خبـلٍ يـجـي يشتالـهـا فــي حثـولـه...لـو ماهـي بيمـه تراهـا تـجـي فـيـه

**معلومات** **العضو** · 10-10-2009, 01:02 AM

قصيدة لــمــن يــهــمــه الامــــر

بعض الكلام اسمى من إنـك تقولـه
في مجلسٍ به من جهل في معانيـه

يفـرح بهـا اللـي يعتبـرهـا بطـولـه
اللـي تبـع شيطـان نفسـه ومغويـه

خبـلٍ يـجـي يشتالـهـا فــي حثـولـه
لـو ماهـي بيمـه تراهـا تـجـي فـيـه

قلـيـل فهـمـه والسـوالـف عجـولـه
ولا هو على قد العتـب والمشاريـه

ياخـذ علـى نـقـل النمـايـم عمـولـه
هـرجٍ يجـي لـك بـه وهـرجٍ يـوديـه

كلـمـه ولا يشـبـع وراهــا فضـولـه
ولاهو محقق مـن وراهـا مساعيـه

طبعه وربعـه لا لقـوه اضحكـوا لـه
يضحك له اللي يستغل الغبـاء فيـه

نـافـق لـهـم يومنـهـم نـافـقـوا لـــه
وغره هوى نفسه وكبـرت هقاويـه

يـبــي يشـكـلـه عـصـابـه ودولــــه
ووده يسـوي شـي مـاهـو مسـويـه

قــدره يحـطـه فــي مكـانـة نعـولـه
لاجل المصالـح قـدر نفسـه يوطيـه

ولـو فـار دمـه مايجـي ربـع تـولـه
وديــه يـاســود اللـيـالـي وجيـبـيـه

لاهو بـلا شاعـر ولا الشعـر حولـه
لــو كــل ليـلـه لــه قصـيـدٍ يغـنـيـه

وش عاد لو ان الحضور اهتفوا له
يـعـيـش مبـدعـنـا وربـــي يخـلـيـه

يغرق ببحر الشعر ماجاب لووولـه
وجزل المعاني ماتجي مـن معانيـه

والآدمــي لاجــات نفـسـه جهـولـه
يتـعـب ووقـتــه كـاثــراتٍ بـلاويــه

ويـطـول دربــه ويتعـثـر وصـولــه
ورجــم المعـالـي يتعـبـه مايـعـديـه

وش ميـز الرجـال غـيـر الرجـولـه
وويش ابلش العقال غير المسافيه

والرجل لامن الرجـال اسمحـوا لـه
مايعيـدهـا مـــره وثنـتـيـن يـاهـيـه

ماهو بانا اللـي مايجـي عنـد قولـه
ومن خلقتي ماقلـت قولـي واخفيـه

شاعر ورمـز اسمـي يمثـل حمولـه
واشره واشرّه وآخذ الحق واعطيه

ناصر المطيري

**معلومات** **العضو** · 10-10-2009, 01:09 AM

السيف دايم بيض الله وجهك

نقل مميز لقصيده جزله الله يعطيك العافيه لاهنت

وصح الله السان الشاعر المطيري

**معلومات** **العضو** · 11-10-2009, 06:50 PM

ابوبدر

دائما يسعدني تواجدكـ المميز في صفحاتي البسيطه

الله لايحرمنا من مثلك وشرواك

لاخلا ولاعدم...

**معلومات** **العضو** · 11-10-2009, 11:45 PM

السيف دايم بيض الله وجهك

نقل مميز لقصيده جزله الله يعطيك العافيه لاهنت

وصح الله السان الشاعر المطيري

**معلومات** **العضو** · 12-10-2009, 07:32 PM

اقتباس:

المشاركة الأصلية كتبت بواسطة دـأيـم إهـذريبــگ

السيف دايم بيض الله وجهك

نقل مميز لقصيده جزله الله يعطيك العافيه لاهنت

وصح الله السان الشاعر المطيري

تشرفت بمرورك الكريم بهذه الصفحه..

لك الشكر والتقدير

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية