الشولاني يمدح الصخابره

[معلومات العضو دغش محمد الصخابرة]

السلام عليكم ورحمة الله وبركاته

وهذه قصة واحد عجمي يقاله الشولاني ,اسمه الأول مايحضرني ,ويعلمونا شيباننا بقصته
كان نازل عند الدواسر وخصوصآ عند الصخابره من الفرجان , في منطقه هريسان شرق الافلاج
وعندما اراد الذهاب الى ديرته استاذن من الصخابره ورحل عنهم, وكان الرجل بشهادة الشيبان من احسن العرب جيره ومروءة وكرم وشهامه, المهم وهو في طريقه ورد على عد ماء ليسقي ابله فأتاه رجل من القبيلة التي ساكنه على ذلك العد ومنعه من الماء ,فتذكر القبيله التي رحل عنها وحسن جوارهم

ابكي معي يازينة الراس حنزاب = مذعورتن سبحان رب خلقها

كن عينها لاصكو الورد مشهاب = وان صدرت ماقد حي لحقها

ابكي فريق شدو اجناب واصحاب = اللي عليهم دمع عيني حرقها

قصيرهم ماسايفو دونه الباب = إلا اسمان الحيل يعطى شنقها

يالله عسى ابن )رجله الداب = عسى الحنش في عرش رجله نتقها

يشح علي بشبر من الخد واتراب = وان قلت ابي من جغمة الماء دفقها

 

 

 

 

[معلومات العضو مبارك بن شافي النتيفات]

صح لسان العجمي ولاهنت على النقل المميز يابوسعود

تحيااااااااااااااااااااااااااااااااااااااااااااااا اااااااااااااااتي

 

 

 

 

[معلومات العضو راشد المسعري]

قصيرهم ماسايفو دونه الباب = إلا اسمان الحيل يعطى شنقها

كفو بلاد بن صخبور

ولاهيب غريبة عليهم العلوم الطيبه وحسن الجيرة مع الاصحاب والاجناب

وهذي السالفة شبيهه جريس بن جلبان يوم شد من الرجبان بعدما اكرموه

وعطوه من البل ويوم وصل له ديرة ورى الدواسر وجاء بيسقي ابله طلبوا ثمن الماء

يوم قال قصيدته المشهوره والتي منها البيت:
خلها تعوّد دام ثرها جدايد
صوب ال زايد مكرمة من نصاها

إلى آخر الأبيات

عموما لاهنت ياكحيلان على ذكر هذي السالفة الطيبه ، والله يعينك على ذي ومثلها ياكحيلان

تقبل ودي وتقديري،،،،،،

 

 

 

 

[معلومات العضو فهد المقابله]

صح لسانك ولسان العجمي يابو سعود

تحياتي وتقديري

 

 

 

 

[معلومات العضو ابو زابن المسعري]

يستاهلون الصخابره ماقيل فيهم

ومعروف عنهم حسن الجيره الكرم

لاهنت يابو سعود على نقل هذه القصه والقصيده الجميله

 

 

 

 

[معلومات العضو دغش محمد الصخابرة]

المشاركة الأصلية كتبت بواسطة مبارك بن شافي النتيفات

صح لسان العجمي ولاهنت على النقل المميز يابوسعود

تحيااااااااااااااااااااااااااااااااااااااااااااااا اااااااااااااااتي

ومن قال مايهون ,,,وبيض الله وجهك على مرورك الطيب .....

 

 

 

 

[معلومات العضو محمد بن سالم الخضراني]

لاهنت يابومحمد والشولاني عاش مع الخضران فالمقرن ديردة الخضران المعروفه

الان بالعجليه مايقارب 30سنه وله القصيده المشهوره

ماشيب المقرن معي يوم شيبت= هو انثنى غمرن وانا صرت شايب
يامرقب الدنان يامرقبن ثبت= يامرقبن يوم الدهور العجايب

الى اخر القصيده

 

 

 

 

[معلومات العضو شافي بن راشد النتيفات]

كفو بلاد بن صخبور

ولاهيب غريبة عليهم العلوم الطيبه وحسن الجيرة مع الاصحاب والاجناب

 

 

 

 

[معلومات العضو حسن آل بريك]

يستاهلون الصخابره وماقيل فيهم شوي

ومعروفين بالكرم وحسن الجوار

ولاهنت يابو سعود على نقل هذه القصه والقصيده الجميله

 

 

 

 

[معلومات العضو دغش بن حمد بن منصور]

يامرحبا يابو محمد ,,, وبيض الله وجهك على ذكر هذه القصه الطيبه

وبيض الله وجيه بني عمنا على ردودهم الطيبه والفخر واحد

ومثل ماقال ابو محسن الله يعينك على ذي ومثلها

 

 

 

 

[معلومات العضو ابوالوليد الدوسري]

والنعم منهم الصخابره

مشكووووووووووووووووور على

الطرح الرائع ووفقك الباري

 

 

 

 

[معلومات العضو حفيد الأمراء]

كفو والله بلاد صخبور

ولاهنت ياابوسعود على نقل القصة والقصيدة

ولقد اعجبتني اشد الاعجاب

واختتم بهذه الابيات
ابكي فريق شدو اجناب واصحاب = اللي عليهم دمع عيني حرقــها

قصيرهم ماسايفو دونه الــــــباب = إلا اسمان الحيل يعطى شنقها