ربوع الصمّان تحتضن إدارة الموقع الرسمي لـ قبيلة الدواسر العريقة [ تقرير + صور ]

**معلومات** **العضو** · 15-04-2010, 11:24 PM

بسم الله الرحمن الرحيم

الإخوان أعضاء وزوّار الموقع الرسمي لقبيلة الدواسر

(( ربوع الصمّان تحتضن إدارة الموقع الرسمي لـ قبيلة الدواسر العريقة ))

في يوم الأربعاء الموافق 21/1/1431 هـ - 7/1/2010 م ، قام نخبةٌ من إدارة ومراقبيّ ومشرفيّ الموقع برحلةٍ بريّة (كشتة) عدة اماكن ، حيث بدء التجمع في الرياض في تمام الساعه 7 صباحاً على طريق رماح وعند وصول الجميع الى نقطة التجمع بدأت رحلتنا الى ربوع الصمان مرورا" برماح ثم الرفيعه ثم فياض الصمان ومن الى خبة القرو ومنها التحرك الى روضة التنهات . حيث قام بهذه الرحلة البريّة كلاً من : فهد الغريري ، راشد المسعري ، نايف الخييلي ، محمد بن سالم الخضراني ، ابوزابن المسعري و خميس مطر الغييثي .

وعند الوصول الى اول ممسى للمجموعة اخذ كل واحد في شغله وبدء اعداد الجلسة ، وهذه بعض الصور :

وبعد الإنتهاء من القيام بكافة التجهيزات قبيل أن يحلّ المساء ، بدء ذبح الخروف وتجهيز القهوة والعشاء وترتيب المكان بشكلٍ عام بحيث كانت هناك مجموعة قامت بالذبح والصلخ والأخرى قامت بتجهيز القهوة والأخرى قامت بتجهيز العشاء حيث يظهر في بعض الصور الاخوان نايف الخييلي وابوزابن المسعري يجهزون القهوه . وهذه بعض اللقطات المصوّرة :

وعند الانتهاء من ذبح الخروف وتجهيز القهوة والشاي جلس الجميع لتناول القهوه وتجاذب بعضاً من أطراف الحديث ، وبعدّ ذلك حلّ وقت صلاة المغرب وقام الجميع للقيام بفرائض الصلاة وبعدها الجميع في تجهيز العشاء :

وبعدما حلّ وقت صلاة العشاء ، كان طعام العشاء قد جهز وبعد ان تناول الجميع عشاءهم بدأت السوالف على نار السمر والاستماع للقصائد من الشعراء ابوسالم وابوزابن وابومحسن اما القصص النادرة والسوالف المضحكة فقد تفرد بها اخونا فهد الغريري وبعدما حلّت الساعة 10 مساءً اخذ الجميع اماكنهم للنوم بعد يوم حافل ورحلة ممتعه :

الاخوان راشد وفهد يستمعون لاحدى قصائد الشاعر ابوسالم

ايضا الاخ ابوزابن والاخ نايف الخييلي يستمعون لاحدى القصص من الاخ فهد الغريري وبعض المواقف اللتي حصلت عليه

ابوسالم وابوشيخة يستمعون لقصة يرويها الراويه فهد الغريري

وفي الصباح الباكر نهض الجميع على الآذان من قبل شيخ الرحله الاخ راشد المسعري وبعد الصلاه دارت فناجيل القهوة والحليب ومن ثم الفطور وبعد ذلك بدء التحرك لفياض الصمان وخاصة ام قليب والفياض القريبه منها وقد اللتقطت بعص الصور هناك .

صورة تجمع ادارة الموقع الاخ/فهد الغريري والاخ /راشد المسعري

الاخ راشد المسعري اداري الموقع

الاخ /نايف الخييلي اداري الموقع

مراقبنا وشاعرنا/محمد بن سالم الخضراني

الاخ/راشد المسعري والاخ/محمد بن سالم الخضراني

الاخ /فهد الغريري والاخ/خميس الغييثي

صورة جماعية لطاقم الرحله

صوره ايضا في احدى الفياض للطاقم

الاخ /خميس الغييثي في احدى الصور في فيضة ام قليب

صورة لاحد الفياض اللي مر بها اعضاء الرحله

الاخ راشد المسعري في فيضة ام قليب

[line]

وفي تمام الساعه 10 من يوم الخميس وبعد التجول في فياض الصمان وشب النار وتناول القهوه تم التوجه الى روضة التنهات مروراً بخبة القرو وتم الوصول الى روضة التنهات في الساعه الثانية ظهرا حي بدء التجهيز للمكان وتجهيز الغداء اللذي تكفل به الاخوان راشد المسعري وابوزابن المسعري .

