على درب الغرام وقسوة الاحباب للاحباب للشاعر المبدع/سلطان بن معجب الشكرة الدوسري

[معلومات العضو محمد بن حمد الشكرة]

بسم الله الرحمن الرحيم السلام عليكم ورحمة الله وبركاته صباح/مساء الخير للجميع اقدم لكم هذه الرائعة للشاعر المبدع والجزل/سلطان بن معجب الشكرة الدوسري على درب الغرام وقسوة الاحباب للاحباب طريقٍ صاح قلبي من عناه ومن مشاويره على جاله نحرت الياس وأستقت لمداه ركاب ... هقيته خيرٍ لا جاله الضامي ورد بيره قبل لا أدري بأن الحظ عاثر والزمن غلاب قبل لا الهجر في وجه القصيد يبين تأثيره قبل لا ادري بأن الادمي مهما بذل لسباب ما وفته الضروف اللي يبيها حسب تفكيره قبل لا تفقد عيوني عيونٍ سحرها جذاب على لدة نظر ياليتها لاولى والاخيره على وحي الطبيعه نظرةٍ وحده بعدها غاب وعلى وحي الخيال يبذ قلبي في مساييره حمار الورد وأضواء الشموع وطلة العناب لها في مملكة حسنه كذا ملك وكذا سيره لو أن الورد بينه ثار ومنافس حكم وحساب غزاه الورد كله من دواعي الحقد والغيره يخاف الورد من سم الذبول أن زاد عمر أنصاب وهذا كل مازادت سنينه زاد تعطيره الا يا أمنية روحي والا ياحلمي الكذاب يا أبها روح مجنون القصيد ويا أغاديره تساوت من حلاك رقاب وطاحت من جفاك رقاب وانا كل ما تمايل راسي ازهم يالله الخيره زهمت ولا سلمت من البطى اللي يحرق الاعصاب يدين الهجر طالتني وهزتني اعاصيره يقولون الجفا برد وجروحي ما عليها ثياب أبستر جرحي بيديني لو يديني مساميره ويقولون العرب بن الضعيف ليا انجرح ما طاب ملامح ضعفه اللي تفضحه دمعه وتزفيره وانا ما طاح بي كسري ابضحك لك وانا منصاب واكافح ضيقة انفاسي بتهليله وتكبيره لصار ان الكرامه بيننا هم وجفا وعتاب ابستاذن فمان الله واترك شره وخيره له الايام تثبت حجت المطلوب والطلاب تبين حل لغزٍ مت من تلميح تفسيره لابد من الليالي ليل عن ظلم الخليقه تاب قبل لا مغربه تكتظ بغصونه عصافيره يعلمها بأن الحب سمٍ بالجسم لاانساب تداعاله جميع اعضاه بوجاعه وتسهيره يالين رموشها تسجد من الضيقه على الاهداب وتنزل بينها دمعه من الغلطات تكفيره لا خانتها العزوم تطيح بين الهم وسم الداب تجي تبغا وطن مثلي ولا تلقى لها ديره تلاقيني على رف السنين الماضيات كتاب وحقوق الحفظ للي حط في صدري تعابيره تحياتي

 

 

 

 

[معلومات العضو مبارك بن شافي النتيفات]

صح لسان الشاعر /سلطان بن معجب الشكرة على هذه الرااائعة

وسلمت يمينك على النقل المميز يابوحمد

تقبل مروري

 

 

 

 

[معلومات العضو شافي بن راشد النتيفات]

صح لسان الشاعر /سلطان بن معجب الشكرة على هذه الرااائعة

وسلمت يمينك على النقل المميز يابوحمد

 

 

 

 

[معلومات العضو محمد بن حمد الشكرة]

الله لايهينك يابو شافي على المرور الرائع والمشاركة الطيبة تقديري..

 

 

 

 

[معلومات العضو راشد المسعري]

هلا يابو حمـــــــد

صح لسانك ولسان المبدع سلطان بن معجب

قصيده رائعه بروعه سلطان

ننتظر جديدك أنت وسلطان

ولك ودي وتقديري ،،،،،

 

 

 

 

[معلومات العضو سالم الخضراني]

صح الله لسان الشاعر سلطان بن معجب

ولاهنت يابو حمد على النقل الطيب

تحياااااااااااااااتي

 

 

 

 

[معلومات العضو محمد بن حمد الشكرة]

الله لايهينك يابو محسن على المرور الرائع والمشاركة الطيبة تقديري..

 

 

 

 

[معلومات العضو محمد بن حمد الشكرة]

الله لايهينك يابو شافي على المرور الرائع والمشاركة الطيبة تقديري..