غزوة عبيده ودهم

[معلومات العضو تركي هذال بن نيف]

بناء على طلب اخي ابن طاحوس ومن معه مني معرفة قصة غزو عبيده ودهم على الدواسر وموقف العم ( نايف بن محمد بن نيف الودعاني وبعيره ظبيان 0في ذلك اليوم)

وحسب مالدي من معلومات انه في بدايات حكم الملك عبدالعزيز ومن المعروف في الجزيره العربيه متناحرين و غزوات وسلب والقوي ياخذ الظعيف 000الخ0

وفي سنه من السنين كانت مجموعه من الدواسرالبدوا في منطقه تسمى القانس شرق السليل 70 تقريبآ ومن المعروف ان البدو وكذلك الغزو اذا استقرو في مكان حطو عليهم سبر (رقيبه)وقد غزو عليهم عبيده ودهم من قبايل اليمن المحاذيه للسعوديه وهم على راس بن هضبان وبعد ماشاهد السبر القوم متجهين الى الأبل في المفلى (المرعى) صاح وقال القوم فيكم وركبو الرجال المتواجدين من الدواسر ذلك اليوم وكان نايف المذكور معهم وعمره لايتجاوز 22سنه ومعه اخوه هادي مترادفين على بعيره ظبيان وظبيان ينحدر من سلالة جيش اصايل ومعروف بالسبق وليس معهم سوى بندقيه واحده مع نايف وكان من اشهر الرماه (بواردي)وكان من هواة الرمي والقنص 0
القوم بعد ما سمعو الصياع والرمي والفزاع ورجعو على اعقابهم مولين0

ونايف على ظبيان سبق الفزاع بمسافه وادرك القوم وذبح واحد منهم وبعد ذلك حول ابن هضبان ورمى ظبيان وكسره خوفآ ان يلحق بهم وولأ مدبرآ ونايف لايوجد معه سوى رصاصتين وقام يرمي ابن هضبان وهم لايعرفون بعض وكان ابن هضبان ينقز يمين ويسار وهو مسرعا خوفآ من الرصاص وكل ما نقز في اتجاه وقع العبرود في مكانه 0

وبعد ذلك انهزمو القوم والفزاع رجعو وظبيان فارق الحياة 0

وبعد الأمن والأمان ولله الحمد وفي ذاة مره كان ابن هضبان يسولف على مجموعه من الدواسر بهذه القصه ويقول حسب لهجته ( نعنابيه خلجت ام نايف انشهد انه بواردي وشجاع والله اني يوم انقز مسرعآ ان البندق تقع بين رجلي في الأرض ولكن ربي ستر) وكان الناس من قديم يشيدون بالشجاع ولو من اعداءهم 0

وقال نايف بعد ذلك قصيده في الواقعه وظبيان ولم تحضرني0
ارجوا من الجميع العذر ان اطلت والســـــــــلام 0

تركي بن هذال بن نيف

 

 

 

 

[معلومات العضو نايف الخييلي]

الله يعافيك ياتركي على ايراد ذي السالفه الطيبه والله يرحم ابن العم نايف ابن نيف وكفوا والله بفعله ولاغرابه .... والحمد لله اليوم على نعمه الإسلام .

 

 

 

 

[معلومات العضو ابو فهد الغييثي]

يعطيك العافيه على القصه

ولاهنت على كل حال

تحيااااااااااتي

 

 

 

 

[معلومات العضو تركي هذال بن نيف]

المشاركة الأصلية كتبت بواسطة نايف الخييلي

الله يعافيك ياتركي على ايراد ذي السالفه الطيبه والله يرحم ابن العم نايف ابن نيف وكفوا والله بفعله ولاغرابه .... والحمد لله اليوم على نعمه الإسلام .

اخوي/ نايف الخييلي

شكرآ على مرورك الكريم

تحياتـــــــــــــي0

تركي بن هذال بن نيف

 

 

 

 

[معلومات العضو تركي هذال بن نيف]

المشاركة الأصلية كتبت بواسطة ابو فهد الغييثي

يعطيك العافيه على القصه

ولاهنت على كل حال

تحيااااااااااتي

اخوي/ ابو فهد الغييثي

شكرآ على مرورك الكريم

تحياتـــــــــــــــي0

تركي بن هذال بن نيف

 

 

 

 

[معلومات العضو ابو زابن المسعري]

الله لايهينك على هذا القصه اللي ترفع الراس
ونعم والله بك وبجدانك مخبورين اول وتالي

 

 

 

 

[معلومات العضو الحريجي]

قصه ٍ تملي الراس نوماس .. كفو يابن نيف .. ولاعجب على فحل من فحول الوداعين خاصه والدواسر عامه هالفعل الي يجعل الراس موازيا لأعالي الجبال .. ** الله يرحم ابن العم نايف بن محمد بن نيف الودعاني ويرحم جميع المسلمين احياء وموتى .. ** لاهنت اخوي تركي على الطرح الوافي .. ** تقديري ..

