أمـيـل للعــزله وأبـعـد عـن الناس

[معلومات العضو ذيب ال بالحسن]

أمـيـل للعــزله وأبـعـد عـن الناس
‎مابي عيــون النـاس تنظر لحالي
قلبي مــن الاحــزان تايه ومنحاس
‎وعيــني تهل الدمـــع واعـز تالي
ماعدت أواطن عقب فرقاك جلاس
‎من حزني اللي ماعطاني مجالي
جــو السعاده اللي تبـدل بالاتعاس
‎مــن يـوم عـنـي ابعــدتك الليالي
اصيــح باأسمك كـل ماهب نسناس
‎لاجت بريحك لي هبوب الشمالي
وذرف دموع الوجـد وأقول لاباس
‎ومن القهر تصفق يديني شمالي
عزت على فرقـاك ياعدم الاجناس
‎وماني عقب فرقاك تايه وصالي
حـبـك بقلــبي ماله حـدود وقياس
‎حبك حياتي وشوفتك راس مالي

 

 

 

 

[معلومات العضو فهد بن مبارك الودعاني]

صح لسانكـ يالخوي ولاهان شاعرها ،، لأهنت على النقل الجميل وبيض الله وجهكـ ،، تقبل ودي و تقديري ،،

 

 

 

 

[معلومات العضو ذيب ال بالحسن]

أررررحب ياأبومبارك ولاأنت
مشكور على المرووور

 

 

 

 

[معلومات العضو دـأيـم إهـذريبــگ]

حـبـك بقلــبي ماله حـدود وقياس
‎حبك حياتي وشوفتك راس مالي



يعطيك العافيه على القصيده الرائعه وغناها كثير من الفنانين

تحياتي

 

 

 

 

[معلومات العضو الهاج ـري]

صح الله السانك والسان شاعرها ولاهنت على الطرح الطيب