(شيخ المطاليق)

[معلومات العضو حسن بن بطحيه]

السلام عليكم ورحمة الله... صرحنا الكبير وواجهة حضارتنا وتاريخنا المجيد منتدا الدواسر الرسمي بحكم كثرة الدعوات في مناسبات الربع وهي ماتسبب احراج كبير لي او اي شاعر تعدى مرحلة البدايات ولكن حفل هذا الرجل كان مختلف جدا والحمدالله اني حضرت مع كثيرمن الشعراء وشاركت بهذه القصيده..

ذا اليل ياراس الشعر والطوارق=ماهيب لحية قاف حيالله ايقال
لاوالله الاليل نبض المعاليق= واعلان فجر الحرف ومعانق اهلال
في حفل ابن راكان شيخ المطاليق=استمطر غيوم القوافي وتنهال
واستحضر اسلوب البلاغه بماليق= واعيد عصر البحتري والسمؤال
طنخة طرب تجتاح حدب مغاليق=مضمونها الترحيب في حضرة ارجال
باسم الكريم اسعيد ختم وتصديق=اعدها وامدها مد فنجال
الاوله بعمها دون تفريق=للحفل وحضوره من كبار وعيال
والثانيه مني الى دون تعليق=من قال ودعاني على راس ماطال
ربعي بني عمي حزامي على الضيق=هل سيرة تروى على مر الاجيال
بين القبايل مالحقهم ملاحيق=اهل الشيم واهل المكارم والافعال
في ذمتي مامثلهم بالمخاليق=متفردين الفعل سمحين الاقبال
اهل النوادر بالسنين المعاويق=والروس تقدح بالسطر عز واجلال
ارداهم اللي شال حمله مواسيق=ويفرق على لجناب عزم وتمرجال
مباعجه لاستحكمت بالمحاليق=في حكمهم تسعه وتسعين حلال
افخربهم وتجي القوافي مسابيق=كنها تبي نلبس من العز سربال
مالومها وغصون حرفي مواريق=غصن هبوب الجود لاهزته مال
حرف على غير المناعير ماسيق=لواسجنه واحط له عشرة اقفال
الا على شيخ وقف كنه اطويق=مقدم طحاطيح الوداعين الابطال
اسعيد ابن راكان قول وتطبيق=ابومبارك وارفع الصوت بالحال
حرا يحلق في سما المجد تحليق=بالطيب غرد خارج السرب واجتال
ياسعيد والدنيا غروب ومشاريق=ومراجلك ماغيبة شمسها احوال
هذي تقدمها وهذي مفاهيق=وهذيك تسبرها على البعد باميال
تسوقها سوق الجماميل للنيق=ماتاقف الا في حجا النايف العال
مراجل ماجات هرج وتلافيق=ولا برز ابشوت وشماغ وعقال
لاوالله الا بحمرين مدافيق=لاكبرت القالات بقفاي واقبال
لو يتجاهلها خبيث التعاميق=الشمس مايحجب سناها بغربال
ياعاشق الذربه غلبت العشاشيق=ثم سجلت باسمك على كرت الاحوال
من دون ربعك وافي بالمواثيق=بالجاه والوقفه وبالروح والمال
تفور من طنخة حميتك اباريق=ويفوح من صالي وحمها بك ادلال
صميدع صنديد سقم المطافيق=من هيبتك عدوانك ايصيبها اجفال
متشرب كاس الشجاعه على الريق=ومصعط طب النعاره على الفال
الساس طيب والهقاوي شواهيق=ان جات جد وعم ولابعد خال
همشت ذكر الحاتمي بالمعاتيق=وبسطت يمنا بالكرم مدها اجزال
ملاذمن يشكي زمان التصافيق=وشاف الجفا بعيون صاحب وعذال
يجيك وعيونه بدمعه غواريق=ويروح منك وهم الايام قد زال
النعم مايأتي بحظ وتوافيق=الالمن يشريه بجنيه وريال
ماهي تجارة بامجلي وبادريق=تموت ماطالت من النعم مثقال
ياسعيد لوانك على صدري اتويق=لقيت من صدق الثنا يازن اجبال
لكن ابختم مشرعات الصناديق=على اول علومي ويبقى لها تال

 

 

 

 

[معلومات العضو عبدالرحمن بن فلاح آل بريك]

اللهم صلي على محمد .

صح لسانك يا طويل العمر على الأبيات الرائعه .

ولا تحرمنا جديدك .

 

 

 

 

[معلومات العضو راشد المسعري]

متشرب كاس الشجاعه على الريـق..ومصعط طب النعـاره علـى الفـال

والله ياحسن اني احترت وش اعلق عليه من ابيات القصيدة لجمالها كلها دون استثناء

ولكن مدري وشفيني و قفت عند ذالبيت المميز واللي قيل في شخص كفو وهو الشيخ سعيد بن راكان

لله درك ياحسن دائما تأتي بالجديد وتعسف القاف العنيد وهذي عوايدك يالوحيد

صح لسانك مرة اخرى وبيض الله وجهك على القصيده اللي تشوّش

تقبل ودي وتقديري ،،،،

 

 

 

 

[معلومات العضو حسن بن بطحيه]

لاهنت ياعبدرحمن على المرور المعتاد ومشكووووووووور يالقرم
دمت بالف خير....

 

 

 

 

[معلومات العضو حسن بن بطحيه]

اقتباس:
متشرب كاس الشجاعه على الريـق..ومصعط طب النعـاره علـى الفـال

والله ياحسن اني احترت وش اعلق عليه من ابيات القصيدة لجمالها كلها دون استثناء

ولكن مدري وشفيني و قفت عند ذالبيت المميز واللي قيل في شخص كفو وهو الشيخ سعيد بن راكان

لله درك ياحسن دائما تأتي بالجديد وتعسف القاف العنيد وهذي عوايدك يالوحيد

صح لسانك مرة اخرى وبيض الله وجهك على القصيده اللي تشوّش

تقبل ودي وتقديري ،،،،


ارحب ياشيخ راشد تراحيب البدو بالمطر..كلامك واطرائك متعودعليه
يابومحسن لذوقك وطيب اخلاقك.. وثانيا ياخوك اشلا مرورك جملت
وكفت ووفت صفحتي اللي قبلك كانت (حدبه)جرداء من العرب
دمت بالف خير ولاهنت..

 

 

 

 

[معلومات العضو يحيى الودعاني]

صح لسانك و عتلا شانك

و النعم بالمادح و الممدوح


لا هنت

 

 

 

 

[معلومات العضو النايفه]

صح لسانك مدد بلا عدد
تحياتي

 

 

 

 

[معلومات العضو بومطلق]

صح الله لسانك ..

 

 

 

 

[معلومات العضو اسد الوادي]

لاهنت يا بن العم الشاعر حسن بن بطحيّه الودعاني
كلمات روعه وصح السانك
وسلمت الأيادي على القصيده الجزله
وفي انتظار ابداعكم



يا حلو الايام لو ترجع على كيفـــــــي
ما كان قلبي شـكى فـرقا مواليفـــــــه
كانـوا بقـربي ولا يحتـاج تكليفـــــــــي
واليوم راحوا ودمعي صعب توقيفـــه

&&&
اخواني واخواتي الشعراء والشاعرات مشاركتكم
في هذا القسم
بالقصائد والخواطر تضفي عليه النور



مع تحيات
اسد الوادي ومحب الريان القطري
مشعل دعثان الودعاني الدوسري