك مجروحة صح الله لسانك ملايين ابيات من ذهب والحق ينقال وانا من المعجبين باسلوبك الشعري

 

 

 

 

[معلومات العضو مبارك العمور]

صح بدنك يابو راشد


يسعدني حضورك وشهاده اعتز فيها من شخص له مكانه بين ربعه والجماعه


اخوك

مبارك

 

 

 

 

[معلومات العضو مبارك بن شافي النتيفات]

صد لسانك واعتلى شانك على هذه الراااائعة

تقبل مروري ولاتحرمنا جديدك

تحياتي وتقديري

 

 

 

 

[معلومات العضو مبارك العمور]

مبارك بن شافي


صح بدنك وحضورك يسعدني وابشر بالجديد راح يكون هنا ...

 

 

 

 

[معلومات العضو سالم بن صمهود]

شخص" تمده بشقر البن فنجال
وشخص" افراقه نوم عينك وعيده


الشاعر
مبارك العمور
صح الله لسانك وسلمت بنانك على حسن بيانك

 

 

 

 

[معلومات العضو سالم بن صمهود]

شخص" تمده بشقر البن فنجال
وشخص" افراقه نوم عينك وعيده

الشاعر مبارك العمور
صح الله لسانك وسلم الله بنانك على حسن بيانك