قـــصــــر الســــــــــــــــــــــــــــــــــويدي

**معلومات** **العضو** · 09-07-2010, 10:50 PM

هذي القصيده في الشيخ / منصور بن صالح بن جريس ال بريك

الشعر لالاك يامنصـور ماأشقابـه
دره ولولـه وياقوتـه ومرجـانـه

لأجل اللذي فوق هقوت من تهقوابه
الجود نهجه ونصر الحـق ميزانـه

ياقف بصف الرفيق ويطلق انشابـه
الياوقف كـل راسِ فيـه شيطانـه

راس الشكاله ينومس من تعزوابـه
راسِ يجسد مواقـف روس جدانـه

الله يرحمـك ياعـودِ لنـا جـابـه
راهن على ابوسعود وفاز برهانـه

جابه من أرسا جبال أطويق وهضابه
طودِ ضلال وذرا مـن لاذ بأركانـه

شيخِ هل الجود من جوده تسمى به
وقصر السويدي لنا عـزِ بديوانـه

هذا هو أمير حد السيـف ونصابـه
في ساعـةِ يوفـي الديـان ديانـه

منتب من اللي حضوره يشبه غيابه
عودِ من السرح يزعج ريح دخانـه

أخير من فزعتـه تركـه وجنابـه
أسمه ورقمه مع اللي مالهم خانـه

أن غاب وألا حضر ماهوب يدرابـه
يزوم راسِ عيونه حـدر كرعانـه

يخلق ويفنى ووجه العفـن بترابـه
ماعنـده ألا خفافيشـه وصبيـانـه

الله كريـمِ ولاحطـه علـى بـابـه
اللي بيده النجاه ونرجـي أحسانـه

حمود عبيد ال بريك

**معلومات** **العضو** · 09-07-2010, 11:58 PM

يعطيك العافية قصيده جميلة

تحياتي

**معلومات** **العضو** · 10-07-2010, 12:07 AM

صح لسانك واعتلى شانك ويستاهل منصور بن صالح بن جريس ال بريك

**معلومات** **العضو** · 20-07-2010, 04:54 AM

سلام عليكم

[صح اللة السانك

**معلومات** **العضو** · 18-08-2010, 09:33 PM

ابوفهد
تسلم ع المرور

**معلومات** **العضو** · 18-08-2010, 09:34 PM

خميس
تسلم ع المرور

**معلومات** **العضو** · 18-08-2010, 09:34 PM

ابونايف
تسلم ع المرور

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية