لغز من نظمي (محاوله اولى..!!)

**معلومات** **العضو** · 22-10-2010, 09:05 AM

السلام عليكم .. اسعد الله جميع اوقاتكم

هذه اول محاوله لي فالالغاز اتمنى تفاعلكم

بنشدك عن عذرًا شناحٍ طويله=ترد الديار ولا لها عيون وايدين
افعالها عن غيرها مستحيله=كم شالت حمولٍ وسجة ميادين
في ضفها راعا الفعايل تشيله=وتشيل بنتٍ للمهمات والشين
وسيلةٍ في محتواها وسيله=حمايه ال بنتٍ جسدها بقلبين

**معلومات** **العضو** · 22-10-2010, 09:40 AM

ارحب يابوسالم وصح لسانك واعتلى شانك وشذا المصيبه عزالله اللي عقدتنا لكن ان شاء الله ماراح نعجز عن فك شفرات الحل

**معلومات** **العضو** · 22-10-2010, 09:56 AM

ارحب يابو مـطـر

شرفتني طال عمرك وكلامك اعتبره وسام

اللغز تراه سهل بس اعصر المخ شوي وتجيبه

وانت عاد راعي الالغاز وحلاّلها والا انا اول مره احط لغز

في انتظار الجميع ..

**معلومات** **العضو** · 22-10-2010, 11:24 AM

السفينه

ويعطيك العافيه اخوي فارس ولي عوده

**معلومات** **العضو** · 22-10-2010, 01:17 PM

اممم الذلول !!؟؟

**معلومات** **العضو** · 22-10-2010, 01:34 PM

الطائره

ولي عوده . .

**معلومات** **العضو** · 22-10-2010, 01:57 PM

لاهنت يابوسالم وبداية ممتازة في الالغاز

وانا اوافق ابوفهد الرجباني في الحل

السفينة الحربية وشرايك

**معلومات** **العضو** · 22-10-2010, 03:22 PM

اخوي محمد الرجباني صح لسااانك وماقصرت جبت الحل

واخوي شااافي النتيفات صح لساانك انت جبت اساس الحل

وياخوي ماخليتوه يتنسم شوي ياخذ يوم والا حوله ههههههه

ماشاء الله عليكم

ودي اوضح بعض النقاط لتكملة الحل:

في ضفّها راعا الفعايل تشيله --> العسكري

وتشيل بنتٍ للمهمات والشين--> الطائره اللي عليها (هيلو كبتر)

حمايه لبنتٍ جسدها بقلبين --> المملكه وقلبينها مكه والمدينه

لاهنتوا جميع واشكر كل اللي مروا من هنآ

ولاهنت يابو شالح اشادتك اعتبرها وسام طال عمرك

تحياتي واحترامي للجميع ..

**معلومات** **العضو** · 22-10-2010, 04:02 PM

مرحبا باخوي الشاعر فارس

اما انا اتوقع انها ( الهجوس )

والله يعطيك العافيه يا بو سالم

تقبل تحياتي وتقديري

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية