قصيده للشاعر سعد بشير الدوسري

[معلومات العضو بشير بن نايف]

............................السلام عليكم ورحمه الله وبركاته ...................................اخواني يسرني ان اطلعكم على قصيده عمي سعد بشير الخضران الدوسري ولعلها تنال على اعجابكم ولكم مني خالص الشكر والتقدير يقول

محمّد لا تعجّب بي .. ترى مانـي علـى .. خبـرك= تغيّر .. كل مافينـي تعـرفْ .. وبقيـت الصـوره
ترى تغيير وجهات النظر فـي هالزمـان .. أبـرك= لعب بعقولنـا .. لعبـة باتستوتـا مـع .. الكـوره
تذكّر .. قلت لك : ما يكتمل دون الحذر .. صبـرك= تذكّر .. فارةٍ فـي سـد مـارب .. هدّمـت سـوره
سباني مورّد الخدّين .. يـا الله عفـوك .. وستـرك= خفوقٍ .. كنت أظنّ أدنى طموحه .. عشق غنـدوره
مليكة حسن .. لو يلمح هدبها لأغضـت .. المشـرك= شهد .. في قـدرةٍ الإعجـاز فيهـا .. ماخـذٍ دوره
وشآخذ من وصايف .. سحرها الأخّاذ .. ويش أترك؟= يزوّلّي .. إلـى منهـا تخطّـت .. شبـه مخمـوره
مثل صفرا تهادى .. من غثا الشبعه .. على المبـرك= وتجفل مثل ريمٍ .. من سمـار الـزول .. مذعـوره
ربيبة قلبي المجروح .. من صغري ومن .. صغرك= قبل وأقصى البراءه حلمنا .. ضابط .. ودكتـوره؟؟
ألا ياقل .. كـلّ النـاس فـي عينـي .. وياكثـرك= غدت نظرتي للزيـن .. لـك بالـذات .. مقصـوره
ومـن يقـرا معالـم فتنتـك .. لا بـد .. مايـدرك= بإنّ أكثر .. جمال الناس قريـه .. وأنـت معمـوره
خذيتي أو خذا .. الموز اليمانـي شـيٍ .. بخصـرك= وعطيتي للقمر من ضي وجهـك لا بـدا .. نـوره
وخذيتي .. هيئة التفّـاح الأمريكـي علـى ........= وفـي خـدّك عناقيـدٍ .. مـن الـدرّاق .. منثـوره
بري حالي .. ليا عضّ الكرز فوق الكرز .. ثغـرك= خصوصا لا شعق فمّك .. بضحكه؟ .. شعق بلّـوره
أتووه .. بعالمٍ أحلك من الظلمـه .. ومـن شعـرك= وأفيق بكلمةٍ .. أنعـم مـن الدمقـس .. علـى دوره
أحبّك .. آآه يـا حلـو الكـلام .. وتمتمـة عـذرك= ولولا الحب .. مايلقى الممـات النـاس .. مقـدوره
حشا .. مافيك عذروبٍ ينقّـص بالحـلا .. قـدرك= ولكن عيب .. ماهو عيب يذكـر .. بـس مغـروره
أنا الي كل .. ما لجّت هواجيسـي .. علـى ذكـرك= تقول إنّ الحـزن والهـم .. جنّـد قلبـي .. بـدوره
ياكيف إنّك .. بخلتي في فتى مثلي؟ .. وأنا آغمـرك= بحبٍ لو يجي .. فجبـال عامـل .. ذوّب صخـوره
قسم بالله .. يا الجاحظ لو إنّـه .. لاحـقٍ عصـرك= وردتي في كتابه .. يا أبخل العشّـاق .. بشعـوره؟؟
ألا يافور كبدي .. من مزاجاتـك .. ومـن كبـرك= مثل فورة شعوب .. العالم الثالـث مـع .. الثـوره
نهاية ويش ذكّرني؟ .. تفاصيلـك .. وأنـا أخبـرك= قصاصه في كتاب الذكريات .. وورده .. وصوره؟

وسلامتكم وعساها تنال اعجابكم

 

 

 

 

[معلومات العضو محمد مناحي الودعاني]

صح لسانك
تقبل تحياتي :بعيد المدى

 

 

 

 

[معلومات العضو عبدالله بن فهد الصخابره]

صح الله لسانك ولسان عمك وسلمت طال عمرك قصيده رائعه

 

 

 

 

[معلومات العضو لابتي الدواسر]

شكراَ ابو نايف على عرض القصيده وصح الله لسان الشاعر / سعد بشير والله يعطيكم العافيه ..... وشكرا على التنسيق ... واتمنى لكم دوام الصحه والتوفيق
أخوكم / سالم الخضراني (لابتي الدواسر)

 

 

 

 

[معلومات العضو برق الوسم]

بيض الله وجهك وصح الله لسانك،،،،

 

 

 

 

[معلومات العضو ناصر بن فهد]

صح لسانك وصح لسان عمكُ
ولآهنت على الطرحُ على القصيده الجزلهُ

 

 

 

 

[معلومات العضو محمد بن سالم الخضراني]

صح لسانك ولسان عمك

وانشهد ان القصيده كايفه ونادره في هذا الوقت

وياليت لو تنزل كل جديد سعد بن بشير

تقبل فائق تقديري

 

 

 

 

[معلومات العضو شافي بن راشد النتيفات]

شكراَ ابو نايف على عرض القصيده وصح الله لسان

الشاعر / سعد بشير والله يعطيكم العافيه

 

 

 

 

[معلومات العضو عبدالرحمن بن فلاح آل بريك]

صح لسانك ولسان عمك .

يعطيك العافيه .

 

 

 

 

[معلومات العضو ابو حسين الدوسري]

تسلم يمينك على هاالقصيد الطيب وصح السان عمك

وبيض الله وجهك ووجهه

خالص الود ةلتقدير