لي بنت عم ماوطت درب الأدناس

[معلومات العضو راشد المسعري]

في يوم من الأيام كان سعد قد شك فى زوجتة بخيانتة بسبب أقوال كاذبة من نساء عشيرتة المهم أنه تسرع وطلق زوجته وندم سعد على تسرعه بالطلاق وفي يوم من الأيام وهو يتمشى في البريه مر على مكان كان قد نزله هو وزوجته ولقى بهالمكان شي من شعرها وتذكر الرجل هذه المرأه الطيبه والعشره اللي كانت بينهم وقال هذه الأبيات التي لم ينسى أن يذكر بها شرف هذه المرأه حيث قال

نوخت سمحه فوق مزموم الأطعاس=أرمي نظر عيني علـى قـد ظـــــنـي
جيت المراح وشفت به مشعة الراس=وذكر علي جروحي اللـــــي مضنـي
شفت الثلاث اللي على الدار جلاس=أبـا الخبــــــر منهـن ولا خبـــــرنـي
يا راكـب ثنتيـن يشـدن الأقــــواس=من عند رمـان الحمـر درهــــمنـي
ما فوقها إلا الكور والخرج بقيـاس=وسفايـف بيـــــــن أربعـة يلعبـنـي
لي بنت عم ما وطت درب الأدناس=يـوم إن خطـوات النسـاء يدنسنـي
شتمتها يوم أحسب الشتـم نومـاس=وطلتقتها يوم أفخـت العقـل منـي
لو ينشكي حبه على طيـر قرنـاس=يضحي الضحا في ماقعه مستكنـي
ولو ينشكي حبه لعجلات الأمـراس=تنفر عـن الحيــــــران مـا يرزمنـي
ولو ينشكي حبه على قب الأفـراس=عيـن نهـار الكــــــون لا يطردنـي

والمراد ( بسمحه هي ناقته ) وبعدما وصلت هذه الأبيات لعمه أبو زوجته الأولى واسمه هليل بن عيظه المطرفي جاوبه بهذه الابيات :-

قولوا لابن مشعل خذ الهرج بقياس=ذي عـــــــــادة الأيــام لا دبـــــــرنـي
اللي معه ميز ونامـوس بالـراس=يقدم لأهل عوص النضا كل فنـي
ويحط له بـن وهيـل ومحمـاس=ودلال في حـد الوريثـه ايجنـي
وحياة جلاب المطر رازق النـاس=يا فيك نيات الـردا مـا طــــــرنـي
لكن ما أبغا اللمس في خاتم الماس=حيث إن فنـك مـا يبــــــاعـد لفنـي

 

 

 

 

[معلومات العضو سالم الخضراني]

لاهنت يابو محسن الله يعطيك العافيه على النقل المميز قصه وقصيده حزينه ومميزه


تحيااتي يابومحسن

 

 

 

 

[معلومات العضو فهد المقابله]

لاهنت يابو محسن الله يعطيك العافيه على النقل المميز


تحيااتي يابومحسن

 

 

 

 

[معلومات العضو عبدالرحمن بن فلاح آل بريك]

قصه وقصيده رائعه شكراً لك أبو محسن على نقلها لنا.

 

 

 

 

[معلومات العضو راشد المسعري]

سالم الخضراني

فهــد المقابلة

عبدالرحمن ال بريك


حياكم الله والساعة المباركة مروركم ، تو مانور الموضوع

تقبلو ودي وتقديري ،،،

 

 

 

 

[معلومات العضو مبارك بن شافي النتيفات]

لاهنت يابو محسن الله يعطيك العافيه على النقل المميز


تحيااتي