من أشعار (شاعر آل عمار) حسن بن عمهوج الشواهين

[معلومات العضو عبدالكريم العماري]

بسم الله الرحمن الرحيم
السلام عليكم ورحمة الله وبركاته



هذه مجموعة من أشعار حسن بن عمهوج الشواهين آل عمار رحمه الله. وهو معروف بأنه شاعر آل عمار في زمنه.

ومصدر القصائد هو كتاب ( مختارات من أشعار وقصص آل عمار الدواسر ) لمؤلفه/ متعب بن محمد بن فرحان آل عمار الدوسري











[ لابتي حطوا ايديهم محاجيها ]

يا الله المطلوب يا ربنا العالي=يا رفيع في السموات بانيها
عاون اللي ما يجمع له دوالي=كون سامك العرش يبغيها
غرس ياللي ما درج فيه محالي=في الفضا ما هي بتبني حواميها
دون حلوات الثمر نرخص الغالي=لابتي حطوا أيديهم محاجيها
إن ظهرنا فيه من يمنع التالي=وإن حضرنا كل أبونا مبانيها

[ يوم العَمَار تسام وتباعي ]

يا الله ياللي تسمع الداعي=ياللي عبيده في تدابيره
غرس على الحدان شراعي=يرسخ بنا ناعم جبابيره
الحرب جاله حفنا ساعي=من عقب جيه يشتم مشيره
يوم العَمَار تسام وتباعي=سلامي ياللي عفو الديره
لمن نقلنا الحد خراعي=مثل الأسد لامن عوى زيره
كم واحد في نحورنا ضاعي=سمي عليه بواحد غيره
راعيه من جاه بلا داعي=والحرب عنده نايشه سعيره

[ كم صبي ضيعته الهقاوي ]

رب عنا لا بلتنا البلاوي=وارفع الراية لنا يارفيع
ما يعفي الدار حكي مساوي=كون من يضرب بحد الوريع
كم صبي ضيعته الهقاوي=مشترينه يوم هو مستبيع
ياهل العقل انصحوا كل غاوي=لا تمنيه الروابع يضيع
وإن طعنا ما يسر المداوي=ويل من ناله بحد شنيع

[ واللي كفانا طايلة الأبار ]

يا الله يالمطلوب يا غفار=ياللي تفك من العسر
يا غرس ياللي ما عليه جدار=وجداره الموت الحمر
معنا الهنادي اللي خشبها قصار=هناديٍ صنع الكفر
ورصاصنا في الراس لامن طار=وإلا على حبل الظهر
جانا المعادي ساقته الأقدار=ذا حق من زار المدر
واللي كفانا طايلة الأبار=نكفيه حلوات الثمر

[ يوم دبر الجمع غصباً من ضعنا ]

يا الله أنا طالبك يا رب عنا=عانيتك يوم عانوه القبايل
جا حفنا صايل يبغي وطنا=هو ما درى إنا مروين السلايل
جاي يقدع الجمع وبيوته تبنا=قدامه اللي توطي كل عايل
يا غرس لا تشتحن لا دام حنا=معنا القديمي ومفتوق السلايل
يوم دبر الجمع غصباً من ظعنا=ذا حق من زارنا ماله دلايل

[ سلام ياللي ينطح الموت الحمر ]

يا الله المطلوب يا عدل النظر= ياللي به العبد الموحد يستعين
إنك تكافينا بعسمين البصر=لمن تبلونا عساك لنا عوين
الحرب شبوه المقرد وإعتمر=ولا يصالي ناره إلا المستحين
يوم الثميدي مثل همال المطر=سلام ياللي دبروا بالعايلين
سلام ياللي ينطح الموت الحمر=يفدونه اللي بالعمار متاجرين
اللي مع الأجناب عمره ما يسر=يمناه تفهق ما تقلط للسمين
إن كان مع الأجناب بالبعد إعتذر=هو مادرى إن العمر له مدة سنين

[ يا غرس يا صافي الكرب زين الفروع ]

يا الله يا منهو لطلابه سموع=الجود جوده والكرم عوايده
لزارنا شره يدرج له جموع= إنا لهم ضلع زمت فرايده
يا دارنا لزارك الشره الطموع=فأنتي بحيل الله عليهم كايده
غرس على الحدان رصاخ شروع=مثل المنار اللي على مساجده
يا غرس يا صافي الكرب زين الفروع=ياللي لهشال الخلا نوايده
يا زينها لعدلت من كل نوع=تشدي النوار كست نفايده
لعدلت في حجر زانات الفروع=يا زين صكتها على جرايده
اللي لشور الذل من دونك سموع=هاذاك ما في طول عمره فايده
هداتنا لمن كبا ردي النفوع=هدات ليث مدرع سوايده
لجا نهار كثرت أصواته تروع=سلام ياللي ناطحو وقايده

[ كم صبي عليه النصايب ]

