الجمس طاوعني وانا منصحا" له

[معلومات العضو عبدالله الحافر الغييثي]

هذه قصيده سمعتها في برنامج ديوانية شعراء النبط في تلفزون الكويت وهي على ما اعتقد ان شاعرها رشيدي والعلم عند الله قول:

عزاه من قلبا" به الفين عله=تجمعا" بالقلب وا عز تالي
من كل صوب هموم قلبي يجله=هموم قلبي شفت منهن الهوالي
والعقل يامساعد غدى فيه خله=كله سبب ياخوك سود الليالي
سبة وليف ماقرى بالمجله=عاش البداوه بين مر وحالي
صدفه صدفة ابو الرموش المظله=من عقب عشر اسنين شفته قبالي
في وسط سوق ومنزله ما ندله=عقب البطا واجهت زاهي الدلالي
قعد يراقبني وانا فاطن له=ونادى عليه وقلت عزي لحالي
رجعت له خجلان كله رضى له=وحصل اللقاء بين غالي وغالي
سلم عليه وأزرق الدمع هله=وأنا بعد دمعي على الخد سالي
قال انت شايب قلت ويش الادله=يقول شيبك ماله اول تالي
قلت الكبر يابنت الاجواد عله=هذا الصحيح وصح قول يقالي
قالت انت وينك قلت وين انت بله=فريت ادور لك بين السهالي
اول سنه فقدان خلا" لخله=من شوفت المرحان جاني هبالي
ادور لزولك وأنا مهتوي له=ومن شانكم عديت روس الطوالي
وثاني سنه الجمس يمك نتله=حروت منازلكم يمين وشمالي
خط عكاش وموتري صاحي له=بأرض خلى ماداج فيها الحلالي
الجمس طاوعني وانا منصحا" له=خوي جنب ولا يحب العطالي
وثالث سنه دوارتي لك ممله=ضيعت شخص بالمحبه صفالي
شخص ملك روحي وروحي فدله=غصب علي فرقاكم ماطرالي
ذي قصتي عطيتك العلم كله=لاشك عطني اعلومكم بالكمالي
يقول من فرقاك قلبي حصل له=دقه سريع وعندي الضغط عالي
راح الزمان الزين واقفى بحله=وبيت الشعر خلاص شي محالي
عقب البداوه ساكن لي بفله=عندي خدم وامشي على كيف بالي
وسيارة وسواقها مستقله=يمشي على كيفي ومشيه عدالي
اما انت مالي شف فيك لله=ياشايب ابعد روح لأم العيالي
ارتاح في وسط البيت والفرض صله=واستر ماواجهت باللي مضالي
وقال السموحه وقلت ماقلت زله=والله ما اتبع واحدا" مابغاني
وقال الوداع وقلت انا ما احتمله=ليتك على غيبتك وارجي الوصالي
واقفى يابوفارس وانا مشتقي له=افزع يابن عمي وهات الدواء لي

 

 

 

 

[معلومات العضو محسن بن عناز]

سلمت ياقرم الغييثات وجعلك تسلم موفق باذن لله

 

 

 

 

[معلومات العضو متعب الصخابره]

مسكين الشايب راحة عليه

صح للسان الشاعر ولاهنت يابو مطر على نقل القصيده اللي داخلها قصه حزينه


مشكور كل الشكر على الطرح المميز

تقبل تحياتي وتقديري

 

 

 

 

[معلومات العضو الهاج ـري]

عــزاه مــن قلـبـا" بــه الفـيـن عـلــهتجـمـعـا" بـالـقـلـب وا عــــز تــالــي
مـن كـل صـوب همـوم قلبـي يجـلـههموم قلبـي شفـت منهـن الهوالـي
والعقـل يامساعـد غـدى فـيـه خـلـهكلـه سـبـب يـاخـوك ســود الليـالـي



تسلم على الابيات الرااائعه وصح الله السان شاعرها والسانك

 

 

 

 

[معلومات العضو ابو حسين الدوسري]

صح السانك يبو مطر والسان الشاعر

تقبل تحياتي

 

 

 

 

[معلومات العضو عبدالله الحافر الغييثي]

صحة ابدانكم جميع ولاهنتوا على طيب التواجد اللذي شرفني خالص التقدير لكم ايها الاحبه