قصيده رائعه للشاعر رويفع بن دبسي

[معلومات العضو غليص الشيباني]

عتيق صدري ضاق دن المعاميل
وابصر بحمسة بنها والقنادي

واقصر بماها لايقولون به قيل
واحرص على حباتها من السوادي

وقدم لنا قدوعها والفناجيل
تبعد هموم(ن) خيمت في فؤادي

وقرب لنا بالحال سقم الغراميل
شاص(ن) جديد وحنته هي مرادي

يقنب ليا ناش الدعث والمساييل
كنه وحيد(ن) حاصل له هجادي

وشغل ودور يمه العرق بالليل
وغض النظر لاشفت ناصر وهادي

ناس(ن)تثير من المشاكل بهاذيل
وتخلي الصدقان مثل الاعادي

جابو لي الكلمه وجابو لك القيل
وكل(ن) تبرع بالفشق والعتادي

واصبحت تكرهني بغدر(ن) وتضليل
وانا كرهتك يافتى الجود غادي

ونته بري وجاهل(ن) كل ماقيل
وانا بري من الفتن والجهادي

حتى ولو حطو البن والهيل
وحيل سمان(ن) مفطحه بالبوادي

ولو ساقو المركي ولو ركبو الخيل
ولو قادو الشقح التالي بوادي

ولو فنيت العربان جيل(ن) بعد جيل
مانسا كلام (ن) هاض شربي وزادي

خلاني اسهي صرت مثل المهابيل
وانا صحيح الحال علم (ن) وكادي

عتيق ياريف العجاف المهازيل
لاجن تالي الليل وقت البرادي

يابن الكريم الوقت خطر(ن) بتبديل
احسب حسابك لاتطيل الرقادي

واسلم وسلم عد مادرج السيل
على النبي المصطفى خير هادي


وسلامتكم

للشاعر / رويفع بن دبسي الشيباني

 

 

 

 

[معلومات العضو راشد المسعري]

ارحب يابن مشيب صح لسانك ولسان رويفع الشيباني على القصيدة الجزلة وعسى يقطع هل القال والقيل واهل النمة ، بصراحة قصيدة جزلة ونقل أجزل يالذيب تقبل ودي وتقديري ،،،

 

 

 

 

[معلومات العضو ناصر بن فهد]

.
.
•
صحُ لسانكُ وصح لسا الشاعرٍ:رويفع بن دبسيٌ الشيبانيٌ
ولاهنتُ وبيض الله وجهك يا ذيبانٌ

 

 

 

 

[معلومات العضو غليص الشيباني]

اخوي راشد واخوي ناصر جعل ربي يسلمكم صح ابدانكم ولي الشرف والله وانا بينكم شاكرلكم مروركم الاكثر من رائع

 

 

 

 

[معلومات العضو محمد بن حمد الشكرة]

اررررررررحب ياابن مشيب والله لايهينك على النقل وصح الله لسان الشاعر/رويفع بن دبسي الشيباني العتيبي على القصيدة الجزلة ولاعدمناك ياالقرم أرق التحايا

 

 

 

 

[معلومات العضو ابو زابن المسعري]

ارحب مرحباء ياشيباني

صح الله السانك والسان الشاعر على هذه القصيده الجزله

 

 

 

 

[معلومات العضو غليص الشيباني]

صح ابدانكم جميعا ولاهنتو على مروركم الاكثر من رائع يالنشاما