القلب أهل الهوى عزروبه

[معلومات العضو عقاب بن هذال ال بريك]

السلام عليكم ورحمة الله وبركاته

هذه أبيات لشاعر الكبير / خلف بن هذال العتيبي

أتمنى أن ترتقي لذائقتكم ,,,,,,,,,,

القلب أهل الهوى عزروبه =كنه يقطع بحدب الجنـابي
سابح ونبضه على الدم دوبه =كم ليلة(ن) في منامي سرابي
شفت المذله وذقت العقـوبه =تطلع علي الشمس ما يندرابي
كني على الباب قضاب نوبه =مالي زميل(ن) يخفف عـذابي
بالكسر كن العظام معصوبه =أخفي عن الناس وأجحد صوابي
ماكن فالحال هم(ن) يلــوبه=ولا كن يجري معي سـم دابي
أخاف من هرج ناس(ن) سعوبه=تسعى بالاكذاب بين الغيـابي
أصون عشقي وأسنع دروبـه =أفتح للاشواق بابه وبــابي
من سبتك يامخضب كعـوبه =تزهى الخواتم وتزهى الخضابي
منك العجايب وفيك العجوبه =عندك عواطف بنطق الجوابي
ياغصن بان(ن) نعم في قلـوبه=متمرجح(ن) بين خضر الـروابي
تلعب به الريح دوبه ودوبه =ما حل في عود جذعه عيابي
ياعين حر لنجد قنصـوبه =له ماكر(ن) في قرون الهضابي
يطرح عشاهم ليا روحـوبه =لو طار بين السماء والسحابي
ياعنق ريم (ن) ربى في خبـوبه=يجفل ليا اوحى حنين الركابي
يتبع وسوم الحيا واعتـروبه =قوم (ن) بقطع الخلا ما تهـابي
لكن يا غايبين ارجعـوبه=هاتوا حبيبي ترى القلب ذابي
وامشو على مهلكم وارفقوبه=وادروا بخاطر غضيض الشبابي

دمتم بود ,,

 

 

 

 

[معلومات العضو شافي بن راشد النتيفات]

بيض الله وجهك على النقل المميز
وصح لسان الشاعر الكبير خلف العتيبي

 

 

 

 

[معلومات العضو بتار المسعري]

لاهنت ياعقاب على النقل وصح اللسان الشاعر خلف بن هذال