فزيت من نومي وانـا اقـول لبيييـك

[معلومات العضو الهاج ـري]

شفتك بعد غيبه .. وحاولت احاكيـك=مهوب من قلبي ولا مـن جراتـه
بغيت اقول / فلان وازريـت اناديـك=وكني سمعت اسمـي معـا الالتفاتـه
فزيت من نومي وانـا اقـول لبيييـك=وآثرك رويا .. فـي منامـي وجاتـه
صفقت كف .. وقلت يا حلم يشوويـك=جددت لي جرح ٍ هنـى فـي مباتـه
يا اللي شريت البعد .. ما غاب طاريك=حتى لو ان البعـد .. سـوى سواتـه
مهوب محزني .. على حاجـةٍ فيـك=إلا إن قلبي شايـف ٍ بـك غناتـه
كن الطيوف تقـول وشحـال غاليـك=وآقول راح .. وما بقـى الا غلاتـه
لو ان ما جانـي مـن الهـم ياتيـك=كان المصلي ما حفـظ وش صلاتـه
مريت دربن .. وصادفتنـي آشبــآهك=واللي قطع كبدي .. حلاتـك حلاتـه
بغيت الخبط من دعايـاه ,, وادعيـك=واسمك وقف بين اللسـان ولهاتـه
وبغيت اجيب العيد وآقول : يرضيـك=فاللي وصاتي له .. وضيّـع وصاتـه
البعد شيّـب خافـق ٍ ميـت فيـك =والى مشى خطوه عثر فـي عصاتـه
مشكلتي / إن قلبـي يحبـك ويغليـك=ومشكلتك / انك شخص عايش حياتـه
كثر الجفا .. نار .. وحطبها تغليييـك=خف الحطب .. لا تزيد نار الشماتـه
إن ما احزنك جرح ٍ برجواه يدعيـك=ما عاد تفرق .. عيشته مـن مماتـه
قلبي وعمري .. كلهـا بيـن اياديـك=العمر فدوه .. لكـن القلـب هاتـه
وإن ما بغيت ترد قلبي مـا اوصيـك=احسن عزاه .. اللـى دريـت بوفاتـه

ممآ رآق لي

 

 

 

 

[معلومات العضو ذيب ال بالحسن]

وين القصيده

 

 

 

 

[معلومات العضو ناصر الخبر]

يا اللي شريت البعد .. ما غاب طاريك
حتى لو ان البعـد .. سـوى سواتـه

مهوب محزني .. على حاجـةٍ فيـك
إلا إن قلبـي شايـف ٍ بـك غنـاتـه



ايه انشششهد الله عليك يالهاجري انشششهد انك مبدع والله مبدع بارك الله فيك يالقرم

 

 

 

 

[معلومات العضو الهاج ـري]

ذيب

مرحبا بك اخوي والقصيده موجوده ماشفتها

 

 

 

 

[معلومات العضو الهاج ـري]

ناصر ارحب يالسنافي

وتسلم لبى قلبك ذا من ذووووقك والله


لاتحرمنا توااااجدك لاعدمنااااك

 

 

 

 

[معلومات العضو ابو حسين الدوسري]

الله يعطيك العافيه يالهاجري وبيض الله وجهك
تحياتي

 

 

 

 

[معلومات العضو الهاج ـري]

مرحبا والله بالنشمي فهد

نورت الطرح يالغالي


لاعدمناااك

 

 

 

 

[معلومات العضو شيهانه بكف صقار]

رووووووووووووووووووووووووووووووووعة القصيــــدة


صح الله لسانك ولسان القايل

لاهنت على النقل الغاوي

ارق التحآآآآياااا

 

 

 

 

[معلومات العضو الهاج ـري]

مرحبا اختي شيهانه

تسلمين والله على مرورس الضاوي


لاعدمناس