قصة الملك عبدالعزيز وفتاة تزوجها !!

[معلومات العضو ابكي واجامل]

السلام عليكم ورحمة الله وبركاته :

هذي سلمكم الله سالفة عن الملك عبدالعزيز الله يرحمه يرويها الشاعر
والراوية / محماس بن علي آل ربيّع المخاريم الدوسري عن أبيه :


من سوالف الملك عبدالعزيز اللي حصلتها مع الشايب الله يرحمه
أنه خطب له فتاة وتزوجها وبعد ما أخذت معه مدة كأن الملك عبدالعزيز
نظر أنها غير مرتاحة فقال لها وش علمك يامرة ؟
قالت: ياعبدالعزيز بيني وبين ولد عمي عهد أنه
مايعرف إلا انا وانا ماعرف إلا اهو لكن انت خطبتني من اهلي
وانت عبدالعزيز واسمك يرفع العرب مايطمنها وجوزوني أياك اهلي ،
قال: طيب العلم عندي
ويقوم يخليها لين اكتملت عدتها واحتسبت ثلاث شهور
ويوم ربعوا اهلها سيرو اهلها على الملك عبدالعزيز يسلمون عليه
وخميتهم جنب خيمته
وقام وسألهم وين فلان ؟ (يقصد ولد عمها)
قالوا موجود : قال إنا نبيه يساعدنا بكرة عندنا شديد ومعنا سيارة مالها سواق
قالوا: مايخالف ،
ويوم جاء الرجال وتحدثوا وسروا كلهم إلا هو عشان الملك يبيه
: قام الملك وسأله قال يافلان: أنت بينك وبين فلانة عهد !!!
قال : ياطويل العمر ماعاد به شي حتى لو إنه كان ،
عقب زواجها منك ماعاد لنا نظر وانت زواجك يرفع روسنا ويشرفنا ،
قال عبدالعزيز: تراني طلقتها وهذا الشيخ فلان بيملكك إياها وتراها مستعدة
وانا مادعيتك عشان تساعدنا ، انا دعيتك عشان تاخذ مرتك
وترى الونيت اللي قدامنا لاشدينا لك ادخل على مرتك وخذها ،

ويوم أصبحوا شد عبدالعزيز وقال قصيدة من ضمنها هذه الأبيات:







لو إن مابـي وزى بطويـق وهضابـه
كان أصبح طويق هو والروض متساوي
لـو إن ربعـه وزى بخشـوم حطابـه
كان أصبحت عثعث ٍ يرعابـه الشـاوي
يامـل قلـبٍ غليـط الهـم يرعـابـه
غمقٍ صوابه ولابه مـن حـدن يـاوي
يامدمج الساق نعطـي الحـق طلابـه
وحنا ترانا علـى المقفيـن مـا نـاوي




وسلامتكم

 

 

 

 

[معلومات العضو محمد بن حمد الشكرة]

الله لايهينك ياابكي واجامل على النقل المميز بإنتظار مواضيعك القيمة والمفيدة

 

 

 

 

[معلومات العضو الهاج ـري]

الله يعطيك العافيه على القصه والقصيد الطيب ولاهنت

 

 

 

 

[معلومات العضو مبارك بن شافي النتيفات]

الله يعطيك العافية على النقل الجميل

تحياتي وتقديري

 

 

 

 

[معلومات العضو وريث المراجل]

الله يعطيك العافيه على القصه والقصيد الطيب ولاهنت

 

 

 

 

[معلومات العضو برق الدواسر]

الله يعطيك العافيه على القصه والقصيد الطيب ولاهنت

 

 

 

 

[معلومات العضو راشد المسعري]

أرحب اخوي ابكي واجامل

قصة رائعة وكان السبق في نشرها على مستوى المنتديات وغيرها وهو هذا المنتدى

حيث ذكرها لنا المرحوم محماس بن علي آل ربيّع المخاريم في لقاء سابق له مع المنتدى

لاهنت ولك ودي وتقديري ،،،،

 

 

 

 

[معلومات العضو فهد المقابله]

الله يعطيك العافيه على القصه والقصيد الطيب ولاهنت

 

 

 

 

[معلومات العضو نآصر البدراني]

لاهنت على ايراد القصه والقصيدة وعافاك الله ..

 

 

 

 

[معلومات العضو ابوذعار]

هاذي القصه تدل على شيمت الملك عبد العزيز
وكرمه وشهامته رحمة الله عليه
وكذالك طيب اهل الفتاه وولد عمها ووفاهم للملك
عبد العزيز رحمت الله على الجميع
مشكوريا ابكي وجامل

 

 

 

 

[معلومات العضو شافي بن راشد النتيفات]

الله الله على الشيمة والحكمة والحنكة من الملك عبدالعزيز رحمه الله لاهنت على طرح هذه القصة الرائعة

 

 

 

 

[معلومات العضو محمد راشد النتيفات]

الله يعطيك العافيه على القصه والقصيد الطيب ولاهنت