مأساة طفله

[معلومات العضو راشد المسعري]

هذه حالة شعورية تمثل مأساة طفلة عاشت مع أمها المطلقة تحلم بأب حنون وتفاجأ بقلب من حجر .. لم يذكرها إلا وقت الزواج والطمع في المهر:



في طقة الباب يفرح قلبي وعيني .. أركض عليه أحسبك يا ابوي طقيته ..
سبعة عشر عام تاركني وناسيني .. يا كبر ذنبك على بنتك وسويته ..
ضاع الأمل بك ومن غيرك يسليني .. مير الله أقوى على اللي منك عانيته ..
في ضحك الأطفال تحرقني وتكويني .. حيثك بعيد وغيري اليوم حبيته ..
طول الدهر عفتني واليوم ترجيني .. عشان طاري المهر يا شين ما جيته ..
أبيك ضد الزمن ساعة تبكيني .. وابيك تمسح سحايب دمع هليته ..
لين أقبل العيد ما ألقى من يهنيني .. غير أمي اللي تحس بهم أخفيته ..
يا أبوي نظرة غلا ما هيب ترويني .. إن ما حصل بالعمر قربك وحسيته ..
لو أني يتيمة لقيت اللي يعزيني .. وأنساك يا من ضويت الشمع وأطفيته ..
مصيبة أني شعر وجهك وترميني .. في ظل رحمة غريب صرت في بيته ..

 

 

 

 

[معلومات العضو راشد المسعري]

طبعاً القصيدة للشاعر المعروف سعد الخريجي

 

 

 

 

[معلومات العضو برق الدواسر]

صح اللسان من قالها ومشكور على النقل

 

 

 

 

[معلومات العضو مبارك بن شافي النتيفات]

حقيقة هي مأساة متكررة

وفي غياب الضمير تصبح مثل هذه القصة مقبولة عند البعض

لعل صوت هذه الطفلة يصل الى الضمائر التي باعت فلذات اكبادها

تقبل ودي وتقديري

 

 

 

 

[معلومات العضو الــخــضــرانــي]

فعلن

مأساة

لعل هذه القصيدة

تحيي القلوب الميته

يعطيك العافيه على الموضوع الرائع

تحياتي......

 

 

 

 

[معلومات العضو راشد المسعري]

برق الدواسر مبارك شافي النتيفات الخضراني هلا بكم والله وغلا صحت ابدانكم ولاهنتم على الحضور تقبلوا ودي وتقديري ،،،

 

 

 

 

[معلومات العضو شافي بن راشد النتيفات]

صح لساك ولسان سعد الخريجي ولاهنت على النقل