معلقة الشاعر محمد بن قحيفان الخضران

[معلومات العضو سالم الخضراني]

بسم الله الرحمن الرحيم
السلام عليكم ورحمة الله وبركاته
اقدم لكم قصيدة الشاعر محمد بن قحيفان الخضران . وهذا جزء منها . إليكم القصيده

حنا سلايل زايدٍ طير حاران = والعز للي زايدٍ منسبله
دواسرٍ في ساحه الهوش ظفران = يا ويل من حنا نصير قبلاً له
نطاحه الكايد وسيعين الاطعان = نفعل ودق افعالنا مستجله
وايلا ومرنا الله على كايدٍ هان = وايلا غزانا طامعٍ نستحله
وايلا اعترض في دربنا قاسيٍ لان = وايلا تولينا الصعب زان دله
وايلا زرعنا علةٍ جرحها بان = جريحنا محدن يحل دواً له
يوم الحروب ويوم صكات والاكوان = كم واحدٍ من حربنا جاه عله
والقول هذا له دلايل وبرهان = وقولٍ بدون اثبات هون ومذله
ايلا تجاهلنا من الناس عميان = قلنا لهم كلن يراجع سجله
من ضاع يسئل من هل العرف شيبان = وان كان ما دلوه حنا ندله
نقنع قليل العرف لاصار غلطان = بعلمٍ تحطم به جميع الادله
حكامنا اللي للعرب ساس واركان = مثل الجبال المذريات المظله
صقر الجزيره واصوك الراس شقران = من طاب فعله فالثنين نسبن له
ناسبهم ابن خضير هو وابن بدران = شيخانا اللي كل عقدٍ تحله
اللي يحذفون السلب عن الاضعان = لا حذفن بيض العذارا لاجله
فالسلم شيخانٍ فالهوش شجعان = ويا سعد منهو فالقا هم فزعتٍ له
من كان في حسنٍ اللي وقتنا الآن = يوصا به المولود من لادٍ له
خيالة الحرشاء لاثار دخان = لا حال من دون المجاهيم سله
نسهج صفوف القوم مناب ذلان = لا من دخل بعض الرجاجيل ذله
تفرح بنا لاضيع الخلج حيران = وان ضيع الخلفه ولدها ندله
سودٍ وسيمتها شمطري وكيزان = ويا كبر حظ اللي تجي ثروتٍ له
من دونها نروي شبا كل عطشان = لا شرب حد السيف نرويه كله
كم حرةٍ لا ثارت الحرب بركان = من كف راعيها رسنها نتله
وكم مهرةٍ فيها العوض سرج وعنان = وخيالها من عند يدها نتله
الفارس اللي له مهاب وله شان = لا شاف وقع سيوفنا جاه خله
نقطف ثمر لنٌفس على حد الامتان = وان صادنا رمي السهم نحتمله
وحنا لنا في خالي الربع مسكان = ذيدانا رعي المهامل تدله
تلقا لنا مع طلعه سهيل لا بان = في العثعث الممطور ويت وثله
نتبع هوا عربٍ مجاهيم وزيان = يبرا بها المرضان من كل عله
وتبرا لها عقب المضاهير شيصان = كلن معه شاصٍ جديدٍ مضله
وتبرا لها بالماء صناعات الالمان = كلن يباري وايته مشربله
العايدي مشحون السقس مليان = والحوض جنب الروض ومشارعله
ترعا الزهر في عثعث العرق لا زان = والحقو ترعا فيه رمثٍ وخله
ترعا من العارض إلى حد نجران = ومن حد نجرانٍ إلى مشرقٍ له
وترعا من المشرق إلى حد عمان = وفي الصيف كلٍ مدهله مجنبِ له
ومن اول ننزل على العد قطان = تسعين ليلٍ ما نفاخت جبله
لاسايقٍ يطرا ولا سوق نسوان = والقيض شمسه حرها ما نمله
ولا ألم شتان الدبش عقب مقطان = وحل الفراق ودع الخل خله
هبت هبوبٍ فرقت شمل خلان = وسهيل خلاه الدبش وجهةٍ له
وايلا انتزح من دايه العد فرقان = وكلٍ نزل في منزلٍ جايزٍ له
عينت في الرمله فراقين فرجان = في مرتعٍ راع الغنم ما وصله
دارٍ رعا فيها خضير ابن شامان = واجزى بها لين انتهي القيض كله
ترعا به الحرشاء معا جول غزلان = وشربه وزاده باللبن فاطرله
يا ما رعا وسميه بارض عدوان = واللي معه من لابته محزمله
ويا ما صفق من دونها جمع فرسان = بشلفاء ورمح وسيف فوق فرسٍ له
كان الحدث يحتاج له شاهد اعيان = فالشيخ يوجد عندنا شاهدٍ له
له عندنا من سيرته شبه ديوان = نقلٍ عن اللي عاصرو سيرتٍ له
والحمد لله وضعنا تو ما زان = في حكم اخو نوره غداء الوضع فله
علمٍ وخيرٍ فاضٍ وامن وامان = والشي هذا غيرنا ما حصله
وفي عهد ابو متعب لنا ظل وكنان = بدرٍ بدا فوق النجوم المطله
يارد بنا حوض المنايا ايلا شان = ونرخص جميع ارواحنا فدوةٍ له
هذا وأنا من حربة العز خضران = ربعٍ لنا فعل الشجاعه جبله
عذروبنا لمقرد الناس مزبان = ومن ثقل حمله لابتي مزبنٍ له

