خلف مشعان: يدافع عن الشيحي والعريفي

[معلومات العضو الكاتم]

كثرو في الفترة الأخيرة (الله لا يكثرهم) من ينادي بتحرير المرأة وكان اجتماع المثقفين قبل اسبوعين في احد الفنادق في الرياض قد بين لنا المقصد الحقيقي مما يدعون له هؤلاء الأغبياء ولعل الصورة اعلاه تبين بعض مايريدون.

الشاعر خلف مشعان العنزي كان له قصيده ثناء على الكاتب الشيحي الذي كشف الاعيبهم عبر صفحته في تويتر اترككم مع ابيات خلف المشعان:


ياصالح الشيحي .. صدى جزرك المد

مني ومن كل الوجيه السفيره ..!!





سلام ند .. لمن يبي يصير لك ند ..!!

الحق يظهر دام ربك .. نصيره .!!





تغريدتك ياصاحبي ماتبي رد

كسرٍ يبيله في وطنا .. جبيره ...!!





كان الثقافة مسكة اليد باليد ...!!

سلم على الاعلام واشكر وزيره ..!!





شف كيف عبدو خال مع مايس القد

منصت لها يوم انها تستشيره ..!!





حنا فقارى فهم .. وافكارنا سد

تمنع هدير السيل وسط الجزيره ..!!





مادام حاضرها كذا وشهو الغد

ماعاد باقي غير وسكي وبيره ..!!





لو المحبه للوطن عندهم جد

ماكان ضجوا من قلمك وصريره ..!!





ماكل هجمه بعض الاحيان ترتد

ولاكل مرتده .. تسمى خطيره ..!!





تغريدة الشيحي مثل صفعة الخد

لاهل الفراغ مثقفين ، الحضيره ..!!





ثقافة الترقيم والجذب / والشد..!!

تعني .. وطنا .. مابقى فيه غيره ...!!





اما يحط .. لمن يروّج لها .. حد ...!!

والا جحا اْولى باللحم من قصيره ..!!



:

:



مخرج :






ياآل زلفه من عرفناك بالخير

تهرج عن النسوان شتوي وصيفي



مامن ورى فكرك ثقافه وتطوير

خل العريفي .. مانت قد العريفي

 

 

 

 

[معلومات العضو برق الدواسر]

مشكور والله يعطيك الف عافيه على الموضوع

 

 

 

 

[معلومات العضو مبارك بن شافي النتيفات]

جزل ي الكاتم ولا تجيب الا جزل

صح لسانك ولسانه والله لايهينك على النقل الراااااااااااااااااااااائع

تحياتي ووافر احترامي

 

 

 

 

[معلومات العضو الكاتم]

مرحبا فيكم ولاهنتم