صور من هذه الرحلة :

الاخوان يجهزون الغداء

صورة اخرى

وبعد الغداء اخذ الطاقم شوط كامل من المشي على الاقدام في روضه التنهات وعندما رجعوا الى المكان اذا بالاخوان ابوسالم وابوفهاد قد اعدوا القهوه والشاي

الاخ نايف الخييلي سوى في الاخ راشد مقلب بزيادة السكر في الشاي والاخ راشد معه "سكّر" الله يشفيه

وهنا نايف يحلف ان اللي زود السكر ابوزابن ماهوب هو ..!!

الاخوان منصتين لقصيده حماسيه من الاخ سحمي بن جويعد(ابوزابن)

الاخوان ابوزابن وابوشيخة يتبادون السوالف

اخوكم خميس الغييثي

وعند المساء بدء الجميع بالاعداد للعشاء والسوالف حيث توزعت على الجميع المهام وذلك لكي تكون كفيلة بسرعة الإنجاز لكي نتفرغ من بعدها لـ الحديث والسوالف مع بعضنا البعض والإستفدة من بعض أيضاً ، وإليكم الصور في أخر ليلة :

الاخ /خميس اثناء تجهيز المقلقل للعشاء

الاخ ابوزابن يقوم بتجهيز القرص (الجمرية)

لقطه للعشاء

وبعد الانتهاء من العشاء جلس الجميع حول جمر السمر لتبادل الاحاديث والسوالف والقصائد ، وطلب الاخوان من الأخ فهد الغريري الحديث عن سالفه اللتي حصلت عليه في الطائرة .

وفي الصباح الباكر استيقظ الجميع وبعد الصلاه اخذوا في تناول القهوه والافطار والاستعداد للعوده من هذه الرحله الشيقه والممتعه واترككم مع الصور اللتي تتحدث عن نفسها :

في الختام ، أمل أنني وفقت في سردّ تفاصيل الرحلة الميمونة والشيقة التي قامت بها إدارة الموقع وبعض الطاقم الرقابي والإشرافي والتي إستمتع بها الجميع ونسأل الله العليّ القدير أن يوفق الجميع إلى ما يحبه ويرضاه .

وبإذن الله تعالى نلتقي بـ رحلاتٍ قادمة بمشيئة الله تعالى ..

جميع الحقوق محفوظة لـ الموقع الرسمي لقبيلة الدواسر العريقة
www.alduwasser.org

**معلومات** **العضو** · 15-04-2010, 11:33 PM

بسم الله الرحمن الرحيم
السلام عليكم ورحمه الله وبركاته
ماشاء الله على الطلعهُ الزينهُ ...
اشكرك يا ابو مطر على انزل الصور وبيض لله وجهك يا القرم
:
:

:
:
يا لبى الجلسه هاذيُ الله لا يفرقكمً :$:$

:
:
:

:
:
يا زين شبت الضوووء ُ بس ابو سالم ذبحه الدخااان ماالومك يا ابو سالم هع هع

واخيرررا اشكر الاداره على ما تقدم بجديد وبيض الله وجيهم
ولك مني ارق التحايا

**معلومات** **العضو** · 15-04-2010, 11:34 PM

عسى الله يجمعكم ولا يفرقكم

لا هنت يا أبومطر وبارك الله فيك...

**معلومات** **العضو** · 15-04-2010, 11:56 PM

ياسلام والله من الملح والقبله فيكم كلكم واخص ابو محسن عاد ابزوده

بس مهوب حرام عليكم مخلينه في النهايه يجدل الجش ويطوي الفرش وذا البكستاني معكم كان كرفتوه تكفووووووووون

اما تزويد السكر هذي من حركاتك يانايف اعرفك مهوب مسويها الا انت واكيد انها من افكار خميس

الله يعطيكم العافيه على هالرحله الرائعه

لاهنتوا والله لا يهينك يابو شيخه على ايرادها

**معلومات** **العضو** · 16-04-2010, 12:05 AM

لبيه ياصمان الله يجمعكم في معزته ولا يفركم

ماطاحت كبدي إلا على الجمريه بس ناقصها سمن هههههههه

اشكرك يابو شيخه على الطرح

تحيااااااااتي لك

**معلومات** **العضو** · 16-04-2010, 01:19 AM

عسى الله يجمعكم ولا يفرقكم

لا هنت يا أبومطر وبارك الله فيك...