 

 

 

 

[معلومات العضو عبدالرحمن بن فلاح آل بريك]

فعلا تستحق ان تكون من المعلقات .

صح لسان الشاعر الكبير :محمد بن قحيفان الخضراني .

وبيض الله وجهك يا سالم على نقلها لنآآ ..

 

 

 

 

[معلومات العضو محمد بن سالم الخضراني]

هذا وأنا من حربـة العـز خضـران
,,,,,,,,,,,ربـعٍ لنـا فعـل الشجاعـه جبلـه
عذروبنـا لمقـرد النـاس مزبـان
,,,,,,,,,,,ومن ثقل حملـه لابتـي مزبـنٍ لـه

صح لسان العملاق ابن قحيفان وبيض الله وجهك
يابو شاااافي ولاهنت على النقل
تقديري وتحياتي ,,

 

 

 

 

[معلومات العضو سالم الخضراني]

شكرا على المرور عبدالرحمن ال بريك شكرا يا بو سالم فعلا بيتين في محلها الله يعطيكم العافيه

 

 

 

 

[معلومات العضو شافي بن راشد النتيفات]

بيض الله وجهك على نقل هذه المعلقة للشاعر الكبير محمد بن قحيفان وصح لسانك ولسانه

 

 

 

 

[معلومات العضو ناصر بن فهد]

صح لسان الشاعر الكبير /محمدبن قحيفان الخضران
وصح لسانكك يا ابوشافي على النقل ولآهنت

دمت بود

 

 

 

 

[معلومات العضو سالم الخضراني]

لاهنتو جميعا

 

 

 

 

[معلومات العضو الجراح]

صح لسان الشاعر الفحل / محمد بن قحيفان الخضران شاعر كبير وما يجيب غير الجزل لاهنت يا سالم وبيض الله وجهك

 

 

 

 

[معلومات العضو فارس الدبالين]

سالم بيض الله وجهك يامحزمي على النقل الجزل

وصح الله لسان الشاعر الكبير والبحر الغزير
محمد بن قحيفان الخضران

لاهنت يا كحيلان على النقل ولاتحرمنا من ذي وامثالها

احتــــــــرامي ..

 

 

 

 

[معلومات العضو راشد المسعري]

سالم الخضراني

صح لسانك وسلمت يالغالي

وصح لسان الجزل محمد بن قحيفان

وكفو به وبالخضران محزمنا اللي ما يفشّل

تقبل ودي وتقديري ،،،،

 

 

 

 

[معلومات العضو العضوالمنتدب]

لاهنت ياسالم وصح لسان ابومسفر ..

عسى المنزل اللي داجبه وجتمعنا فيه= يجي دايته من رايح المزن همااالي
يحووول حشاد ارضه وينحي على واديه= وسيله يسيل امن الوعر صوب لسهااالي