 

 

 

 

[معلومات العضو تركي هذال بن نيف]

المشاركة الأصلية كتبت بواسطة الحريجي

اخوي/ الحريجي

طابت اوقاتك بكل خير

بيض الله وجهك ولاعليكم زود

وشكرآ على المرور

تركي بن هذال بن نيف

 

 

 

 

[معلومات العضو حفيد الأمراء]

الأخ العزيز

والشاعر القدير تركي الودعاني

أشكرك على إيراد هذه القصة الجميلة

واللتي ترفع رو س قبيلة الدواسر

ونفخر بفعل أباء عمومتنا(قبيلة الوداعين)

وهم أهل الفخر أول وتالي


وقد ذكرت أسم أبن هضبان ولدي قصة


غزوة دهم وعبيده على الدواسر

وسؤال هل هي نفس الغزوة ام غزوتاً آخرى

وهذه هي القصة

يرويها لنا أبن الشاعر محمد بن هادي ابوسواحة الهواملة


الشاعر حسن بن محمد بن هادي الهوملة يقول في مناسبتها:


كان هويدي ابن بطينه راعي عند الهوامله وقال بروح الى جماعتي ال دمنان صوب نجران والجماعه بيشدون صوب الشمال حول الربيع

وانا ماني برايح معكم يالهوامله واخذ شرطه (( على دور السنه ياخذ له مفرود من الابل ) والهوامله اختلف عليهم الراي وغيروو وجهتهم صوب السليل ( القانص )

ويوم وصل انت ياابن ابطينه عند جماعته في دهم وعبيده قال ميد جماعته عينت لي دبش ماعندها احد

صوب القانص ويبي ربعه يتغنمون من الابل ويوم وقعوا على الحلال الإ هو حلال الهوامله بالصدفه

قال ابن ابطينها ميد جماعته : هذه ابل الهوامله وعليها الرثمه وصاح فيهم ياقوم هذولا العرب لا يمنعون ولا يرحمون ولا توخذ إبلهم خلونا ننحاش برقابنا

وقال بعض جماعته : حنا ودنا نفلت بعمارنا

وقال بعض جماعته الاكثريه : ما جينا من ديارنا الإ وحنا ناوين على الحلال ولا عندنا نيه ان حنا انهون

ثم قاموا وغاروا على الابل وخذوا الاكثريه منها ويهجونها و لا هجت لانها ما بعد إخذت من قبل


ثم صاح الصائح من الهوامله والإ هم يلحقون دهم مع عبيده واشتبكوا مع بعضهم وصار الذبح بينهم

بين( وذبح ابن الاشرم من امراء عبيده )وهو سابع سبعه وفكوا الابل

ويوم كل عود ديرته قالت ام( ابن هضبان امير دهم )" لعنباك ماجبت من المعضه ( ناقه ) بشي "

وقال ابن هضبان ميد امه راد عليها : " والله لو جبت لي منها احوار ان تشوفين وادي ادهم وعبيده

مليان من الدواسر "

فقال محمد بن هادي الهوامله قصيدته المشهورة

ونصاها الأمير حزام بن خزام العجالين وأمتدحه فيها :

عند الضحى بد يتنا لي نايف=في راس رجماً من علوي اشروفها
اول كلامي لا إله إلا الله=اللي رقيباً فوق الامه يشوفها
من عقب ذا ياراكبٍ فوق حايل=راعيها بمسواق الرحايل يلوفها
تنصى حزامٍ مشبع الضيف في القسا=راعي كرمتاً ما تنعرف لي وصوفها
راعي صحناً لا غابت الشمس جره=ما ينعرف لي حايله من خروفها
لا جاونا أهل الجبل يبغون إبلنا=على الحضانيا دامياتاً خفوفها
فبعنا عليهم بيعتاً ينحكابها=على شمخ العيرات نحمي عصوفها
لا كن قطيط الهيج منا ومنهم=بردا مخيلٍ منشيٍ من قنوفها
نطعن لعينا كل ملحاً زانه=هزعا الفقار اللي تحالق صوفها
طاح أبن لشرم وقفوا رباعته=سمر الحدايا شالته في كفوفها
ثلاثة ً وسط المدوسه واربعه=ونفساً نحر القوم جعله ذلوفها
هذا لعينا اللي أتنبا منا=في هيتاً يا ليت عينه تشوفها
حنا هل الحرشا لانق صايح=لا قامت الحيران تعثر خلوفها
حسنية ً تروي السنسن إلى التقوا=نصبر على الدنيا لا جا احذوفها
زايدية ً نبني الشروع الطيبه=هل بيعتاً لا جا ملاقي شنوفها
ختمت جوابي والصلاة على النبي=عد الحجر وعداد ممشى صروفها

[/quote]

 

 

 

 

[معلومات العضو ابو حسين الدوسري]

الله لايهينك على هذا القصه اللي ترفع الراس

ونعم والله بك وبجدانك مخبورين اول وتالي

خالص التقدير