نطلب الله ولاهوب غايب=نستعينه على من عصاه
يا مصرف جميع الهبايب=كافنا الشر لجا بلاه
كاف راع الخطا والطلايب=راعي الدين ياخذ قضاه
حفنا جاب بيت الحرايب=في جناح السواقي بناه
ولابتي وادعو بالحبايب=يوم عافوا بقايا الحياه
لابتي موردت كل هايب=لكمو شيخهم من هواه
كم صبي عليه النصايب=من حياته قطعنا رجاه
بالكريزي عطيب الظرايب=كل ما ناش عظم شظاه
ونقلنا كل ما جا الحرايب=داقسن غالي مشتراه

[ من كثّر المس في الحبل انقطع ]

ندعي الله وإنه اللي لعاون نفع=ومن تعشق حربنا الله يكافينا بلاه
لتفازعوا القبايل وكثروا الفزع=فإن فزعنا واحد ما لنا غيره سواه
وإخبروا من كثر المس في الحبل انقطع=ومن تعرض دائماً في نحا سيل وطاه
كل عراف القبايل تعلموا السنع=حربنا ليشتهونه ورفاقتنا كذاه
دارنا من بد الأمدار ما فيها طمع=دونها كم واحد نرده من هواه
ما شرينا الملح والمدرج نبغيه للنصع=كون للطاغي والشره لا بين خطاه

[ ولاوطينا قاسي بيلين ]

نستعين الله قوي المعونه=ما لنا إلا هو ونعم العوين
لابتي يا ويل من يسهجونه=من على جدانا الأولين
وكم شباب بنهزع غصونه=ولا وطينا قاسي بيلين
حفنا منا تصيبه جنونه=في اللقا نروي شبات السنين

[ هملوا بيتهم ما قشعت أطنابه ]

يالله اليوم ياللي ناصر طلابه=ياعوين على من كان ظلامي
كاف راعي الخطا يا سامع الاجابه=والستيرة لمن جات الأزحامي
يا مخال نشا والدرج صبابه=وجا على البيت مثل الصيف حوامي
هملوا بيتهم ما قشعت أطنابه=غليت أرواحهم من عقب الأسوامي

[ لا صاح صايح ريبه جيناه سيل جذيب ]

يالله المطلوب يا منهو علينا رقيب=إنك تكافينا سبب جرت عيال الحرام
عنيك يوم اللاش ما سر الرفيق القريب=يرقد وعينك يابن عمه ساهره ما تنام
حنا شبوب الحرب لجر العوا كل ذيب=لمن اعتذر بالبعد مع الاجناب رخو الحزام
لاصاح صايح ريبه جيناه سيل جذيب=ماحد يجي في منتحا سيل يذب العدام

[ لا دعانا داعي الغرس ]

يانديبي وارتحل فوق منبوز الظهر=منوت اللي نازح ويتنبا للعلوم
لا اعتلاها شدها ما بعد بان السفر=لا اعتذر بالبعد من لابته ردي العزوم
انص ابوشايع الين يتبلغ بالخبر=شيخنا الممدوح ياللي عسى عمره يدوم
شيخنا لاكان حنا ورا سيف البحر=عقب اللي راقد وانت عينك ما تنوم
لا دعانا داعي الغرس مرتدم الحثر=حن ذرا زين الحثر من لواهيب السموم
حن جلايبها لثار مسحوق القهر=في نهار فيه بيع ومشترا وسوم
غرس ياللي من على الجد يشرب من بحر=بين حدان القبايل تصلبه الرسوم

[ لابتي من بغى يسكن حمى جَدَّه ]

لابتي من بغى يسكن حمى جده=يرخص الروح ويسكن نسله التالي
جمعنا اللي خبيث الغيظ في الهده=لامشى صامل ما فيه عذالي
في نحاه الزنايج ما قطبوا عده=مثل طي يحذف من على الجالي
قوموا من محاجيهم هل الظله=ذي عوايد هل البيعات جهالي
من وحم طردنا بانت بهم خله=والظما حل فيهم قصف الاجالي

[غرس ياللي بشبوتين طويلة ]

يالله المطلوب ياللي نسيله=سامكن عرشه بلا عامود
غرس ياللي بشبوتين طويله=أرق من اللي يمتنونك سنود
ديرتي ديرت اسود ظليله=ما يهم احد بدار الاسود
كل ما طرش علينا الشليله=ننفعه من يوم عصر الجدود

[ طالبك يا ربنا المعبود ]

طالبك يا ربنا المعبود=سامكن عرشه عظيم الشان
كافنا راعي الخطا والزود=وكافنا اللي خزه الشيطان
غرس ياللي حملهن رجود=في الفضا ما بني له جدران
من تعذر في المدار مظهود=ينقش الحنا مع النسوان
في الحرايب لبسنا الماهود=والهنادي شلعت الاكوان
لبسنا المجري ولاله زود=كن وصف ارقابها الديبان
لا تغبت الامثال من البارود=ذاك سوق المدح يا صبيان

[ لا نقلنا غالي المشترى صافي الحديد ]

