قصيدهـ لوصـــف الفحـــــــل

[معلومات العضو هادي آل حشفل]

أبتدي قبل القصيده بأسم رب العباد
وأطلبه وقت التهجد وهجعات الرقود
أطلبه عفوه نهار الملاقا والجهاد
وأطلبه من خير الاعمال ماكان محمود
وأطلبه غيث يعم الصحاري والبلاد
تالي العقرب ومقدم مطر سعد السعود
وأطلبه خزيزه الشيخ لا ركب الشداد
ذود تسوا من هجام العرب عشرين ذود
بس وين القا فحلها الى هب البراد
شيف الوراد وألام شيفت الورود
ياأهل البل ياقدام البداوه والجداد
أسمعوا علمِ مزكيه مايبغا شهود
أبلكم بريهٍ والفحل مثل القناد
أتعبو للهيل لأصلي وأبو شيبه وعود
من تعب للزين فاد وتونس وستفاد
والفحول الطيبه مالقيمتها حدود
أشهد ان بعض البعارين كفوٍ للهداد
أشهد انه رابح من دفع فيه النقود
الفحل من بعد ربي عليه الاعتماد
يرفع البل مثل مايرفع البيت العمود
قبل زينه دور أصله وزود في الاجتهاد
إن لقيت أمكمل الوصف عنه لا تحود
أخذ وصفه ياراع البل من اهل البل وكاد
لا لقيته فالتيمم يبطله الجدود
أول اوصافه أكتوفه من زوره أبعاد
غاربه كنه قفا السيف والني معقود
افجحٍ يديه شولن جليلٍ القياد
يدخل الرجال من بين زوره والعضود
من نسانيسه ألا عاتقه طلقٍ سناد
كن فيه هجار لا سار وإلا مع سنود
خدته شبرٍ وأذانيه وقافٍ حداد
مايلٍ شدقه وغضروف خشمه فيه زود
أملحٍ حرش وبرته قريب للسواد
مع شليل الابل ماودكـ يشوفه حسود
لاغدا بين الفراقين فالممشا عناد
صوب عشبٍ يذكرونه على أطراف الحدود
زين مسراحه لآمنه فرع وستقاد
يتبعه جل المعاشيرلا طال الشدود
أن قدرت أشره فلا تقول الحد زاد
إن رفض راعيه فأشتر من إنتاجه قعود
والسلام ختام والبيت ماودكـ يعاد
كون في مبدآ القصيده يقولون محمود

(إخترت

لكــــم من روائـــع للشاعــــر /عيـــدان بن راجــــس الهوامـــله في

وصفــــه للفـــــــحل عســــى إنـــي قـــد وفقـــت فــي إلاختـــيار ،،،،،

وتقبلــــــو ا خالــــــص تحيــــــاتـــــــــي ،،،،

 

 

 

 

[معلومات العضو رفيع النفس]

صح لسانك ولسان الشاعر عيدان


والله يعطيك العاغيه

 

 

 

 

[معلومات العضو مبارك بن شافي النتيفات]

اختيارك رااااااائع جداً الله لايهينك

وصح لسان الشاعر عيدان الهواملة

 

 

 

 

[معلومات العضو خالد المشاويه]

الله الله

صح لسان الشاعر عيدان بن راجس الهوامله

ولاهنت اخوي هادي ع النقل الرائع

وسلمت يمناك

 

 

 

 

[معلومات العضو شافي بن راشد النتيفات]

صح لسانك ولسان الشاعر عيدان

 

 

 

 

[معلومات العضو هادي آل حشفل]

صــــح الـــله بـــدنكــــم ويستــــاهل عيدان بن راجس

وتقبلوا خالص شكري ،،،،