قصيدة الشاعر فراج محمد الهواشله الدوسري

[معلومات العضو المعلم]

هذه القصيده قالها الشاعر فراج محمد الهواشله الدوسري في مزاين الخرج

ابدا بذكــــــــــر اللي يرا النمل بالليل = في صخرت(ن)صما ويسمع دبيبه
الواحد المعبود منشي المخــــــاييل = رب(ن)خلقنا دون شـــك(ن)وريبه
ومن عقب ذكره يالرجـــال الحلاحيل = بابدع بيوت(ن)من ضميري غــريبه
بامزاين(ن)فالخــــرج صغت التماثيل = صغت المثايل بالــــوصوف الرهيبه
ترتيب ومنضم وحـــــــــكمت رياجيل = باقـــيادت اللي كل شعــبه حبيبه
في ضل ابومتعب زعـيم(ن)وحلحيل = حلحيل حــــلال الامــــور الصعيبه
وسلطان ذكره عانق الجدي وسهيل = زبن الـــدريك اللي فجته المصيبه
نسل الشجاع معدل الخصم تعــديل = عبدالعزيز اللي فعـــــــوله عطيبه
وايضن محـــــافظنا له المدح تبجيل = نمدح ولدناصر ونفخــــــــــر بطيبه
ولجنه شريفه تدحـــرالضلم والميل = تحـــــــكـم بحق ولا تحـب الغليبه
باقيادت الضرغام وافي المحــاصيل = خالد ولد سلمان خصمــــــه يهيبه
ولا انساك يابن عنيم يا موفي الكيل = صليب راسك والمـــــواقف صليبه
من لابت(ن)ترو السـيوف المصاقيل = دواسر(ن)بين القبايل عــــــــريبه
ولا انسا القـــــبايل كاسبين التنافيل = كل(ن)صعدبالمجــــدراس الرقيبه
والبل ذكرها الرب في محكــم القيل = الله ذكـــرها ضمن الاشيا العجيبه
يازين شــــوف البل بقاع(ن)بعدسيل = متخـــــــالط (ن)نوارعشبه وطيبه
ريح الخـــــــــــزاماوالنفل يا مشاكيل = يقعد خــــــــوا راس(ن)تزايد لهيبه
والختم صلوعـــــــــــد رمل الغراميل = على نبي(ن)زارمكـه وطــــــــيبه

ملا حظه ابن غنيم هومن تكفل بمزاين الخرج اما خالد فهو صاحب السمو الامير خالد بن سلمان ال سعود رئيس لجنت التحكيم

 

 

 

 

[معلومات العضو ابومبخوت الدوسري]

صح لسانك ولسان الشاعر فراج محمد الهواشله الدوسري على هذه القصيدة الجزلة يعطيك العافية ولاهنت ارقاااا التحاااااياااااا

 

 

 

 

[معلومات العضو الشامخ الودعاني]

صح لسانه وقصيدة جزلة تحياتي

 

 

 

 

[معلومات العضو عبدالله الحافر الغييثي]

صح لسانك ولسان الشاعر فراج محمد الهواشله الدوسري على هذه القصيدة الجزلة يعطيك العافية ولاهنت واسمح لي على التنسيق

 

 

 

 

[معلومات العضو ناصر بن فهد]

.
.
•
صح لسانك ..
وصح لسآن الشاعر: فرآج بن محمدُ الدوسريُ
ولاهنتُ على النقلُ وتسلم يمناٌكٍ