الهدوم تستر الحرمه وتستر رجالها

**معلومات** **العضو** · 29-01-2010, 07:14 PM

هذه قصيدة اعجبتني وهي بالفعل تحاكي حال مجتمعنا حاليا"

كل من عاش بالدنيا يشوف العجايب=مثل ماشفت بالدنيا وشفته باهلها
قمت ابرق وافرق بين مخطي وصايب=مثل فرق الجبال النايفه من سهلها
والتوافيق عندالله حظوظ و وهايب=عند رب يجازي كل نفس بعملها
اشهد ان الهدوم يسترن المعايب=اثرها تستر الحرمه وتستر فحلها
الاوادم بعضهم مثل وصف الجلايب=لو توحد بها ذيب الخلا كان اكلها
كم صبي تحسب انه عطيب الضرايب=وان بخصته , كرهت الديره اللي نزلها
مايسر ان حضر , وان غاب ماقيل غايب=مير الارزاق عند رب لخلقه كفلها
مايضد الضديد ولايفيد القرايب=يوم نفسه تعدى حدها من زعلها
وفيه رجلا" يحل المشكله والنشايب=كل ماحملوه الواجبات احتملها
واقفا" للزوم ومرتكي للنوايب=والحمول الثقيله مالها الا جملها
ليت روحه قبل تركز عليه النصايب=حط عنه اربعين من الزلايب بدلها
وفيه منهو مسالم مايحب الطلايب=ماشتقى من رضا نفسه ولا من زعلها
وفيه منهو الا كبرت عليك المصايب=ساق وجهه وجاهه لك ونفسه بذلها
وفيه منهو يبا الجودا فلاشك هايب=كل ماناض صدره جاء عضوده خللها
وفيه منهو يحل المعجزات الصعايب=اصغر افعاله الجزلات محدن فعلها
وفيه منهو يعيش وعيشته بالسبايب=كل ماسمع غلطة من رفيقه نقلها
وفيه منهو على نفسه رضا بالغلايب=الله اللي رفع نفس ونفس خذلها
لو تبي تنصحه لله مجري الهبايب=انكرك والنصيحه ردها ماقبلها
اشهد انه عقوبه من كبار العقايب=قاصر المعرفه قلبه كما قلب بلها

الشاعر/احمد الناصر