الله يسامح غيبتك ويش سوت

[معلومات العضو الهاج ـري]

الله يسامح غيبتك ويـش سـوّت
عقبك حياتي مع مماتـي تسـاوت


أضعف همومي في غيابك تقـوّت
وأصغر جروحي بالحشا ما تداوت


ودارٍ بها بسمـة محيّـاك ضـوّت
أركانها عقب انقطاعـك تهـاوت


وذيك الورود اللي بحبّـك تـروّت
سقّايها من غاب قامـت تمـاوت


وقصيدي اللـي بالدفاتـر تنـوّت
وزنه تكسّر .. والمعانـي تـلاوت


وصفحات فرْحي يا حبيبي تطـوّت
كن السعاده مع كفوفك .. تخـاوت


يا من غيابك داخل القلـب مـوّت
نور الشموع اللي بقربك تضـاوت


إسمع صدى صوتٍ مع الليل صوّت
وين أنت يا خلٍ له الروح هـاوت


فك الحبـال اللـي عليّـه تلـوّت
وأشفْ النفوس اللي بعد ما تشاوت

 

 

 

 

[معلومات العضو عبدالله الحافر الغييثي]

ارحب ترحيبة البدو بالسيل...صح لسانك واعتلى شانك..لايوجد شي غريب مبدع كماهي عادتك ..خالص اعجابي وتقديري يالقرم

 

 

 

 

[معلومات العضو الهاج ـري]

مرحب باقي يالنشمي وتسلم والله على هالكلام الطيب لاهنت

 

 

 

 

[معلومات العضو مبارك بن شافي النتيفات]

صح لسانك يالهاجري واعتلى شانك

ومبدع دائما يالذيب

تقبل مروري المتواضع

 

 

 

 

[معلومات العضو حرآير]

الهـاجـري
الله عليـك على هلاختيـار الرائـع ي طويـل العمـر
لاهنت ي الغالي ع الذوق الراقي
ولا هو غريب عليك هالذوق
ولاتحرمنا من جديدك العذب

 

 

 

 

[معلومات العضو شافي بن راشد النتيفات]

صح لسانك يالهاجري واعتلى شانك

 

 

 

 

[معلومات العضو دغش محمد الصخابرة]

صح لسانك يالهاجري واعتلى شانك