والله اني تمنيت اني معكم

وينطبق عليكم بيت بن جدلان

ان تجمعنا على العز والطاعة ــــــــــ وان تفرقنا فجوج الله وساعي

**معلومات** **العضو** · 16-04-2010, 01:36 AM

ان تجمعنا على العز والطاعة ــــــــــ وان تفرقنا فجوج الله وساعي

الله الله

ماشاء الله والله لايفرقكم رحلة موفقه بأذن الله وامتعتونا بالصور الله لايهينكم
والله اني تمنيت اني معكم لأن خوت الرجال اللي شرواكم تنشى والله

والله لايهينك يابومطر على هذه التغطية الجميلة لاهنت وسلمت يمناك يالقرم

**معلومات** **العضو** · 16-04-2010, 07:09 AM

ماشاء الله والله لايفرقكم رحلة موفقه بأذن الله وامتعتونا بالصور الله لايهينكم
والله اني تمنيت اني معكم لأن خوت الرجال اللي شرواكم تنشى والله

والله لايهينك يابومطر على هذه التغطية الجميلة لاهنت وسلمت يمناك يالقرم

**معلومات** **العضو** · 16-04-2010, 10:42 AM

جميله مثل هذه الرحلات ،، الله يبارك في جمعكم وجهودكم

ووفقتم لكل ما فيه خير في دينكم ودنياكم ،،،

فائق احترامي وتقديري ...

**معلومات** **العضو** · 16-04-2010, 11:35 AM

خميس الغييثي

بيض الله وجهك على اتحافنا بهذه الصور الاكثر من رائعه

اللتي جمعت الاخوان ... عسى الله يجمعكم على العز والطاعه

لكن وانا اخوك ماعلمتنا منهو الباكستاني اللي معكم هههههههههههههههههههههههه

عندي تعليق على اكثر من صورهـ لكن خلها بينا ههههههههههه

<< تم لقط اكثر من صوره للتعديل عليها ونشرها باليوتيوب

احترامي يا كحيلان

**معلومات** **العضو** · 16-04-2010, 09:24 PM

ماشاءالله تبارك الله .. اشهد انها طلعة قروم ، بيض الله وجيهكم

**معلومات** **العضو** · 16-04-2010, 09:32 PM

دوسري مطنوخ هههههههههههههههههههههههههههههه

تراك خضيت ابطونهم الحين مراح يجيهم نوم ذا الليل خخخخخخخخخخخخخخخ

تشوفهم يفرون اليوتيوب ههههههههههههههاااااااي

**معلومات** **العضو** · 16-04-2010, 10:00 PM

ماشاء الله تبارك الله

تغطيه وطلعه جميله جدا الله يعطيكم العافيه

والله يجمعكم ولا يفرقكم

لاهنت يابومطر على طرح هذه التغطيه الجميله

تقبلوا تحياتي

**معلومات** **العضو** · 17-04-2010, 03:40 AM

اقتباس:

المشاركة الأصلية كتبت بواسطة ناصر فهد الدوسري

بسم الله الرحمن الرحيم
السلام عليكم ورحمه الله وبركاته
ماشاء الله على الطلعهُ الزينهُ ...
اشكرك يا ابو مطر على انزل الصور وبيض لله وجهك يا القرم
:
:

:
:
يا لبى الجلسه هاذيُ الله لا يفرقكمً :$:$

:
:
:

:
:
يا زين شبت الضوووء ُ بس ابو سالم ذبحه الدخااان ماالومك يا ابو سالم هع هع

واخيرررا اشكر الاداره على ما تقدم بجديد وبيض الله وجيهم
ولك مني ارق التحايا

هلابك ياناصر ولاهنت على المرور والدخان يقولون مايتبع الا الزين وابوسالم كله حلا وقبله

**معلومات** **العضو** · 17-04-2010, 03:42 AM

اقتباس:

المشاركة الأصلية كتبت بواسطة أبونواف الدوسري

عسى الله يجمعكم ولا يفرقكم

لا هنت يا أبومطر وبارك الله فيك...

هلابك ياحكيمنا
اللهم امين
ومن قال ماهان وشاكر ومقدر مرورك

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية