العطاوي يفدي حبيبته ببن رشيد

[معلومات العضو ابكي واجامل]

السلام عليكم ورحمة الله وبركاته

كلنا يعرف شليويح بن ماعز العطاوي الروقي العتيبي

صاحـــب البيـــت المشهور





يا ناشدٍ عني ترانـي شليويـح
نفسي على قطع الخرايم عزومي





وشليويح العطاوي ،رجل شهم وشجاع نشأ وترعرع على الشجاعة ,

فكانت مهنته وغايته فهو يغزو صيفاً وشتاءً , بالحر والبرد , بالليل والنهار , ولا يهجع أبداً فما أن ينتهي من غزوة

حتى يستعد للثانية حتى شاع صيته وذاع اسمه وسمع به من لا يعرفه وعرفه من لا يراه.ولم تكن له هواية بالحب

والغزل والترفيات ، الا فيه هذه المناسبة حيث انشد في فتاة وقع في حبها:




يا فدى عشيري من عظامه تقلّـه
البدو اللـي يلبسـون الجـزاري
وابن رشيد الشمّري فدوة(ن) لـه
مغدي فراقيـن البـوادي وقـاري
ومن عرض ما يفداه غوج(ن) نتلّه
وقطعاننـا ومثنديـات الصـداري
والشيخ يدمح لـي ثمانيـن زلـه
والاش ماني عـن زرايـاه داري




ولما وصلت هذه الابيات لسمع الامير محمد العبدالله الرشيد((المهاد)) امير حائل المشهور ، قال أفراد حاشيته:

كيف يفدا بك شليويح العطاوي مرأة وأنت حاكم!!؟ ،

فأجابهم ابن رشيد: أخو نوره كيف احـاسب شلويح علي زلّه وحده وطلب مني ثمانين وانا ماني لاش!!

وقصده ما قاله شليويح في بيته الأخير .

ثم تمثل ابن رشيد بهذه الابيات لشليويح العطاوي:





يا واصل مني شليويـح قـل لـه
في سد وجهي من جميع المزاري
لاعاد شيخ وكل عقـد(ن) يحلـه
بالقيظ يتعب حافيـات السمـاري
والله ما ألومـه لا فدانـي بخلـه
حيث ان جار(ن) له من الود جاري
قبله لطيف الـروح حالـي يتلّـه
تل السلـوك المبهمـات الابـاري




وسلامتكم

 

 

 

 

[معلومات العضو مبارك بن شافي النتيفات]

ابكي واجامل

تسلم يمينك على النقل الرااااااقي برقي شخصك الكريم

دمت بهذا التميز والابداع

تحاياي

 

 

 

 

[معلومات العضو فهد المقابله]

ابكي واجامل

تسلم يمينك على النقل الرااااااقي برقي شخصك الكريم

دمت بهذا التميز والابداع

تحاياي

 

 

 

 

[معلومات العضو ابو زابن المسعري]

لاهنت على نقل هذه القصه والقصائد الجميله وبيض الله وجهك

 

 

 

 

[معلومات العضو ابو عمر الشمري]

لاهنت على النقل ياغالي

وهذي قمرا المرهوصة العتيبي بعد تفدا عشيقها ببن رشيد

يامل قلب من هـوى زيـد مطـروق طـرق الحديـد ملـيـن ٍبالضـويـا امسيت قلبي في واصبحـت مسـروق وثـوّرت فـي قلبـي عميـل ٍعـيـا يفدى عشيـري كـل برقاعلـى روق واللـي بعيدالـدار والـلـي هنـيـا ويفداه من يركب على الخيل بعـروق مع خيل ابـن هنـدي وخيـل المحيـا ويفداه من يمشي على الارض من فوق والـلـي يشـوفـون القمروالثـريـا ويفداه حضـر ٍلجـوا العصربالسـوق وابن رشيداللـي علـى الحكـم عيـا

 

 

 

 

[معلومات العضو خالد المشاويه]

الله يرحمهم جميع

ولاهنت وسلمت يمناك على النقل الرائع

جزيل الشكر والتقدير

 

 

 

 

[معلومات العضو حسن آل بريك]

لاهنت على نقل هذه القصه والقصائد الجميله وبيض الله وجهك

تقبل تحياتي،،،،،

 

 

 

 

[معلومات العضو شافي بن راشد النتيفات]

بارك الله فيك ونفع بك

 

 

 

 

[معلومات العضو دغش محمد الصخابرة]

لاهنت على نقل هذه القصه

والقصائد الجميله

وبيض الله وجهك

تقبل تحياتي