مبخوت الحرجي يرد على الشيخ حفيظ آل حفيظ في طريق سفر

[معلومات العضو عازف شجن]

ملاحاة بين الشيخ الشاعر حفيظ بن عجب آل حفيظ ومبخوت بن شارع الحرجي في طريق سفر
قال الشيخ حفيظ بن عجب الشكرة
عسى الله يقدينا الشلا يا ابن شارع دوم**** ويبارك لنا في كل روحه مع جيه
سلامي على اللي خوته بلسم المهموم**** وسيع الصدر راعى العلوم النقاويه
ترى الوقت يا مبخوت فيه الرجال اسلوم**** معادن ذهب والبعض منها نحاسية
أحد ما يفيد الناس وآخر خوي ارخوم**** ومثلك ترى قرم(ن) اعلومه شفاويه
تخاويتنا واياك في طرقة(ن) واعلوم**** ولقيتك ذهب رنان ترسي على النيه

رد عليه مبخوت بن شارع الحرجي
هلا مرحبا بالشاعر النادر الشغموم**** تراحيب(ن) احلا من حليب العمانيه
مرباعها فالصلب ترعى نبات احزوم**** ولا شملوها للغنم والشريطيه
مع ذود مصلاح(ن) عليه الشحم مردوم**** تزبر شحمها من زهر كل وسميه
وتراحيب(ن) ازكى من شذا الورد واليشموم****أليا هبها النسناس مع كل عصريه
وشرواك يا ابن حفيظ حر(ن) بعيد الحوم**** ينومس يلامن حل ذكره وطاريه
تعز الخوي من الربع والا بعيد القوم****ولك صفحة(ن) في سيرة المجد مبنيه
وأنا يوم خاويتك تعليت فالمزموم**** وذبيت رجم(ن) ساكنات(ن) ذواريه
وممشى(ن) معك يسوى كنوز العرب والروم****وخوتك ياطلق الحجاجين مشريه
وانا لا آسم الا كل غفل(ن) بدون اوسوم**** اجداد القوافي لا استوى دربها ليه

 

 

 

 

[معلومات العضو ابومبخوت الدوسري]

ياسلام انشهد ان به خوتن طيبه ...

بيض الله وجهك ياعازف على نقل هذي المساجله الطيبه والرايعه ونتطلع لمواضيعك الطييبه بارك الله فيك ولاهنت

وصح لسان الشاعر حفيظ بن عجب والشاعر مبخوت الحراجين

قصايد مليئه بالحكم والمواعض الطيبه .


اكرر مشكوور ياذيبااان ونتمنى منك المزيد خصوصاً في هذا الفضاء


تقبل فائق التقدير والاحترام

 

 

 

 

[معلومات العضو ناصر بن فهد]

الله الله
قصيده طيبه وصح لسان الشعرآءُ
ولاهنت على النقل الطيبُ

 

 

 

 

[معلومات العضو عازف شجن]

شكرا على الاطلالة المباركة