من قصائد بونايف

[معلومات العضو قصةالامس]

لاتعتذر

تصبح وتمسي وترقد دون تسمعني...عودت قلبك على هجري ونسياني
انت تعمدت بغيابك تقاطعني...وانت تسببت في همي واحزاني
صبرت بس الصبر ماكان ينفعني..ومليت مل انتظار وبعدك اشقاني
ياماتمنيت شوفك وانت تمنعني... وانت تجاهلت احاسييسي وجداني
لاتعتذر في العذر ماعاد يقنعني.. من عقب ماذقت من صد وحرماني
انا اتحداك اذا تقدر ترجعني... اوا نت تقدر على بعدي وهجراني
ماعاد لك اي دافع شوق يدفعني.. من عقب مانت تبيع بارخص اثماني
بالحيل عانيت من بعدك ولوعني..جرب عذاب الفراق ويمكن تعاني
لالا تحاول وابعد روح وطاوعني ..ولاتفكر انك تعود لدنيتي ثاني
ماعاد حبك ولاشوفك يولعني ..انا نسيتك واطلب منك تنساني
================

وجه المرايا

غاب القمر وانكسر وجه المرايا فيك.. والحزن نثر على وجهي شظاياها
والليل اصبح عذاب وحسرة وتشكيك... يرسم همومه واحاول اتحاشاها
حتى المدينة حزينه عينها تبكيك... ويبكيك قلبي وعيني نثرت ماها
ياغايب عن عيوني خاطري يطريك... في كل لحظة عيونك كيف بانساها
لو غبت ماغاب طيفك عني وطاريك.. كنك معي في خفايا الروح واقصاها
الله يصونك ويهنى بشوفتك غاليك.. وتقر عينه بشوفك ياهنياها
يامن سلب مهجتي هذا العنى يرضيك.. وغيبتك عنا صعيبة ماقويناها
ودي اجبر كسر وجه المرايا فيك.. واحضن همومي وابروزها بمراياها
================

علمتني حبك

وشلون ما اغليك

وأنت الذي علمتني حبك

يا هاجسي ... عشقي عيونك

إسأل ... وتلقى الجواب

في ناظر عيوني

تصوير لآجمل عذاب

حبك يا مفتوني

تلقي حياتي كلها لذة غرام

مهما سهر طرفي

أو جارت ظروفي

أو عشت أنا الحرمان

تلقى حياتي كلها لذه غرام

يا عذب الصفات ... يا كل الحياة

صبرك علي ... هذا قليل

مهما ترى من تضحيات

هذا قليل ... خل السهر لعيون من حبك

خل العيون اللي لها عشقي تبات

========================

بقايا جروح

خذني بقايا جروح .. أرجوك داويني
لا تروح الروح
كفا عذابي منك .. ليه تسقيني
ما فوق جرحي جرح .. وجروحي تاويني
وصبري فقدته بجرح
الموت له حروه .. خوفي يمسيني
يا خل يا مرتاح .. ليتك تواسيني
لا تنوي المرواح
ملامحي جروح .. وش منك يشفيني
ما بين عصف وريح .. الهم طاويني
وانت لاهي مريح
أبيك لعمري يوم .. بالوجد تعطيني
كلمات : ( مخاوي الليل )
ألحان : ( خالد عبد الرحمن

اتمنى انكم تستمتعون مع قصائد بونايف --الله يحفظه--

 

 

 

 

[معلومات العضو مبارك بن شافي النتيفات]

صح لسانه ولاهنت على النقل

 

 

 

 

[معلومات العضو قصةالامس]

شكرا لمرورك ابو شافي

 

 

 

 

[معلومات العضو ناصر بن فهد]

ابو نايف فنان كبير وشاعر وصراحه من المعجبين والمتابعين له _ صح لسانه وصح لسان ي قصة الامس ولاهنت ع الطرح.