يا نديبي فوق عملية تدني البعيد=منوت اللي نازح ويترجى غايبه
لنقلنا غالي المشتري صافي الحديد=شيخنا اللي دز في اسنعنا نبايبه
ناخذ الحقان من فوق علمان تزيد=كل صانع دارس عسرة ضرايبه
ذا لعنا غرست حملها صف سريد=لين نقعد عايل صعبة طلايبه

:: عبدالكريم العماري ::

 

 

 

 

[معلومات العضو راشد المسعري]

ارحب ياعبدالكريم

بيض الله وجهك على نقل هذه الأبيات الجزلة من بعض قصائد الشاعر المرحوم حسن بن عمهوج آل عمار وياليتك تفيدنا ببعض المعلومات عنه حياته والزمن الذي عاش فيه ومعلومات اكثر عن هذا الشاعر الكبير.
تقبل ودي وتقديري ،،،،

 

 

 

 

[معلومات العضو ابومبخوت الدوسري]

وش أقول وش أخلي ، جعل يمناك ما يجيها العطب

على نقل قصائد رمز من رموز القبيلة الشاعر المرحوم حسن بن عمهوج آل عمار
بيض الله وجهك ولاهنت نترقب جديدك يا السنافي

تحيــــاتي وتقديــــري

 

 

 

 

[معلومات العضو ابو زيد الغييثي]

اررررررررررررحب تراحيب الحيا

عبدالكريم العماري


لاهنت يالقرم وجعل يمناك ما يجيها

العطب على هذا النقل الطيب وبانتظار

جديدك في هذا المجال

 

 

 

 

[معلومات العضو ابوعويس]

لاهنت يالعماري على مختاراتك من كتاب ال عمار
واختيار درر شاعرنا ابن عمهوج

وجعل يمناك ما يجيها

العطب على هذا النقل الطيب


ولا تحرمنا من جديدك في هذا المجال

 

 

 

 

[معلومات العضو دغش محمد الصخابرة]

عبدالكريم العماري


لاهنت يالقرم وجعل يمناك ما يجيها

العطب على هذا النقل الطيب وبانتظار

جديدك في هذا المجال

 

 

 

 

[معلومات العضو عبدالكريم العماري]

راشد المسعري
وجهك أبيض يابومحسن والله لا يهينك على المرور
بالنسبة لزمن الشاعر فهو في نهاية القرن الثالث عشر وبداية القرن الرابع عشر
واشتهر بالشجاعة وهذا ملاحظ في قصايده حيث أغلبها في الفخر ووصف المعارك
تحياتي لك


أبومبخوت الشكرة
وجهك أبيض يابومبخوت والله لا يهينك على المرور
تحياتي لك


أبوزيد الغييثي
ومن قال ما يهون يابوزيد وتسلم على المرور
تحياتي لك


أبوعويس
ومن قال ما يهون يابوعويس وتسلم على المرور
تحياتي لك


دغش بن محمد الصخابرة
ومن قال ما يهون يا دغش وتسلم على المرور
تحياتي لك

 

 

 

 

[معلومات العضو ابو ملفي]

السلام ورحمة الله وبركاته
معك \ حمد بن مفلح بن ملفي بن مفلح بن ملفي بن علي ال مانع
كيف الحال ياعبدالكريم العماري بنسبه لقصيده لجدي ملفي انت معذور لانك ناقلها من كتاب محرف فيه لشيخ متعب الانسان مهوب معصوم من الخطا ولكن هذه الابيات الصحيحه

يا نديبي فوق عملية تدني البعيـد ***منوت اللي نازح ويترجى غايبـه
ثم تنصى ملفي وتعطيه الوكيد***شيخنا اللي دز في اسنعنا نبايبـه
لابتي لاسج من لابته خطوة بليد***لاتباعدها من الجد في قرايبه
لالعنا غرسةٍحملها صفاً سريد***الحمى إلي من على الجد كلاً هايبه
حملها يذكر لنا ينفوحن بها العبيد***ماجرى ذا اليوم هذاك من سبايبه
لنقلنا غالي المشتري صافي الحديد***كل صانع دارس عسرة ضرايبـه
ناخذ الحقان من فوق علمان تزيد***لين نقعد عايـلٍ صعبـة طلايبـه

 

 

 

 

[معلومات العضو يحيى الودعاني]

الله يرحمه و يتجاوز عنه

بيض الله و جهك على إيراد هذه القصائد الرائعة


لاهنت

 

 

 

 

[معلومات العضو عبدالله الحافر الغييثي]

ارحب ياعبدالكريم بيض الله وجهك على نقل هذه الأبيات الجزلة من بعض قصائد الشاعر المرحوم حسن بن عمهوج آل عمار والله يرحمه . تقبل ودي وتقديري ،،،،

 

 

 

 

[معلومات العضو عبدالكريم العماري]

ابو ملفي لاهنت على وضع الأبيات الصحيحة
والكتاب لا شك أن به أخطاء
وأشكرك على المرور الطيب


يحيى الودعاني وابو مطر
لاهنتوا على المرور العطر والله يعافيكم