ذرب اليميني !!!

**معلومات** **العضو** · 26-12-2010, 09:04 PM

بسم الله الرحمن الرحيم

السلام عليكم ورحمة الله وبركاته

أضع بين اياديكم هذه الابيات البسيطه وإن شاء الله

تحوز على بعض من إعجابكم

يقوووول وعماركم تطوووول :

صبري مهوب العام وألا اول العام = على الخطا من عالمن جاهليني
ادمح واسامح والتمس وصل الارحام = واعز نفسي وآتقوا بديني
ان جات من طيب فلاني بلوام = وان جات من غادي اغمض بعيني
ما زودت همي مع طول الايام = ولا حركت حاجه ولا بتعنيني
نفسي معودها بعز و تحشام = وحشام الانفس بالمواقف تبيني
وترى التسامح طبع من طبع الاكرام = شي عرفته من تجارب اسنيني
امقاشر الاقزام يبلش بالاقزام = لو كان متنه قاسي ما يليني
ومسوي المعروف عزام جزام = يدخل قلوب اعداه والاقربيني
ولا كل من يصبر على الضيم منضام = يصبر على الشدات ذرب اليميني
بعض العرب صفرن من ايسار الارقام = يا الله طلبتك لا تحطه قريني

وسلامة الجميع

أخوكم : مسفر المصارير

أبو نااايف

**معلومات** **العضو** · 26-12-2010, 10:11 PM

ارررررحب يابونايف

شاعر مبدع وجزل بيض الله وجهك ابيات راقت لي كثيرا

تحياتي وتقديري

**معلومات** **العضو** · 26-12-2010, 10:57 PM

الله الله يابونايف صح لسانك على هذه الدرة الرائعة

**معلومات** **العضو** · 27-12-2010, 10:13 AM

صح لسانك يالقرم
مبدع وجزل لاعدمناك
تحياتي،،،،،،،

**معلومات** **العضو** · 27-12-2010, 04:05 PM

مبدع يابونايف

صح الله لسانك

ولاهنت

**معلومات** **العضو** · 29-12-2010, 09:24 PM

اقتباس:المشاركة الأصلية كتبت بواسطة ابوشافي الدوسريارررررحب يابونايف

شاعر مبدع وجزل بيض الله وجهك ابيات راقت لي كثيرا

تحياتي وتقديري

تبقى يابو شافي

ولا عليك زود ووجهك أبيض

شرفني مرورك الطيب

احترامي

**معلومات** **العضو** · 01-01-2011, 01:09 AM

ارحب يابو نايف

صح لسانك واعتلى شانك على هذه الشامخه

جزل ومبدع دايما

تحياتي وتقديري

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية